About Me

My photo
My life is the sum of the reminder of an unbalanced equation inherent to the programming of the Matrix.
I am the anomaly.

2022/09/18

NEWS CHANNELS

சில பல செய்தி சேனல்கள் தரும் செய்திகள்.

ஒரு 1/2 மணி நேர நிகழ்ச்சி  :

ஆரம்பம்.

முதல் 5 நிமிடங்கள் பெண்களின் உள்ளாடை விளம்பரங்கள் .(மகனோ ,மகளோ அல்லது வேறு யாராக இருந்தாலும் ,பக்கத்தில் இருந்தால் அவ்வளவுதான்.)

அதற்கடுத்தது ஒரு சாக்லேட் விளம்பரம்,அப்படி ஒரு மொக்கையாக இருக்கும். 

இப்படியாகத்தான் விளம்பரங்கள் முடிந்த பிறகு 

முதல் செய்தியாக 2 மகன்களுக்கு தாயான 40 வயது பெண் 20 வயது கள்ள காதலனுடன் ஓட்டம்.

2வது செய்தியாக 2 சிறுமிகள் நீரில் மூழ்கி உயிர்இழப்பு.

3 வது செய்தியாக பின்னால் வந்த லாரி பேருந்து மீது மோதி 6 பேர் " "பரிதாபமாக  உயிர் இழந்தனர் " ".

உயிர் இழப்பதே பரிதாபமானதுதான்.அதில் இந்த அடைமொழி வேறு.

4வது செய்தி.70 வயது முதியவர் பெண்ணின் வயிற்றில் இருக்கும் 6 மாத குழந்தைக்கு பாலியல் தொந்திரவு.

''சிறிய இடைவேளைக்கு பிறகு செய்திகள் தொடரும்.''

இடைவேளையில் மீண்டும் சட்டி,பனியன்,மிளகாய்த் தூள் விளம்பரங்கள்.

5 வது  செய்தி :ஒரு தலைவர் ஒரு நிகழ்சசியை தொடங்கி வைத்து உரை ''ஆற்றுவார் "(சூடாக இருக்கிறதாம்.) அதனால் ஆற்றுகிறார்.

நமக்குத்தான் சுகர் ,பி .பி எகிறி உடல் சூடாகிவிடும்.

6வது  செய்தி. நாளை மழை வரும் என்று நாங்கள் சொல்வதால் அதை நம்பி குடையோ ,ரெய்ன் கொட்டோ எடுத்து செல்ல வேண்டாம்.

7 வது செய்தி :இத்துடன் இந்த செய்தி அறிக்கை முடிவடைந்தது.

ஒரு செய்திக்கும் அடுத்த செய்திக்கும்இடையில் பாகிஸ்தானிலிருந்து நாலைந்து பாம் போட்டது போல் வெடி சத்தம்.

அது ஒன்றும் இல்லைங்க.BGM .

முன்பெல்லாம்  செய்திகளுக்கு இடையேதான் வெடிகுண்டு.

இப்போதெல்லாம் செய்திகள் வாசிக்கும்போதே குண்டுமழைதான்.

இந்த சேனல்களுக்கு எத்தனை முறை சொன்னாலும் எந்த மாற்றமும் கிடையாது.

தலைவிதியே ..தலைவிதியே ..என்று விதியை திட்டிக் கொண்டே பார்க்க வேண்டியதுதான்


2022/08/22

Horlicks ad

 ஹார்லிக்ஸ் விளம்பரம் .

அண்ணன் ஹாஸ்டலுக்கு செல்கிறான்.

தம்பி சொல்கிறான் 

'' நீ இல்லாமல் வீடே போரடிக்கும்'' 

செந்திலும் இதைத்தான் சொன்னான்.

நிரந்தரமாக அண்ணன்  (கார்த்தி ) பிரிந்து விடுவான் என்று நினைத்தானா .

இன்று தன் அண்ணனை எவ்வளவு miss செய்கிறான்?????

 

எந்த ஒரு சந்தேகம் கேட்கவோ 

எந்த ஒரு ஆலோசனை கேட்கவோ 

ஒரு moral support க்காகவோ 

அண்ணன் .அண்ணன் .

என்னிடம் மறைத்தால்  எனக்கு புரியாதா ???

அதுவும் அவன் VFX  project க்கு அண்ணன் இருந்திருந்தால் துள்ளி குதித்துக் கொண்டிருப்பான்.

இப்போது ஏகலைவன் மாதிரி தானே கற்றுக் கொண்டு தானே தடுமாறிக் கொண்டுள்ளான்.

கார்த்தி முகத்தை பார்த்தால் போதுமே 100 யானை பலம் வருமே.

கார்த்தியின் நண்பர்களோ ,

உறவினர்களோ

எல்லோரும் ஒதுங்கிக் கொண்டனர்.

செந்திலை பார்த்தால் அடி  வயிறு வெடிக்கிறது.

வேதனை அவனை சோதிக்கிறது.

இதையெல்லாம் தாண்டி செந்தில் வெற்றி பெற வேண்டும்.

நானும் செந்திலும் தவிக்கும் தவிப்பு  வார்த்தையில் சொல்ல முடியாது.

2022/08/21

 

மீள் பதிவு 
என் முழு நிலவு
இன்னும் மனம் 2005 லேயே இருக்கிறது.
தேறும் வழி தெரியவில்லை.
மகன் ஏக்கம் உயிரை கொல்கிறது  Still living in 2005.
Today is 21st aug.
I+KARTHIK+SENTHIL WERE IN KARUR.

அன்று  பௌர்ணமி .
2005 Aug  20 ம் தேதி அன்று பௌர்ணமி.அன்று நான், கார்த்தி, செந்தில் மூவரும் Bangalore லிருந்து கரூர் நகருக்கு புறப்பட்டோம். கார்த்தியின்  நண்பருக்கு திருமணம். திங்கள்  அன்று திருமணம்..சனிக்கிழமை கிளம்பினோம்.இரவு 7 மணி.செந்தில் காரை ஓட்டி  வர நான் முன் சீட்டில் ..கார்த்தி பின் சீட்டில் இருந்து சாப்பிட்டுக் கொண்டிருந்தான்.சாப்பிட்டு முடித்து கை கழுவ  கார் கதவை திறக்க நான் ''ஜாக்கிரதை கண்ணம்மா '' என்கிறேன்.'' ''ஆமாமாம்.பார்த்து ,பறந்து விடப் போகிறாய் ''  என்று (கார்த்தி ஒல்லியாய் இருப்பதை கேலி செய்து ) செந்தில் சொல்ல  பேச்சும்  சிரிப்புமாக வந்து கொண்டிருந்தோம்.அப்போது செந்தில் ''அம்மா இங்கு பாருங்கள். '' என்று முழு ,பிரகாசமான நிலவை காட்டினான். நான் ''இது என்ன பெரிய நிலா,  இதை விட அற்புதமான நிலா   பின் சீட்டில் இருக்கிறது.  என் கார்த்தி மகன் முகம்தான் என் பிரிய நிலா. அழகு நிலா '' என்று சொல்ல பின் சீட்டில் இருந்த கார்த்தி இரண்டு சீட்டிற்கு  நடுவில் தன முகத்தை நீட்ட அவனை கொஞ்சி உச்சி முகர்ந்து என் இரு கைகளில் அவன் முகத்தை ஏந்த , செந்தில் '' போதும் ,போதும் அம்மாவும்  மகனும் கொஞ்சியது '' என்று செல்லமாக கோபிக்க ....சேலம்  சென்று என் அம்மா வீட்டில் தங்கி ,எல்லோருடனும்  அவ்வளவு சந்தோஷமாக  இருந்து விட்டு கரூர் சென்றோம்.
அந்த 3 நாட்களும் எவ்வளவு சந்தோஷமான  நாட்கள்.
சினிமாவில் வருமே .ஒரு பெரிய குடும்பம் .சந்தோஷமான,  பாசமான  குடும்பம் பாட்டு  பாடி ஆடி முடிக்கும் போது  வில்லன்கள் வந்து அவர்களை நாசப் படுத்துவார்களே.
அதே போல்தான்  என் வாழ்விலும்  நடந்து விட்டது.
கடைசி, கடைசி என்று கார்த்தி தன் உறவினர்கள்,  நண்பர்கள் என அனைவருடனும் சந்தோஷமாக இருந்தான்.கரூரிலிருந்து  திரும்பும் போதும் சேலம் சென்று தன்  பாட்டி  தாத்தா  மாமன்கள்  என எல்லோரையும் பார்த்து விட்டு சந்தோஷமாக பேசிக் கொண்டிருந்து விட்டு bangalore  சென்றோம்.
என் வாழ்வின் கடைசி சந்தோஷமான நாட்கள்.
இன்றும் முழு நிலவை பார்க்க தைரியம் இல்லாமல் பைத்தியமாக இருக்கிறேன்.
கார்த்திக் +அம்மா
KALAKARTHIK

2022/07/30

what to write

 எதை எழுதுவது .

செஸ் ஒலிம்பியாட் பற்றியா?

உலகமெங்கும் எல்லா நாடுகளும் தண்ணீரில் மூழ்கி மக்கள் தவிக்கிறார்களே 

அது பற்றியா 

அல்லது காட்டு தீயாய் பற்றி எரிகிறதே 

அது பற்றியா 

எதையும் எழுத முடியாத அளவிற்கு மனம் விரக்தியில் இருக்கிறது.

2022/07/15

பெரியார் பல்கலை :என்ன ஜாதி

 ஜாதி வேண்டாம் என்று சொன்ன பெரியார் பேரில் உருவாக்கப் பட்ட பல்கலை.

M .A இரண்டாம் ஆண்டு கேள்வித்தாளில் ஒரு கேள்வி.

