Kamal says ,

யோசித்துப்பார்க்கும் பொழுது, இன்று வரை என் தகப்பனாரின் மறைவுக்கு நான் அழுததே இல்லை. அவர் மறைந்த போது என் வயது எட்டு. ஏன் அழவில்லை - சத்தியமாகத் தெரியவில்லை. மிச்ச வாழ்க்கையைத் தகப்பனில்லாமல் எதிர்கொள்ள வேண்டும் என்ற மகா திகில் முன் அழுகை வரவில்லையோ???

வாழ்வின் தவிர்க்கமுடியாத ஒரு அங்கம் untimelyயாகப் பிடுங்கிக்கொள்ளப்படும்போது எஞ்சுவது ஒரு மிகப்பெரிய ஷாக் மட்டுமே. புலன்கள் செயலிழந்து விடுகின்றன. என்று அந்த வலியும், ஷாக்கும் குறைகிறதோ அன்று தான் அதற்காக அழ முடியும். 

ஒரு மறைவிற்கு உங்களால் அழ முடிந்தால் நீங்கள் பாக்கியவான்கள். Vent out பண்ண முடியவில்லையென்றால் you are yet to overcome the shock.
எவ்வளவு உண்மை.
கார்த்தியின் அந்த நாள் ...
அன்று நான் அப்படித்தான் பிரமை பிடித்து 
அழாமல்
 கல்லாய் 
விரக்தியாய்
 உயிரற்று 
உணர்வற்று இருந்தேன்.
இப்போது கண்ணில் கண்ணீர் வற்றுவதில்லை .எந்த வேலை செய்து கொண்டிருந்தாலும்,யாருடன் பேசிக் கொண்டிருந்தாலும் என்னை அறியாமல் கண்ணீர் துளி எட்டிப் பார்க்கும்.
யார்க்கும் தெரியாமல் லாகவமாக துடைத்துக் கொள்வேன். 
BUT I AM YET TO OVERCOME THE SHOCK. 
கார்த்திக் அம்மா

REVERED PROFESSOR 
Yash Pal
A great man.We used to watch his ''Turning point '' so religiously .My salutes to the great MAN.
KALKARTHIK
karthik amma 

 

  

 

ஆடி மாதம் பயிர் நட வேண்டும்  .ஏர் உழ வேண்டும்.தண்ணீர் பாய்ச்ச வேண்டும்.குடும்பமே வயலில்தான் இருக்கும்.ஆண்கள் பெண்கள் அனைவரும் விடியல் காலையிலேயே வயலுக்கு வந்து விடுவர்.அதனால் பெண்களுக்கு சமைக்க நேரம் இருக்காது. அதனால் நில உரிமையாளர் வீட்டில் இருந்து அனைவருக்கும் உணவு வரும்.அரிசி சாதம் ,சாம்பார் சூடு என்பதாலும் விரைவில் ஜீரணித்து பசி எடுக்கும் என்பதாலும் கம்பங் கூழ் அல்லது ராகி கூழ் தருவர்.இரண்டாவது ஆடி மாதம் புது தண்ணீர் வரும் கூடவே தொற்று நோய்களும் வரும். அதை தடுக்கவே வேப்பிலையும் மஞ்சளும் கலந்த நீர்.இதை சும்மா சொன்னால் ஜனங்கள் கடைபிடிக்க மாட்டார்கள் என்பதால் ஒரு தெய்வத்தை உருவாக்கினர்.மாரி என்றால் மழை. அதனால் மாரியம்மன் .கட்டு கதைகளை நிறுத்தி நம் முன்னோர்களின் அறிவியல் அறிவை புரிந்த கொள்ளுங்கள்.
கார்த்திக் அம்மா

இன்று ஆடி மாத பிறப்பு.
எங்கள் சேலம் மாவட்டத்தில் சிறப்பான கொண்டாட்டமாக இருக்கும்.
புதுமண தம்பதியினருக்கு மாமனார் விட்டு அழைப்புடன் சீரும் கிடைக்கும்.
''கோழி அடிச்சு கொளம்பு வச்சு '' மருமகனுக்கு ஸ்பெஷல் கவனிப்பு.ஜோர் ஜோர்தான்.
சிறுவர்கள் காலையில் அருகம்புல் தலையில் வைத்து நீராடி ''ஒப்பிட்டு '' (போளி ) பலகாரம் சாப்பிட்டு ...சொல்லாமல் அறியப்படுவது கோழிக்குழம்பு ...
ஒரு தேங்காயை எடுத்து உரசி மொழு மொழு வென செய்து அதில் ஒரு கண்ணை துளையிட்டு பாதி தண்ணீரை எடுத்து விட்டு உள்ளே எள் ,வெள்ளம்,அரிசி ,ஏலக்காய் போட்டு புரசை குச்சியால் துளை அடைத்து நெருப்பில் சுட்டு பிள்ளையார் கோவிலுக்கு சென்று வழிபாட்டு வந்து அதை உடைத்து சாப்பிட்டு மகிழ்வர்.
தேங்காய் சுடும் நோம்பி (நோன்பு) என்றேதான் சொல்வார்கள்.
பழைய நினைவுகள் .
காலம் மாறி 
கோலம் மாறி
 இன்று சென்னையில்.
வாழ்க்கை சக்கரம் எனக்கு சுழன்றது போல்
காற்றில் அலையும் காகிதமாய் என்னை அலைய விடுவது போல்
யாருக்கும்    வேண்டாம் .
ஆடி மாதம் புது தண்ணீர் வருவதால் நோய் தொற்றும் வரும் என்பதால் இந்த தேங்காய் நோய் எதிர்ப்பு சக்தியை தரும் என்ற அறிவியல் அடிப்படையில்தான் இந்த தேங்காய் சுடும் நோம்பி
கார்த்திக் அம்மா

பாராட்டு :
தந்தி .அசோகா :
ஆச்சி ஓனர் :
ஹரி தந்தி டி .வி யை விட்டு வெளியேறிய போது ஒரு வெற்றிடம் ஏற்படுமோ என்ற எண்ணம் வந்தது.
ஆனால் அசோகா சூப்பர் .மெல்லிய நகைசுவை.
அதனினும் மெல்லிய கிண்டல்.ஒரு '' ''ஹும் '' என்ற ஒலியிலேயே மற்றவரை மடக்கும் பாங்கு.குடோஸ் அசோகா ...
வாழ்த்துக்கள்.
 ஆச்சி மசாலா அதிபர் 
என் பொருளுக்கு (product )க்கு நானே உத்தரவாதம்.ஏன் ஒரு கால் மீட்டர் துணியில் ஒருவரை ஆட விட்டு ஒரு கீச்சு குரலில் ஒருவரை பேச விட்டு .....நான் தருகிறேன்.உங்களுக்கு உத்தரவாதம்.என்ற தொனியில் தன பொருளின் விளம்பரத்தில் தானே வரும் அவருக்கும் என் வாழ்த்துக்கள்.
அதேதான் சரவணா ஸ்டோர்ஸ் அதிபருக்கும்.
அதேதான் லலிதா நகைக் கடை அதிபருக்கும்.
கார்த்திக் அம்மா