NEET

நீட் தேர்வு வேண்டுமா .B .E க்கு என்ட்ரன்ஸ் வேண்டுமா?

ஆம் வேண்டும்.

இது போல் ஒரு தேர்வு இருந்திருந்தால் நான் டாக்டராகி இருப்பேன்.1974,75 ல் வெறும் நேர்முக தேர்வு மட்டுமே.

அன்று என்னிடம் கேட்கப் பட்ட கேள்வி ''உனக்கு வடை பிடிக்குமா ,இல்லை முறுக்கு பிடிக்குமா ?''.என் வகுப்பில் படித்த என் தோழி என்னை விட குறைந்த மதிப்பெண் பெற்றிருந்தும் M .B .B .S ஸீட் கிடைத்து டாக்டரானாள் .பணமும் ,பலவும்  துணை நின்றன.

பல பள்ளிகள் +2 வில் 100% மதிப்பெண்கள் பெற வைக்கின்றன.அந்த மார்க்குகளை கொண்டு அவர்கள் மட்டுமே ஸீட் வாங்க முடியும்.அப்போதும் அந்த கிராம புற  மாணவன் i .t .i  அல்லது பாலிடெக்னிக் ல் மட்டுமே சேர்ந்தான் .

அதே போல் 100% வாங்கிய மாணவன் ஏழ்மை காரணமாக மருத்துவம் படிக்க முடியாத கதையும் உண்டு.

10000 மாணவர்களை படிக்க வைக்கிறார் ஒருவர் என்று   ஆர்ப்பாட்டம் செய்யும் ஒருவர் தன் சொந்த செலவில் படிக்க வைக்கிறாரா என்ற விளக்கம் வேண்டும்..அவருடைய பணம் 10000 மட்டும் என்று சொன்னார்கள்.பிற பல நல்ல உள்ளங்கள் பணமும் கொடுத்து உழைப்பையும் தருகிறார்கள் என்பது உண்மையா?

சரி அவ்வளவு நல்லவர் மாணவர்களுக்கு இலவச பயிற்சி தரலாமே .

நம் தமிழ் நாட்டின் சிலபஸ் நல்ல தரமான ஒன்று.ஆனால் blueprint என்ற ஒன்றை மட்டுமே நடத்தி அதிக மார்க்குகள் வாங்கி கடமை முடித்து கொள்ளப் படுகிறது .ஆங்கில பாடத்தில் practical உண்டு.telegram ,money order ,cheque ,pay  in slip ,resume ,application form ,email i .d ,interview ,debate ,railway reservation form இத்தனை இருந்தது.எந்த பள்ளியில் எத்தனை பேர் நடத்தினார்கள் .மாநில சிலபஸ்ஸை குறை சொல்ல வேண்டாம்.இந்த பாடங்களை சரியாக படித்தால் நிசசயம் நீட் பாஸ் செய்ய முடியும் .

M .G .R ஆசிரியர் வேலைக்கு T N P S C தேர்வு நடத்தியதால்தான் எனக்கு வேலையே கிடைத்தது.

இல்லை  வயது மூப்பு அடிப்படையில் என்று இருந்திருந்தால் எனக்கு வேலை கிடைத்திருக்காது.