கீழ்கண்ட ஜாதிகளில் எது தாழ்ந்த ஜாதி?

4 பதில்கள்.(options ).

கோபம்.

ஆத்திரம் 

ரௌத்திரம்.

கொலைவெறி 

வருகிறது எனக்கு.

ஜாதியே இல்லை என்று ஆகிவிடாது.

எத்தனை கலப்பு திருமணங்கள் வந்தாலும் lurking factor ஆக ஒளிந்து வாழ்ந்து கொண்டுதான் இருக்கும் இந்த ஜாதி எண்ணம்.

இருந்து விட்டு போகட்டும்.

ஆனால் உயர் ஜாதி ,தாழ்ந்த ஜாதி ,ஆண்ட ஜாதி போன்ற பாகுபாடுகள் வேண்டாமே.

2000 களில் ஜெயந்தி சிக்னலில் ஒரு பெரிய பேனர் இருக்கும்.

'''' கிருஷ்ணசாமி பறையனார்'''' என்று .

அவ்வளவு பெரிய பேனர்.

எவ்வளவு ரசித்தேன் நான்.

ஒரு இசை அமைப்பாளர் ஒரு மேடையில் அழுதார்.

'' நான் பிராமணனாக பிறக்கவில்லையே '' என்று.

அவர் எங்கே ?

ஆமாம் . நான் இவன்தான் என்று சொல்லும் கிருஷ்ணசாமி அவர்களின் தன்னம்பிக்கை,ஈகோ , கெத்து எங்கே?.

இப்போது ஜாதி பற்றி பேச வேண்டிய அவசியம் பெரியார் பல்கலைக்கு ஏன் வந்தது.

அந்த பல்கலையில் குறிப்பிட்ட ஜாதியினரின் ஆதிக்கம் அதிகம் என்று சொல்கிறார்கள்.

இந்த கேள்வி தாள் என் கவனத்திற்கு வரவில்லை என்கிறார் v .c .எவ்வளவு சிறிய வி .சி .

துறை தலைவர் என்ன செய்து கொண்டிருந்தார்?

கண்ட்ரோலர் of exams கவனத்திற்கும் வரவில்லையாம்.

அப்போது   பல்கலையில் யார்தான் எதற்குத்தான் பொறுப்பு?

இந்த போக்ஸோ சட்டத்தில் பிடிபட்டவர்கள் பற்றி செய்தி போடும்போது கமெண்டில் ''இவனை நடு தெருவில் நிறுத்தி சிர  சேதம் செய்ய வேண்டும் என ஒரு 100 பேர் சொல்வார்கள்.

இந்த கேள்வி தாள் தயாரித்த அந்த வக்கிரம் பிடித்த 

ஜாதி வெறி பிடித்த ,திமிரின் மொத்த உருவமான அந்த அரக்கனுக்கு என்ன தண்டனை கொடுக்கலாம்????????? 

இப்படி செய்யலாம்.

அண்ணா பல்கலை.----ஜாதி.

பாரதியார் பல்கலை ---ஜாதி 

என்று ஒவ்வொரு பல்கலைக்கும் ஒரு ஜாதி பெயர் கொடுத்து விடலாம்

 


 

 

2022/07/05

bike ride

 யார் அந்த வாசன்?

10 லட்சம் பேர் பின்தொடர்கிறார்களாமே ?

என்ன செயல்?

பைக்கில் 243 கி.மீ வேகத்தில் பறக்கிறாராமே .

இந்த பதிவை வலிமை படம் வந்த போதே எழுத வேண்டும் என்று நினைத்தேன்.

அந்த படத்தில் பைக் சாகசங்கள் என்ற பெயரில் இளைஞர்களை உசுப்பேத்தி இன்று எத்தனை பேர் விபத்தில் சிக்குகிறார்கள் .

இப்போது இந்த வாசன்.

கட்டாயம் இதை கண்டிக்க வேண்டும்.

2022/06/22

KMK

 என்ன அது KMK ?

கலாகார்த்திக் முன்னேற்ற கட்சி 

{அது என்ன கட்சி????????..எல்லோரும் கழகம் என்றுதானே பேர் வைப்பார்கள்.இங்கே ஏன் கட்சி என்று பேர்????????}

கழகம் னு பேர் வைத்தால் பாதி பேர் 'கலகம் ' என்று படிப்பார்கள்.சொல்வார்கள்.

எனக்கு கலகம் என்பதே பிடிக்காது.

சரி .விஷயத்துக்கு வருவோம்..

கட்சி ஆரம்பித்து விட்டேன்.

எல்லோரும் ஓட்டு போட்டு அமெரிக்க ப்ரெசிடெண்ட் ஆக்கி விடுங்கள்.

அல்லது கனடா பி.எம் 

அல்லது சைனா நாட்டின் தலைவர் 

அல்லது ஜப்பான் நாட்டின் ( நான் என் பெயரை கிஷி மூஷி புஷி என்று மாற்றி கொள்கிறேன் )

இப்படிஏதோ ஒரு நாட்டுக்கு தலைவனாக்கி  விடுங்கள்.

அம்மணி 

நம் நாட்டுல ஏதும் எண்ணம் இல்லையா ???

ஐயோ சாமி மாட்டி உடாதீங்கோ சாமி.

நான் வேறு நாட்டையே பார்த்து கொள்கிறேன் .

2022/06/10

June 4th

 2005.

ஜூன் 4ம் தேதி .நானும் செந்திலும் சென்னையில் இருந்து பெங்களூரு வந்து சேர்ந்தோம்.

கார்த்தி மகனுடன் வாழ போகிறோம் என்ற சந்தோசம் மிக மிக அதிகமாக இருந்தாலும் 

புது ஊர் ,

transfer கிடைக்கவில்லை 

பல குழப்பங்கள் 

ஆனால் 

மகனுடன் ..

வேறு என்ன வேண்டும் . 

ஒரு % கூட எதிர் பார்க்கவில்லை.

உலக மகா சுனாமி காத்து கொண்டிருக்கிறது என்று.

விதி விளையாடும் என்பது உண்டு.

ஆனால் இப்படியா விளையாடும்???????

2022/03/06

Domro

 ரோம் பற்றி எறிந்த போது நீரோ மன்னன் பிடில் வாசித்தான் என்று சொல்வார்கள்.

இதற்கு மேல் எதுவும் சொல்ல வேண்டியதில்லை.

2022/02/18

தேர்தல் அலப்பறைகள்

 ஆஹா ,தேர்தல் வந்தால் அரசியல் வாதிகளுக்கு மக்கள் மேல் எவ்வளவு அக்கறை வருகிறது ?

வடை சுட்டு கொடுப்பதென்ன?

குழந்தைகளை குளிக்க வைப்பதென்ன?

குப்பை எடுப்பது என்ன?

காலில் விழுவது என்ன?

என்ன ..என்ன..என்ன

தேவை இல்லாத புல்  செடிகளை வெட்டுவது என்ன?( யாரையும் பழிப்பது எனக்கு பிடிக்காத விஷயம்) ஆனால் அந்த பெண் அந்த வேலைக்கு மட்டுமே தகுதியாக தெரிந்தார்.

இத்தனை நாட்கள் அந்த குப்பை கழிவுகள் கண்ணுக்கு தெரியவில்லையா?

இத்தனை நாட்கள் அந்த தெருவில் தண்ணீர் வருவதில்லை என தெரியவில்லையா?

ஒரு தன்னார்வலர் அமைப்பை வைத்து இதையெல்லாம் சரி செய்திருக்கலாமே ?

ஒரு வேட்பாளர் '' நான் உங்கள் வீட்டிற்கு தண்ணி கேன் போட்டேன்.அதனால் எனக்கு ஓட்டு போட்டு கவுன்சிலர் ஆக்குங்கள்'' என்று வோட்டு கேட்டாராம்.

இதெல்லாம் ''சரி'' என்று ஒத்து கொண்டாலும் ???

ஜெயித்த பிறகு மக்கள் அவர்கள் வீட்டில் காத்து கிடக்க வேண்டுமே.

தண்ணீர் வரி 

வீட்டு வரி 

வீடு கட்ட வரி 

பைப் லைன் வரி 

எல்லை இல்லா அதிகாரம்.

'' '' சிஸ்டம் சரி இல்லப்பா'' ''

இன்னும் 5 வருடங்களுக்கு ராஜாங்கம்தான்.

மக்கள் நிசசயமாக இந்த நாடகங்களை நம்புகிறார்களா?

அல்லது இன்றைக்குத்தானே காலில் விழுகிறான் என்று ரசிக்கிறார்களா?

நாடகம் ,நாடகம் நடக்கிறது.

யாரை குறை சொல்வது??????

2022/01/30

என்ன குறை

 it should be 1999.கலைஞர் முதல்வராக இருந்த போது அந்த ஊர் M .L .A க்களை வீடு வீடாக சென்று மக்கள் குறைகளை கேட்க சொல்லி உத்தரவிட்டார்.

அதன்படி எங்கள் ஊர் எம்.எல்.ஏ ஒரு 25 பேர் புடை சூழ வந்து கொண்டிருந்தார்.என் வீட்டை தாண்டி போகும்போது ஓடிப் போய் அவரை மறித்து நின்று கொண்டேன்.'' 'அதெப்படி ? என் வீட்டில் எதுவும் கேட்காமல் போகலாம்???'' என்று அவரை வம்பிற்கு இழுக்க (யாரை விட்டு வைத்தேன்???? )

அவரோ '' டீச்சர் ,உங்கள் வீட்டில் என்ன குறை இருக்கிறது????????? நான் என்ன கேட்ப்பது?''என்கிறார்.''சரி.வாருங்கள்.coffee சாப்பிட்டு விட்டு செல்லுங்கள்.''என்றேன்.என்னுடன் 25 பேர் இருக்கின்றனர்.உங்களுக்கு சிரமம் வேண்டாம் '' என்று சொல்லி சென்றார்.

இப்போது வாழ்க்கையில் குறைகள் மட்டுமே.nothing positive has happened .Not even a single positive ,happy  thing  has happened .செந்திலின் கல்யாணம்?????

அவன் தொழில்?

என் உடல் ஆரோக்கியம்?

எதுவுமே சந்தோஷமாக இல்லை.

என்று தீரும் கஷடங்கள் ?

என்று மாறும் இந்த துக்க நிலை?

கண்களில் நிரந்தரமான கண்ணீருடன்

2021/12/20

இந்திரா காந்தி

 1971 ம் ஆண்டு நடை பெற்ற போரில் இந்தியா வெற்றி பெற்ற 50 ம் ஆண்டு நினைவு நாள் பெரிய விழாவாக கொண்டாட பட்டது.மகிழ்ச்சி .ஆனால் இந்த போரின் கதாநாயகி பற்றி ஒருவர் கூட பேசவில்லை.ஜாதி மதம் அரசியல் தாண்டி அவறின் வீரத்தை  தைரியத்தை திறமையை பாராட்டி இருக்க வேண்டாமா?.அத்தனை படை தளபதிகளும் தடுத்தும் என் படை வீரர்களுக்கு என்ன ஆகிறதோ அது எனக்கும் ஆகட்டும் என்று சொல்லி விட்டு போர்க்களத்திற்கு சென்று அவர்களிடம் உற்சாகமாக பேசிய அந்த மாண்பை  பாராட்டி இருக்க வேண்டாமா?.பங்களாதேஷ் உருவாக்க பட்ட போது அந்த நாட்டு மக்கள் இவர  தெய்வமாக வணங்கினார்களே  அதை நினைவு கூர்ந்திறுக்க வேண்டாமா?. emergency  நான் செய்த மிக பெரும்  தவறு என்று ஒப்பு கொண்டதை சொல்லி இருக்க வேண்டாமா?.1971 போரில் வென்றதை உலகமே வியந்து பார்த்ததே..இந்தியா ஒரு வல்லரசு நாடு என்று உலகிற்கு தெரிய படுத்தினாரே அதை பற்றி பேசி இருக்கலாமே .

2021/12/19

what to say?

 எதை எழுதுவது என்று தெரியவில்லை.எந்த செய்தியும் நல்ல செய்தியாகவே இல்லை.வாழ்க்கையிலும் எந்த நல்ல செய்தியும் இல்லை. காலம் வேகமாக ஓடுகிறது.

மக்களின் துன்பங்கள் நீங்கி நல்  வாழ்வு பெறட்டும்.

2021/11/21

நீயா நானா

 இன்றைய நீயா நானாவில் young grandma (இள வயது பாட்டிகள் )என்பது பேசுபொருள்.

பாட்டிகள் இத்தனை வருடம் குடும்பத்திற்காக உழைத்து விட்டோம்.

now we want to enjoy our life .எனக்கே எனக்கான வாழ்க்கையை நாங்கள் வாழ வேண்டும் என்று பேசினார்கள்.

We look young , we feel young அப்படி இருக்க எங்களை ;ஆயா ,பாட்டி, அப்பத்தா என்று கூப்பிட்டு ஏன் ஓரம் கட்டுகிறீர்கள் என்று வாதம் செய்தனர்.

எனக்கும் இந்த எரிச்சல் வரும்.எங்காவது கடைகள்,பஸ்ஸில் ஒரு 35 வயது மதிக்க தகுந்த பெண்கள் ''பாட்டி'' என்று கூப்பிடும்.

எனக்கு 50 வயது.அவர்களுக்கு 35 வயது.

பெண்பிள்ளைகள்தான் இந்த அக்கிரமம்.

அதுவே அந்த வயது பையன்கள் ''அம்மா'' என்றுதான் சொல்வார்கள்.

ஹரிகேச நல்லூர் ஐயா பேசுகையில் ஒரு முறை இதைத்தான் சொன்னார்.40 வயதுள்ளவர்கள் எல்லாம் என்னை ''தாத்தா '' என்கிறார்கள்.கோபம் கோபமாக வருகிறது என்கிறார்.

யாருக்குமே தனக்கு வயதாகி விட்டதோ என்ற பயம் வந்து விடுகிறது

என் பிரச்சினை வேறு.

இந்த நிகழ்சசியில் பேசிய பெண்கள் சொன்னது போல் எனக்கு modern dressing etc ஆசை எல்லாம் கிடையாது.

வயது தெரிந்து விடும் என்ற எண்ணம் கிடையாது.

என் கார்த்தி மகனுடைய மகனோ, மகளோ வந்து என்னை பாட்டி என்று கூப்பிட வேண்டும்.

எத்தனை கனவுகள்????

எத்தனை கற்பனைகள்?????

கார்த்தியுடன் எத்தனை விளையாட்டு பேச்சுக்கள் ?????????

அத்தனையும் கற்பனையாகவே போய்விட்டதே ....

அதனால் இந்த பாட்டி என்ற வார்த்தை என் உயிரையே உலுக்குகிறது.

2021/11/19

KARTHIK'S RUMBLES

 

Rumble in the Bronxகார்த்திக்கின் 2005 u.S பயணம்

2005 வரை கார்த்தியின்  posts .அதன் பின் நான் [கார்த்திக் அம்மா தொடர்கிறேன்.]இது ஒரு மீள் பதிவே
A travelogue in pics.[this is posted by KARTHIK ]கார்த்திக்கின் 2005 u.S பயணம்

6/17
.
Coffee with Boeing! Cafe by the airside at London Heathrow

6/18

Outside Indianapolis Speedway


Formation lap


Narain Karthikeyan


Fox reports on US GP debacle

6/25

San Antonio Sea World

6/26

SCSE2002 Texans Get-together. Herbert Jose (he is now Hose ;), Arun aka Koopi, Sibi and the honorary Texan


Jet Skiing in Lake Travis, Austin

7/2

With Vijay aka <%youknowwhat%> at College Station, TX in front of his department.


Live music at the live music capital of the world(read US). 6th Street, Austin

7/4

Independence Day, downtown Austin

7/6

Tubing in Lake Georgetown

7/8

Stranded in Cincinnati airport after the flight missed me. Was one of the only 4 people in the whole airport that night. Ironically, I was watching 'The Terminal' on my GMini.

7/9

Perumal, me and Vasanth @ Peru's apartment in Jersey City. The view out of his window in Manhattan.


Ellis Island Museum. Remember the place Will Smith takes Eva Mendes to, in Hitch?


Been There Seen That


BTST


BTST


Scene at a NewYork Times Square Subway Station


Caricature of a caricature. Times Square

7/10

At Sai's house in Washington DC.


Hope diamond at Smithsonian Museum of Natural History. This was supposedly stolen from the idol of Sita from some temple in India and hence carries a curse!


National Archives. Remember the place Nicholas Cage steals the US Constitution in National Treasure?


Nilaava thottathu yaaru? Intha Karthikeyan thaan! Piece of rock from the moon


No. This was not part of my trip. But this ruined my planned trip to London. I even got the British visa the day before the blasts. But my mom denied me visa to go to London. :( (That makes me a victim of a terrorist attack, doesn't it?)

2005/07/05

Move over, iPod! GMini is here!!

The time of plain vanilla mp3 players is over. Even before it really started, I guess.
Life is not just random, guys. Life is color. And life is both audio and video.
Check out my new 20GB Audio/Video player Archos GMini400.

Mustang, here I come! Montoya, here I come!

I am travelling to Austin tomorrow, for a month's stay. No body knows why I have to go to Austin to do the same work, I have been doing(or not doing) all the while here. Anyway, at least I will get to take that Ford Mustang for a spin again. That was the part I loved most in my last trip too.

But thats not all. We have to grow up. We gotta keep doing greater things. So I am gonna watch one Mr.Juan Pablo Montoya drive one car called Mclaren in one Indianapolis Motor Speedway in a event called Formula 1 U.S Grand Prix. Let me pinch myself again. 3 weeks ago I wasn't sure I will watch an F1 race in my life time. In two days time, its gonna be a reality. (if all goes well, that is)

What next? I am planning a vacation in London on my return journey, subject to the British Consulate in LA giving me a visa. What with my gang-mate NaveenRaj in London assuring complete sponsorship for the vacation and my company sponsoring my travel this is one helluva deal of a lifetime to tour London for free...

Have kept the rest of my schedule pretty open to accomodate any wacky ideas me and my friends there can generate(A visit to NYC is on the cards..) So stay tuned to hear my exploits.. (No. not like the one from my last visit where I banged my Mustang against a Dodge Ram! or that tumble down that ski slope without my skiing sticks!!)
mean, who framed these rules? Is this where science ends and religion starts?)

BUT, I am not ready to take 'God' as the default answer for the lack of even some flimsy piece of evidence to support it, except for people's belief(and how many billions of them for how many ages)

2005/06/02

Hasta La Vista, Chennai!

இது நாள் வரையில் நான் என்னை முழு பெங்களூர்வாசியாக நினைத்ததில்லை. வாரத்தில் 5 பகல்கள் 4 இரவுகள் பெங்களூரில், 2 பகல்கள் 1 இரவு சென்னையில், 2 இரவுகள் பெங்களூர் மெயிலில் 'Side Lower berth' இல். இது தான் என் கடந்த மூன்று ஆண்டு கால வாழ்கை. ஆனால் இந்த வாரம் முதல் நான் ஒரு முழு பெங்களூர்வாசி. கடைசியாக hosteler வாழ்க்கை முடிந்து உண்மையிலேயே day-scholar ஆக போகிறேன்! Lets see how a full-fledged life in the IT capital turns out to be.
2

2005/02/23





தீபமும் கதைகளும்

 4 மணிக்கு ஆரம்பித்து 6 மணி வரை எல்லா சேனல்களும் தீப நிகழ்ச்சியை ஒளி பரப்பின.

நன்றி.

ஆனால் வெறுப்பேத்திய விஷயம் என்ன என்றால் அங்கங்கே ஒருவர் உட்கார்ந்து கொண்டு கதையாய் சொன்னார்கள் பாருங்கள் ULTIMATE ...இவர்களே கடவுள் கூட இருந்த மாதிரி என்ன டயலாக்.

 சொல்லுங்க .

ஆனால் நம் முன்னோர்கள் எந்த ஒரு விழாவையும் காரணமில்லாமல் செய்யவில்லை.

ஏதோ ஒரு அறிவியல் காரணமாகவே இந்த மத சம்பிரதாயங்கள் .

இந்த மலை பற்றி கேட்டால் ஒரே வார்த்தை ''இது அக்னி ஸ்தலம் ''.அப்படி என்றால் அந்த மலையின் கல் என்ன வகை?

whats the radiation?

whats the influence of the moon's rays on the stone ?

how does it affect and effect human being?

somewhere long long ago i read that when we light lamps lakhs and lakhs together its heat and the gas released from the oil nullify the storm effect.

MAY BE TRUE or may not.

இத்தனை கதை சொல்பவர்கள் கொஞ்சம் அறிவியல் என்ன சொல்கிறது என்பதையும் படித்து ஆராய்ந்து அதையும் விளக்குங்கள்.

நம் வாரிசுகளுக்கு தெரியட்டும்


 

2021/11/10

மழையும் டி வி சேனல்களும்

EXAGGERATION TO THE EXTREME 

அப்பப்பா இந்த {சில} டி .வி சேனல்கள் செய்யும் அட்டகாசம் ,atrocity ,அலம்பல்  ..அளவே இல்லை.

எங்கேயாவது தண்ணீர் வீட்டிற்குள் வந்து விட கூடாது.

நெல் தண்ணீரில் நனைந்து விட கூடாது.

மீனவ பெண்ணுக்கு script கொடுத்து அது  திணறும்போது prompt செய்து 

காஞ்சிபுரம் நெசவு பெண்ணை பேச வைத்து என நாடும் ,மக்களும்   துன்பத்தில்  மட்டுமேஇருப்பது போல் காட்டி மக்களை  பதை பதைக்க  வைத்து ,வெறுப்பாக வருகிறது.

ஐப்பசி அடைமழை.தெரிந்ததுதான்.

என்னவோ இப்போது மட்டும்தான் மழை வருவது போலவும் மக்கள் கஷ்ட படுவது போலவும் பேசியே தீர்க்கிறார்கள்.நான் பிறந்த ஊர் மேச்சேரி.50 % நெசவாளர்கள்.அந்த பகுதியே சாம்ராஜ்பேட் என்றுதான் பேர்.

மழை வந்தால் நெசவு இல்லை.

கஞ்சி அல்லது பாகு போடுவது என்பார்கள். மழையில் செய்ய முடியாது.

என்ன அரசுக்கு மனு போட்டார்களா? நிவாரணம் கேட்டார்களா?

அதே போல் விவசாயிகள். கன்று குட்டிகளை வீட்டிற்குள் கொன்டு வந்து வைத்து கொண்டு கஷ்டப்படுவார்கள்.

பயிர்கள் நீரில் மூழ்கி விடும் .தக்காளி பறிக்க முடியாது.காய்கள் செடிகளிலேயே வீணாகி விடும்..

அவர்கள் ஐயோ கஷ்டமே என்றுபுலம்பினார்களா?

மழை வரும் என்று தெரியும்.கஷ்டம் என்று தெரியும்.

''இந்த கஷ்டம் வாழ்வின் ஒரு பகுதி என்று தெரியும்.''

அப்போதெல்லாம் ஊட்டியில் இடி இடித்தால் சேலத்தில் கரண்ட் கட் செய்து விடுவார்கள்..விபத்து எதுவும் நடக்க கூடாது என்ற காரணத்தினால் .தமிழ் நாட்டில் எங்கே கரண்ட் கட் ஆனாலும் மேட்டூர் தெர்மல் குடியிருப்பில் மின்சாரம் .இருக்கும்.

ஆனால் அங்கும் சில விபத்துகளுக்கு பிறகு மழை என்றவுடன் மின் இணைப்பை துண்டித்தனர்.

இப்போது 30 நிமிடம் கரண்ட் இல்லையா .அவ்வளவுதான்.p .m ..c .m என்று காய்ச் சி எடுக்கிறார்கள்.

என்ன மனப்பான்மை இது????????? 


2021/10/30

புனீத் ராஜ்குமார்

 புனீத் ராஜ்குமார் :

எவ்வளவு பேர் இறுதி மரியாதை செலுத்துகிறார்கள்.

எவ்வளவு பேருடைய அன்பை சம்பாதித்து இருக்கிறார் .

எத்தனை அநாதை ஆசிரமங்கள் 

முதியோர் இல்லங்கள் 

எண்ணற்ற சேவைகள் .மலைப்பாக இருக்கிறது.

நடிகர்கள் என்றாலே ஒரு வித எதிர்மறை எண்ணத்தில் இருந்த நான் இவரின் சேவை லிஸ்ட்டை பார்த்து அசந்து விட்டேன்.

....

ஆனால் இவரின் ஜிம் உடற்பயிற்சி பார்த்து பயந்தே விட்டேன்.

என்ன மனிதர்.

தரையில் இருந்து 4 அடி உயரம் எழும்புகிறார்.தாவுகிறார்.குதிக்கிறார்.

ஐயோ .திகீர் என்றாகி விட்டது எனக்கு.அதிர்ந்தே விட்டேன்.

இவ்வளவு கடுமையான பயிற்சிகள் தேவையா?

..செந்திலின் நண்பன் வினோத்.L .K .G யில் இருந்து ஒன்றாக படித்தவர்கள்.

படித்து முடித்து நல்ல வேலை.அடுத்து என்ன பெண் பார்க்கும் படலம்தானே.சற்று குண்டு உடம்பு.

சில பெண்கள் மறுத்து விட்டன.

உடம்பை குறைக்கிறேன் என்று ஜிம்முக்கு போக ..அங்கு ஏதோ டயட் ..ஒரு நாள் மாலை நேரத்தில் வீடு திரும்பி இருக்கிறான்.நண்பர்கள் சேர்ந்து தங்கி இருந்தனர்.எனக்கு சோர்வாக இருக்கிறது என்று சொல்லி இருக்கிறான்.நண்பர்கள் ரெஸ்ட் எடு என்றிருக்கிறார்.சிறிது நேரம் கழித்து நெஞ்சு வலிக்கிறது என்றிருக்கிறான்.

நண்பர்கள் பயந்து ஆட்டோவிற்கு தேட ,ஆம்புலன்ஸ் வராமல் போக ,மருத்துவமனைக்கு செல்வதற்குள்  எல்லாம் முடிந்து விட்டது.

அப்பா மேட்டூரில் இருந்து வந்து கதறி என்று வழக்கமான நடைமுறைகள்.

என் கேள்வி :

என்ன அழகு?

என்ன குண்டு ,ஒல்லி என்ற வார்த்தைகள்?

ஆரோக்கியம் முக்கியம்.

ஒரு காலத்தில் எனக்கு அநாமதேய கடிதங்கள் வரும்.

என்னுடைய 36 வது  வயதில் ஒரு கவிதை வந்தது.

..''  ''அக்கறை எடுத்து அலங்கரித்து கொண்டால் ,

ஆரணங்கு நீ என அறிவாயோ?''  ..எனக்கு தெரியும்.அது என் சக ஆசிரியை எழுதிய கவிதை.ஏனென்றால் எந்த காலத்திலும் என்னை அழகு படுத்தி கொள்ள ஆர்வம் காட்டியதில்லை.

என் மிக நெருங்கிய உறவினர் தன் மகனுக்கு என்னை திருமணம் செய்ய விரும்பியும் ''பெண் style ஆகவே இல்லை'' என்று சொன்னான்.

அழகு என்ன அழகு?

ஆயுள் வேண்டும்.

46 வயதில் இவர்.  இவரின் பாதி வயதில் KARTHI .  30 வயதில் வினோத். இன்னும் எத்தனை பேர்??

நெஞ்சம் சுய நினைவை இழந்து நிற்கிறது.

 

2021/10/24

எதை எழுதுவது

 நானும் ஏதாவது புதிய , சுவையான விஷயம் பற்றி எழுதலாம் என்று பார்க்கிறேன்.

ஆனால் 21 கிலோ தங்கம் ,500 கிலோ வெள்ளி என்ற ஊழல் செய்திகள்தான் டி .வி சேனல்களில் ஓடுகின்றன.

இல்லையேல் யார் யாருடன் ஓடி போனார்கள் ,கள்ள காதலால் மனைவி கணவனை கொலை செய்வது, நடு ரோடில் 6 பேர் சேர்ந்து ஒருவரை வெட்டி சாய்ப்பது போன்ற செய்திகள்தான்.

மக்கள் மக்களாகவே இல்லை.

ஏன் இந்த பேராசை ?

எதற்கு இந்த வெறி ?

பணத்தாசை 

பெண்ணாசை 

 குறுக்கு வழியில் வரும் அளவு கடந்த பணம் ,தவறான அதிகாரம் தரும் திமிர் ...எல்லாம் ..ஆர்தர் போன்ற இடங்களில் ...

அரசியல் வாதிகள் பற்றி சொல்லவே வேண்டாம் .

நாடு நாடாகவே இல்லை.

2021/09/23

ஊழல் ..ஊழல் ..ஊழல்

 ஊழல் ..ஊழல் ..ஊழல் 

தோண்ட தோண்ட பூதம் வரும் என்பது சொல்வழக்கு .
ஆனால் தோண்ட தோண்ட பூத படையே வருகிறது தமிழ் நாட்டில் .
எங்கும் ஊழல் .
எதிலும் ஊழல்.
building,  குடியிருப்பு வீடுகள்  .dams ....எல்லாமே    மணல்   மட்டும்தான்.
ஏதோ ஒரு சிவில் civil என்ஜினீயர் சிமெண்ட் கலக்காமல் கட்டிடம் கட்டும் தொழில் நுணுக்கத்தை படித்து வந்திருக்கிறார்.
அவர் தன் முழு திறமையை காட்டி கட்டிய கட்டிடங்கள் .ஆஹா .அற்புதம்.
.......
அப்புறம் நிலக்கரி .....coal ...தெர்மல் power station க்கு வராமலே காணாமல் போயிருக்கிறது.
நிலக்கரி ரயிலில் வரும்போதும் , கன்வேயர் பெல்ட்டில் செல்லும் போதுமே தீ பற்ற கூடிய தன்மை உடையது.என் கணவர் மேட்டூர் அனல் மின் நிலையத்தில் பணி புரிந்தவர் .civil ..அதனால் இந்த  விவரங்கள் எனக்கு தெரியும் .
ஆனால் 
இப்போது  கப்பலில்  வரும்போதே காணாமல் போய்விட்டது.
......இப்போது கிளம்பி இருக்கும் பூதம்தான் பெரிய் ய் ய் ய் ய பூதம்.cooperative பேங்க் பூதம்.5  சவரன் நகை வைத்து விவசாயிகள் கடன் வாங்கலாம்.ஒருவர்  300 சவரன் நகை வைத்து கடன் வாங்குகிறார் .300/5=60 கடன்.
இன்னொருவர் நகையே வைக்காமல் கடன் வாங்குகிறார்.
இன்னொருவர் கவரிங் நகை வைத்து கடன் வாங்குகிறார்.
ஆனால் 
ஆனால் 
இதெல்லாம் அந்த bank மேனேஜருக்கு தெரியாமலா நடக்கும்.????????
ஒரு இடத்தில் ஒருவர் சொல்கிறார்....ஒரு மேனேஜருக்கு தனி flight ,தனி தீவு ,,தனி பெண்கள் என்று புனித நீராட்டினேன்......அற்புதம்.
நன்றாக அனுபவித்திருக்கிறார்கள்....
முதலில் இந்த அதிகாரிகளை நாடு கடத்த வேண்டும் .
அந்தமான் ஜெயிலில் போட வேண்டும் .
இவ்வளவுதான் என்று நினைத்து விட வேண்டாம் .
ஆனால் 
இப்போதைக்கு இது போதும் .
..... .....
எனக்கு ஏன் வயிறு எரிகிறது என்றால் ....ஒரு ..ஒரு ரூபாயாக சேமித்து 
....அதற்கு வரி கட்டுகிறோமே ....அதனால்தான்.

2021/08/03

ஆடி 18

 காவிரி ஓடும் ஊர்களில் எல்லாம் பெரிய விழா இந்த ஆடி 18.

புது நீர் ஓடி வர ,பொங்கும் காவிரியில் நீந்தி,எதிர் நீச்சல் என்று பல கோலாகலம்.

சாமி ஆத்துக்கு போகுது (அகத்துக்கு என்பது ஆத்துக்கு ...என்றாகி விட்ட ஆத்துக்கு இல்லை....இது காவிரி  ஆறு.) .....என்று கிராம கோவில்களில் இருக்கும் உற்சவர்களை  ஆற்றுக்கு  கொண்டு சென்று புனித நீராட்டி எடுத்து வருவார்கள்.

இன்று என்ன செய்கிறார்கள் என்று தெரியவில்லை. போன் செய்து பேசவில்லை.எப்படியும் திருட்டு  தனமாக சாமியை காவிரிக்கு கொண்டு சென்று விடுவார்கள்.

நான் திட்டுவேன் என்பதால் என்னிடம் பொய் சொல்லி விடுவார்கள்.

அவர்களுக்கு ஏன் தர்ம சங்கடம் என்பதால் பேசுவதை தவிர்த்து விட்டேன்.

என் தாய் வீடு தெருவில் பாதிக்கு மேல் இருக்கும்.அவ்வளவுக்கும்  கோலம் போட்டு ஆடி 18 என்று எழுதுவேன்.

கொஞ்ச நேரம் கழித்து பார்த்தால் அந்த சுழி அழிக்கப் பட்டு அடி 18 என்றாகி இருக்கும்.

என் அண்ணாவின் வேலை.இப்படி ஏதாவது செய்து என்னை வம்புக்கு இழுத்து மகிழ்வதில் அவருக்கு பேரானந்தம்.(இப்போது இல்லை.)

இன்றுதான் நெல் விதைப்பார்கள்.

எல்லா பண்டிகைகளும் களை இழந்து வருகின்றன.

 

2021/08/01

1 August 2005

 1 August 2005
நாட்கள் ஓடுகின்றன. ஆனால் மனம் கார்த்தியுடனேயே வாழ்ந்து கொண்டிருக்கிறது.
 01 August 2005  அன்று பள்ளியில் பணியில் சேர வேண்டிய நாள் என்பதால் நானும் கார்த்தியும் பெங்களூரிலிருந்து புறப்பட்டு சென்னை வந்திறங்கினோம்.அவன் நண்பர் வீட்டிற்கு சென்று பைக் எடுத்துக் கொண்டு என்னை பள்ளியில் விட்டு விட்டு மகாலிபுரம் சென்றான்.

(  வாழ்க்கையின் ஒரு நொடி கூட வீணடிக்க மாட்டான்.வாழப் போகும் நாட்கள் குறைவு என்றதாலோ என்னவோ not even a single minute will he waste .மகனாக, அண்ணனாக,DELL ல் SENIOR SOFTWARE ER ஆக ,வரலாறு .COM என்பதாகட்டும் எத்தனை பரிமாணங்கள் )

இது போல் சரித்திர ,வரலாறு சம்பந்தப்பட்ட இடங்கள் என்றால் கார்த்திக்கிற்கு மிகவும் மிகவும் ஆசை. வெறி என்று கூட சொல்லலாம்.

இரவு ரயிலில் புறப்பட்டு மீண்டும் பெங்களூர் சென்றோம்.
இன்னும் 25 நாட்கள்தான் அவனுடன் இருப்பேன் என்று தெரியாமல் சந்தோஷமாக ....போனேன்.
26ம் தேதி எல்லாம் முடிந்து போனது.
எவ்வளவோ ஆசைகளும் திட்டங்களும் மனதில் வைத்திருந்த அந்த மகன் இல்லாமல் நான் தவிக்கும் தவிப்பு..... கொடுமை. கொடுமை.
இன்று 01.08.2021.
எத்தனை வருடங்கள் ஓடினாலும் மனம் இன்னும் 2005 லியே இருக்கிறது .
மனம் ஓ என கத்திக் கொண்டே இருக்கிறது.
கதறிக் கொண்டே இருக்கிறது.
மகன் மீண்டும் வந்து விட மாட்டானா ?ஒவ்வொரு முறை காலிங் பெல் அடிக்கும் போதும் அது கார்த்தியாக இருக்கும் என்று மனம் பரிதவிக்கிறது.
என்ன சொல்ல?
தாள முடியா வேதனையுடன்,
கார்த்திக் அம்மா

2021/07/17

தேங்கா சுடுற நோம்பி

 தேங்கா சுடுற நோம்பி::

இது என்ன கமல் பாஷை  மாதிரி இருக்கா ...இது எங்க சேலத்து மொழி.

நோன்பு என்பதுதான் '''நோம்பி'''  என்று ஆகி விட்டது.வாழ்க எம் சேலம் மக்கள்.

அது என்ன பண்டிகை என்றால் ஹி ஹீ ...எல்லா டி .வி சேனல்களும் சொல்லி விட்டன.தேங்காயில் அரிசி,வெல்லம் ,எள் ,கடலை அடைத்து நெருப்பில் சுட்டு சாமிக்கு ''படைத்து'' சாமியின் represntative ஆக நாமே சாப்பிட்டு விடுவது.

HERE COMES THE SCIENCE BEHIND IT :

என்ன விஷயம் என்றால் ,

ஆடி மாதம் புது புனல் (அதாங்க  தண்ணீர் ) காவிரியில் புது தண்ணீர் (ஒரு காலத்தில் கரை புரண்டு ஓடும் ...இப்போது சிலர் தயவு செய்தால் மட்டுமே )  .புது நீர் என்பதால் நோய் தாக்கம் அதிகம் இருக்கும்.

..அதற்கு நோய் எதிர்ப்பு சக்தியை அதிகப் படுத்த வேண்டும்.

தேங்காய் பாலில் அந்த சக்தி அதிகம் .+எள் +etc .மக்களை இது நல்லது என்று அறிவியல் பேசினால் கேட்க மாட்டார்கள்.

அதனால் ''சாமி'' பேரை சொல்லி பண்டிகை ஆக்கி விட்டால் ,கேள்வி கேட்காமல் செய்வார்கள்.

இதனால் அனைவருக்கும் தெரிய படுத்துவது யாதெனில் இந்த மாதம் தேங்காய் அதிகம் பயன் படுத்துங்கள் .நோய் எதிர்ப்பு சக்தி அதிகம் உள்ள உணவை உண்ணுங்கள் .எளிதில் சீரணிக்கும் உணவை உண்ணுங்கள்.

(இதனால் பலர் இந்த மாதம் அசைவம் தவிர்ப்பர் ).

'' சொல்றத சொல்லிட்டேன் ''

பி .கு.

என் அப்பாவிற்கு ஆடி மாதம் என்றால் சந்தோசம்.ஏன்  என்றால்  சளி காய்சசல் என்று நோயாளிகள் எண்ணிக்கை என் அண்ணாவின் மருத்துவ மனைக்கு அதிகரிக்கும்.அண்ணாவின் வருமானம் அதிகரிக்கும் என்பது அவர் கணக்கு.

மற்றவரின் துன்பத்தில் இப்படி ஒரு கணக்கா என்று அவரிடம் கேட்டு விட்டால் எனக்கு திட்டு.

இன்னொரு பி .கு 

சேலம் விட்டு சென்னை வந்து 21 வருடங்கள் ஆகி விட்டது.சேலம் பாதி மறந்து விட்டது.

2021/07/14

காரும் வரியும்

இன்று ஒரு பெண்ணை பார்த்தேன்.வறுமை.வறுமை.ஏதாவது வேலை கொடுங்கள் என்று கேட்டது அந்த வறுமையின் திரு உருவம்.வேலை இல்லை என்று சொல்லி விட்டு ஒரு சிறு தொகையை கையில் கொடுத்தேன்.அந்த பணம் கிடைத்ததே என்று  மகிழ்ச்சி  இல்லை அந்த .வேலை  இல்லை என்ற வேதனைதான் . இப்படி மக்கள் உணவிற்காக தவிக்கும் வேளையில் 100 கோடி என்று சம்பளம் வாங்குவதாக சொல்லப் படும் பிரபலங்கள் செய்யும் தவறுகள் மனதை வேதனை படுத்துகிறது.

சச்சின் வாங்கிய காருக்கு வரி விலக்கு கொடுத்தது நியாயமா?

அவர் காசு வாங்காமல் விளையாட வில்லையே?.பணத்திற்காகவும் புகழுக்காகவும் விளையாடினார்.பணம் வேண்டாம் .நாட்டுக்கு நான் செய்யும் சேவை என்று சொல்லியிருந்தால் பாராட்டலாம் .வரி விலக்கு தரலாம்.

அதே போல் அவர் மகன் பயிற்சிக்கு சென்ற போது தனி வீடு எடுக்கும் அளவிற்கு வசதி இல்லை என்று சொல்லி அரசு விடுதியை 18 ரூ வாடகைக்கு அபகரித்தார்.அதை ஒரு ஏழை க்கு கொடுத்து இருக்கலாம்.

இப்போது நடிகர்கள்.தன் கடைக்கு வாடகை கட்ட முடியாது என்று ஒருவர்.

ஏழைகள் மட்டுமே படிக்கும் பள்ளிக்கு வாடகை தரவில்லை .

இப்போது இவர்.

அவர் வீட்டையும் கார்களையும் காட்டுகிறார்கள்.மலைப்பாக இருக்கிறது.150 கோடியில் வீடு கட்டிக் கொண்டிருப்பதாக சொல்கிறார்கள்.அதில் 10ல் ஒரு பங்கு கூட இல்லை இந்த வரி.

இவர் இந்த வரியை கட்டினால் பல பள்ளிகள் ,மருத்துவ மனைகள் ,சாலைகள் என்று எத்தனையோ செய்யலாம்.

1986ல் பணியில் சேர்ந்தேன்.2 வருடம் வரி கட்டவில்லை.NSC BONDS வாங்கினால் வரி கட்ட வேண்டாம் என்று வரி கட்ட விடாமல் செய்தார்கள்.......3வது  வருடம் சிங்கம் சிலிர்த்து கொண்டது.

வரி கட்டுவேன் என்று (ஒற்றை காலில் அல்ல )  2 காலிலும் நின்றேன்.அன்றிலிருந்து இன்று வரை தவறாமல் வரி கட்டுகிறேன்.

அதனினும் கொடுமை ...என்னுடன் பணி புரிந்தவர்களை மிரட்டி, உருட்டி,கெஞ்சி , கொஞ்சி எல்லோரையும் வரி கட்ட வைத்தேன்.

அப்போதெல்லாம் சம்பளம் மிகவும் கம்மி .ஆனாலும் சந்தோஷமாக வரி கட்டினோம்.5கோடி கார்,150 கோடி வீடு என்றெல்லாம் பார்க்கும் போது  ??????????.

இத்தனை கேள்விகள் கேட்ட நீதிபதிக்கு வணக்கங்கள்.

2021/07/12

poster, teaser

 ஒரு காலத்தில் மாட்டு வண்டியில் speaker கட்டி துண்டு சீட்டு கொடுத்து என்ன சினிமா என்று தெரிய படுத்துவார்கள்.

பெட்டி வந்துடுச்சு என்று உற்சாகமாக படம் பார்த்த காலம் போய் ,

டிஜிட்டல் vfx  என்று ஏதோ தோ வந்து விட்டது.

ஆனால் இந்த firstlook ,டீஸர்,போஸ்டர் ,மோஷன் போஸ்டர் என்ற அலப்பறைகள் எல்லை மீறி போகிறது.

update என்ற வார்த்தை உலகத்தையே ஆட்டி படைக்கிறது.

கொண்டாட்டம் ,வைரல் ,ட்ரெண்டிங் என்று 10 மில்லியன் பார்வை ,உலக சாதனை என்று இந்த வியாதி அதிசயமாக இருக்கிறது.

இப்படி ஒரு teaser வந்து விட்டதால் தங்க விலை குறைந்து விடும்.

கொரோனா ஓடியே போய்விடும்.மக்கள் அனைவருக்கும் எல்லா  கஷ்டங்களும் தீர்ந்து சொர்க்க வாழ்க்கை வாழ போகிறார்கள்.

இந்த பைத்தியக்கார வியாதிக்கு ஒரு முடிவு கட்ட வேண்டும்.

2021/06/21

Sivaji

 பல வருடங்களாக சிவாஜி கணேசன் என்ற சிறந்த நடிகரை எனக்கு பிடிக்கவே பிடிக்காது.அவரை பார்த்தாலே ஒரு கோபம், ஒரு அருவெறுப்பு வரும்.

என்ன காரணம் என்று புரியவே இல்லை.

அப்புறம் ஒரு நாள் திடீரென அறிவுக் கண் (அப்படி எதுவும் எனக்கு இருக்கிறதா என்ன) திறந்தது.சிறு வயதில் காந்தி நேரு போன்ற பலரையும் ஆராதித்த காரணத்தால் smoking ,drinking என்பதெல்லாம் மிக மிக கெட்டவர்கள்தான் செய்வார்கள் என்று மனதில் ஆழமாக பதிந்து விட்டது.

எனக்கு விவரம் தெரிந்து நான் சினிமா பார்த்த போது  சிவாஜி எப்போதும் ஒரு கையில் சிகரெட்டும் இன்னொரு கையில் மது டம்பளருமாகவே வருவார்.புதிய பறவை, பாசமலர் , வசந்த மாளிகை போன்ற படங்களை சொல்லலாம்.

இப்போது பார்க்கும் போது இவர் மேல் இத்தனை நாட்களாக கோப பட்டிருக்க வேண்டாமோ என்று தோன்றுகிறது

2021/06/03

3RD JUNE 2005

 JUNE 3 2005
மீண்டும் மீண்டும் அதே புலம்பல்
//...//இது ஒரு மீள்பதிவு .காலம் ஓடுகிறது. மனம் மட்டும் 2005 லியே இருக்கிறது.அப்போது எழுதியது..//..//
// //1st June 2005
I had sent all my household articles to my dearest dearest Karthik's house in Bangalore and was waiting to leave on THIRD , JUNE .How restless did i feel. Excited.Happy at the thoughts that I was going to my son's house.I did not get a transfer. BUT the LEAST WORRIED about my job.The only thought that was haunting me was that, I am going to be with my dearest dearest son.
June third I left Chennai to Bangalore very very happily without knowing the fact that a GREAT GREAT Tsunami was waiting to blow me up to 100 lac pieces.
all my dreams and happiness shattered to 1000 lac pieces.
Now I am leading a lifeless life.
When will my Karthik take me ?
amma (kalakarthik)// //

இது இன்று 03/06/2021
தம்பி செந்திலின் படிப்பு முடியும் வரைதான் நீங்கள் சென்னையில் இருக்க வேண்டும்.
அப்புறம் என்னுடன் இருக்க பெங்களூரு வந்து விட வேண்டும் என்று கார்த்தி அன்பு கட்டளை இட்டதால் பணி  மாறுதலுக்கு விண்ணப்பித்து விட்டு (கொடுத்தால் கொடுங்கள் இல்லையேல் long leave ) என்று சொல்லி விட்டு வேளச்சேரியில்  இருந்து வீட்டு சாமான்களை எடுத்துக் கொண்டு பெங்களூரு கிளம்பி விட்டேன்.
இனி வாழ்நாள் முழுக்க பெங்களூருதான் என்பது திட்டம்.
எனக்கு பெங்களூரு பிடித்த நகரம் அல்ல 
சென்னை பிடிக்காத ஊரும் அல்ல .
மகன் இருக்கும் இடம் என் சொர்க்கபுரி. 
அவனுடன் சேர்ந்து வாழ்வது தலையாய இன்பம்.
அவ்வளவுதான்.
நான்+கார்த்தி+செந்தில் ...போதும்.
வேறு என்ன வேண்டும் ஒரு தாய்க்கு .
விதி இவ்வளவு கோரமாக விளையாடும் என்று தெரியவில்லை.
 போன வேகத்தில் திரும்ப வந்து விட்டேன்.ஆசையுடன் அழைத்துச் சென்ற மகனை விபத்து என்ற ஒற்றை வார்த்தையில் பறி  கொடுத்து விட்டு மீண்டும் சென்னைக்கே வந்து நடைப் பிணமாக இருந்து கொண்டிருக்கிறேன்.
இப்படி ஒரு வேதனை தேவையா? மனம் கதறிக் கொண்டே இருக்கிறது.
அம்மா..கார்த்திக் அம்மா

2021/05/24

THANK YOU C.M

 நன்றி.நன்றி.

முதல்வருக்கு நன்றி.

2020ல் கோவிட பரவ தொடங்கிய போது நான் தனியாக புலம்பி கொண்டிருந்தேன்.

எல்லா   காய்கடைகளையும்   மூடுங்கள்.

ஒரு வண்டியில் கொண்டு வந்து ஒரு குடியிருப்பில் நிறுத்துங்கள்.அந்த வீடுகளில் உள்ளவர்கள் அவர்கள் வீட்டு எண் படி வந்து வாங்கி செல்லட்டும்.

உதாரணமாக முதல் தளம்.எண் 1.என்று சத்தம் கொடுத்தவுடன் அந்த வீட்டு நபர் வந்து காய் வாங்கி செல்லட்டும்.

அடுத்து 2ம் தளம்.

இப்படி வாங்கும் போது கொரோனா பரவலுக்கு வாய்ப்பே இல்லை.

அது செவிடன் காதில் ஊதிய சங்கு போல் ஆனது.

....ஆனால் 

இப்போதைய முதல்வர் அதை செயல் படுத்தி உள்ளார்.

நல்ல செயல்.

நன்றி.

நன்றி 

முதல்வருக்கு நன்றி

2021/05/08

மருத்துவ மனை கொடுமை

 மருத்துவ மனை கொடுமை .கொடுமையிலும் கொடுமை என்பது மருத்துவ மனையில் தன் உயிருக்கு உயிரான ஒருவரை சேர்த்து விட்டு அவர் படும் கொடுமைகளை பார்த்தும் ஒன்றும் செய்ய முடியாமல் ...

அவர்கள் முன்னால்  அழவும் முடியாமல் நிற்கும் நிலை இருக்கிறதே.

என்ன வேதனை.

நான் பட்டேனே 

கணவரை அப்போல்லோவில் வைத்துக் கொண்டு நான் பட்ட வேதனை.அவர் இறந்து விடுவார் என்று அறிவு சொல்லியும் 

அன்பு அதை ஏற்க மறுத்து 

நாம்தான் இவ்வளவு புண்ணியம் செய்திருக்கிறோம் 

கோவில் கட்டி இருக்கிறோம் 

ஏழை மாணவர்களுக்கு உதவி செய்திருக்கிறோம் 

உறவு அனைத்துக்கும் கடமையை அன்பாக செய்திருக்கிறோம் 

அதனால் நமக்கு கெட்டது நடக்கவே நடக்காது என்று நம்பி 

நம்பி 

அவரை உயிரற்ற உடலாக ஆம்புலன்சில் கொண்டு வந்த கொடுமை 

........

இப்போது கோவிட் பிரசினையில் மக்கள் படும் கஷ்டங்களை பார்க்கும் போது மனம் பரிதவிக்கிறது.

2021/05/01

kovid

 என்னடா இந்த உலகத்துக்கு வந்த சோதனை?

மரணம் அடைபவர்களின் உறவினர்கள் படும் பாடுதான் கொடுமையிலும் கொடுமை.

இறப்பிற்கு அழக்  கூட முடியாமல் அவர்களை நல்லடக்கம் செய்ய மக்கள் படும் பாடு ...அப்பப்பா ....

இது என்ன வேதனை.

வர வர சமையல் செய்ய பிடிக்கவில்லை.சாப்பிட பிடிக்கவில்லை.

ஏற்கனவே அப்படி இப்படித்தான் வாழ்க்கை ஓடிக் கொண்டிருக்கிறது

.யாருக்கோ வரும் துன்பம்தானே என்று நினைக்க முடியவில்லை. 

மனது அல்லாடுகிறது.

இந்த கொடுமை விரைவில் முடியட்டும்.

2021/04/21

 இது புது பதிவு அல்ல .ஏப்ரல் 2020 யில் எழுதியது .மறுபடியும் இதை பற்றியே எழுதுவேன் என்று நினைக்கவே இல்லை ,//

 மஹாராஷ்டிராவில படித்துக் கொண்டிருந்த ஒரு 22 வயது மாணவன் அங்கிருந்து நடந்தே வந்திருக்கிறான் .350 கிலோ மீட்டர் ...
சாத்தியமா ?
ஏன் நடக்க வேண்டும் ?
அந்தந்த மாநில முதல்வர்கள் சொல்லி இருக்கலாம் .எல்லோரும் அவரவர் இடத்திலேயே இருங்கள்.
உங்களுக்கு நாங்கள் எல்லா உதவிகளையும்  செய்கிறோம்.
உணவும்  இருக்கும் இடமும் இருந்தால் போதும் .
உணவு கொடுக்க வேண்டியது அரசு.
இதை உடனடியாக செய்து இருந்தால் இத்தனை பேர் புலம் ,இடம் விட்டு இடம் போயிருக்க மாட்டார்கள்.
காசு கொடுங்க என்று மட்டும்தான் கேட்க வேண்டுமா .
மக்களும் கொஞ்சம் அறிவு பூர்வமாக செயல் பட வேண்டும்.
உணர்வு பூர்வமாகவே நடப்பதே நம் பழக்கம்.
..... 9 மணிக்கு செய்தி ....emergency declare ....என்ற பயத்தில் பலர் உறைந்து போயிருக்க ....

no comments ....

இப்போது மறுபடியும் அதே கதை.

எல்லோரும் சொந்த ஊர் திரும்புகிறார்கள் .மீண்டும் நடை.

தன் உரையில் கொரோனாவை ஜெயிப்போம் என்றுதான் சூளுரைக்கிறார் தலைவர்.

இப்போதும் உங்களுக்கு நாங்கள் உதவுகிறோம் என்ற உத்தரவாதம் இல்லை.

நிறுவனங்கள் தன்னை நம்பி வந்த தொழிலாளர்களை காப்பாற்ற மனமில்லாமல்   கையை விரிக்க ....மீண்டும் ஊர்  நோக்கி நடக்கிறார்கள் .

குறைந்த பட்சம் அவர்களுக்கு ஒரு ரயில் ஏற்பாடு செய்யலாம் .

என் மாணவன் ஒருவன் போன லாக் டௌனிலேயே அத்தனை தொழிலாளர்களையும் கம்பெனியிலேயே வைத்து  சோறு போட்டு நல்லது செய்திருக்கிறான்.

அவன் சொன்னான்.''உங்களிடம் படித்த நாங்கள் எப்படி இருப்போம் ...என்றாலும் இதில் ஒரு சுயநலமும் இருக்கிறது.சகஜ நிலை திரும்பும் போது இவர்கள் திரும்பி வராமல் போனால் புதியவர்களை வேலைக்கு எடுத்து பயிற்சி கொடுத்து ....என்ற பிரசினைகள் ...''

என்று சொன்ன போது  மனம் நிறைந்தது.

ஒரு நண்பியிடம் போன வருடம் பேசிய போது சொன்னாள் .''இவர்கள் எல்லாம் சாகட்டும் .இவர்களுக்கு சோறு போடுவதற்கு அரசிடம் காசு இல்லை.''

அரசின் ஒரு ஆண்டு வருமானம் என்ன .இது போன்ற பேரிடற்கு ஒதுக்கப் படும் தொகை பற்றி எல்லாம் அவளிடம் பேசவில்லை .செத்து ஒழி என்பவளிடம் என்ன பேச முடியும்?

அதுவும் இந்த பி * பி ஆட்களிடம் பேசவே முடியாது.

ITS FOOLISH TO ARGUE WITH FOOLS என்று சொல்வார்கள்.
 

2021/04/07

தேர்தல் அலப்பறைகள்

 எல்லோரும் ஜனநாயக கடமை ஆற்றி யாகி விட்டிர்களா .

நான் காஃபி மட்டும்தான் ஆற்றினேன்.

 வோட் போட்டிர்களா என்று சொல்லலாம்.என்ன ஜனநாயக கடமை?

வர வர கடு கடு தமிழ் .சனாதன தர்மம்..என்பது போல் பல தமிழ் சொற்கள்..ஆக தமிழ் நாட்டில் தமிழும் தெரியவில்லை.ஆங்கிலமும் தெரியவில்லை .இதுல இந்தி படி என்ற காமெடி வேறு.

ஒரு புலி இதோ பாரு நான் வர்றேன் பாரு என்று கேட்டை திறந்த நேரத்தில் இருந்து கேமரா பக்காவா செட் செய்து வந்து சீறி விட்டு மேலே இருந்து வந்த காற்றில்  அசைந்த இலையை பார்த்தவுடன் தரையில் சாஷ்டாங்கமாக விழுந்து அங்க பிரதட்சணம் செய்து அப்படி எல்லாம்  இல்லங்கன்னா என்று வாலை  சுருட்டி கக்கத்தில் வச்சுட்டு போய் ஒளிஞ்சுக்கிச்சு .

அட நாட்ல நடிகர்கள் மட்டும்தான் இருக்கிறார்களா .இவர் வந்தார்.அவர் வந்தார்.என்று நாள் முழுக்க அந்த முகங்களையே பார்க்க வைத்தார்கள்.

யாரோ '' வேசி ஊடகங்கள் '' என்று சொன்னது நினைவிற்கு வந்து போனது.

....கொரோனா காலத்தில்  குழந்தைகளை வெளியே கொண்டு வராதீர்கள் என்று உலகமே அலறிக்  கொண்டிருக்கும் நேரத்தில் ஒரு பாச மிகு தாத்தா தன் பேரனுடன் வந்து ''ஜனநாயக கடமை ''ஆற்றி '' விட்டு சென்றார்.

இவன்தான் பணம் கொடுத்தான் என்று A சொல்ல இல்லை இல்லை இவன்தான் கொடுத்தான் B சொல்லி உத்தமர்கள் ஆகிக் கொண்டிருந்தார்கள்.

அம்மியில் அரைத்து,டான்ஸ் ஆடி,  ''பூ வைத்து விட்டு ''  துணி துவைத்து ETC  நாடகங்களை நடத்தி மக்களை  வாழ வைக்கவே இதையெல்லாம்  செய்கிறோம் என்று டன் டன்னாக பூ சுற்றிக் கொண்டிருந்தார்கள்.

ஆஹா இந்த தொகுதியில் குப்பை கூட அள்ளவில்லை .10 வருடமாக இந்த தொகுதி M .L .A என்ன செய்தார் என்று  எம் .எல்.ஏ  வை பக்கத்தில் வைத்துக் கொண்டே முழங்கினார் ஒரு அம்மணி.

இன்னொரு தேவதை ஜி எல்லா பேய்களுக்கும் சேவை செய்திருக்கிறார் என்று மக்களை எல்லாம் பேய்களாக்கி விட்டு சென்றார்.

ஒரு வழியாக எல்லா DRAMAA வும் முடிந்து விட்டது.

 காமெடி போதும்.''வேதனையான விஷயம் ''

கழுதை மேல் EVM  எல்லாம் ஏற்றி கொண்டு போகும் காட்சியை பார்த்த போது மனம் மிக மிக வேதனை பட்டது .

சுதந்திரம் வாங்கி 73 வருடங்கள் ஆகி விட்டது.இன்னும் அந்த மக்களுக்கு ஒரு சாலை வசதி கூட செய்து தரவில்லை என்பது எவ்வளவு அவலமான அவமானமான விஷயம்.

8 வழி சாலை, 8000 கோடி விமானம் , 3000 கோடி சிலை .....

2024ல் எல்லோருக்கும் rest room என்று சொல்லும் போது ஒரே ஒரு நொடி மனம் இடித்துரைக்காதா .

போதும் புலம்பல்.

BYE

 https://youtu.be/lGbx3May-DQ







2021/03/18

AMK

 எ .மு .கே :

என்னங்க .ங்கே என்று முழிக்கிறிங்களா :

நிறைய நேரம் செய்தி பார்ப்பதால் வந்த வினை.

ஆளாளுக்கு ஒரு கட்சி ஆரம்பிக்கறாங்க .

நான்தான் முதல்வர் .

நீதான் துணை முதல்வர் .என்று இப்போதே பத்திர பதிவு அலுவலகத்தில் தமிழ் நாட்டை தங்கள் பெயருக்கு பதிவு செய்ய நேரம் கேட்டு விண்ணப்பித்து விட்டார்களாம்.

அட நானும் ஒரிஜினல் ,ஒரிஜினல் தமிழச்சிதானே .நான் மட்டும் சும்மா இருப்பேனா .

நானும் ஒரு கட்சி ஆரம்பித்து விட்டேன்.

எ .மு.க.

என் முன்னேற்ற கட்சி .

ஆமாங்க .என்னை மட்டுமே முன்னேற்றிக் கொள்ளும் கட்சி .

நானே 234 தொகுதிகளிலும் வேட்பாளர்.

நானே முதல்வர்.நானே துணை முதல்வர்.எல்லாம் நானே.

விருப்பம் இருப்பவர்கள் வோட் பதிவு செய்யலாம்.

பண பட்டுவாடா விற்கு ஆளுக்கொரு நாமக் கட்டி கொடுக்கப் படும்.

இலவசம் எல்லாம் இல்லைங்க .காசுக்குத்தான்.

மறக்காம வோட் போடுங்க .

கார்த்திக் அம்மா

2021/03/14

இலவசம்+ குடும்ப தலைவன்

   ஆரம்பித்ததோ எந்த அரசு ஆரம்பித்ததோ இந்த இலவசம் என்ற ஒரு தீராத ஒரு  நோய் .

 எல்லாம் இலவசம்.குழந்தை கருவில் உருவான நாளில்  இருந்து சத்துணவு ,இலவச பிரசவம் ,பால்,தொட்டில் என்று ஆரம்பித்து படிப்பு முடியும் வரை இலவசம்.

பிரசினை என்ன என்பதை புரிந்து கொள்ளவில்லை.ஆண்மகன் தன பெருமையை,குடும்ப தலைவன் ,கணவன் ,தந்தை என்ற அத்தனை பெருமைகளில் இருந்தும் ,பொறுப்புகளில் இருந்தும் ஒதுக்க படுகிறான்.

'' அப்பா,எனக்கு பேனா வாங்கி தருகிறாயா '' என்ற மகளின் கொஞ்சலான வேண்டுகோள் இல்லை.

அப்பா எனக்கு சைக்கிள் வாங்கி தருகிறாய் என்று மகனிடம் இருந்து அன்பு கட்டளை இல்லை.

மாறாக ''நீ யார் ?உன்னிடம் நான் என்ன கேட்க வேண்டும் '' என்ற விட்டேத்தி குணம் வளர்கிறது.

மனக் குமுறல் ஆரம்பிக்கிறது.

it  leads to depression .

குடும்பம் பின்னி பிருகும் பந்தத்தை இழக்கிறது.

அப்படியானால் ஏழை மக்கள் கஷ்ட பட வேண்டுமா .இல்லை ...

நிசசயமாக இல்லை.

அவர்களை ஏழைகளாகவே வைத்திருக்காதீர்கள் .

அவர்களின் வாழ்க்கை தரத்தை உயர்த்துங்கள்.

வேலை கொடுங்கள்.

சம்பளம் அதிகம் கொடுங்கள்.

அவர்களுக்கு வேண்டியதை அவர்களே வாங்கிக் கொள்ளும் வசதியை செய்து தாருங்கள்.

தொழிற்சாலை கட்டுங்கள்.

விவசாயத்தை விரிவு படுத்துங்கள்.

இலவசம் கொடுத்து அவர்களை அவமானப் படுத்துவதை நிறுத்துங்கள்.

அது எந்த அரசாக இருந்தாலும் சரிதான்.


2021/03/11

Bits

 Living is the art of getting used to what we did not expect....


What cannot be cured must be endured....

.........


ஆறடி உயரத்தில் அழகாய் இருந்தவனை அரை அடி ஜாடியில் அஸ்தியாய் அடக்கிய பாவி நான் ....

பாவி நான்.....

பாவி நான் .

2021/02/26

கல்வி

  கல்வி .பாட குறைப்பு .

 Disclaimer : நான் எந்த கட்சியும் சேராதவள் .யார் சார்பாகவும் பேசவில்லை.

ஒரு ஆசிரியை என்ற உணர்வு ரத்தத்தில் ஊறி விட்டதால் ..இந்த பதிவு.

தற்போது இருக்கும் பாட திட்டம் மிகவும் எளிதானது..

அதிலேயே பாதி பாடம்தான் நடத்த படுகிறது.அப்படியிருக்க எந்த போட்டி தேர்விற்கும் மாணவனால் தயாராக முடிவதில்லை..

இன்னும் அதிகமான பாடங்கள் சேர்க்க பட வேண்டும்.

ஒரு நல்ல மாணவன் இந்த பாட திட்டத்தை 3 just 3 மாதங்களில் படித்து முடித்து விடுவான்.

ஒரு ஆசிரியையாக (ஆங்கிலம் ...என்னடா எப்போது பார்த்தாலும் ஆங்கில ஆசிரியை என்றே சொல்கிறேன் என்றால் ...தமிழ் நாடு அரசு பள்ளிகளில் ஒரு ஆசிரியர் ஒரு subject மட்டுமே நடத்துவார்.

கெமிஸ்ட்ரி என்றால் அது மட்டுமே.

Math என்றால் கணித பாடம் மட்டுமே .

 மாணவர்கள் எங்கள் bio teacher ,எகனாமிக்ஸ் tr என்றே சொல்வார்கள்.)

நான் என் மாணவர்களிடம் சொல்வேன் .தேர்விற்கு முதல் நாள் மட்டுமே ஆங்கிலம் படி.வகுப்பை நன்றாக  கவனி .80% மார்க் வாங்கலாம்.

தகுதி மதிப்பெண்களுக்கு ஆங்கிலம் ,தமிழ் சேர்க்க படுவதில்லை.அதனால் அதில் 80% மார்க் போதும் .

அதற்கான பாடங்களுக்கு  3மாதம்  போதும்.Grammar முக்கியம் .spoken English ம் சிலபஸ்சில் உண்டு .அதை மட்டும் அவன் நன்றாக படிக்க வேண்டும்.மற்ற படி lessons ,poems மனதை பக்குவப்படுத்தும் கருவியே .அந்த summary மனப் பாடம் செய்வதையே முழு நேர கடமையாக செய்ய வைப்பார்கள்.

when he goes for competitive exams he fails miserably .

SO PLEASE INCREASE SYLLABUS .பாடங்களை கடினமாக்குங்கள் .ஓடும் குதிரையை கட்டி போடாமல் ஓட விடுங்கள்.

2021/02/15

டி .வி .உளறல்கள்

 யார் வேண்டுமானாலும் எது  வேண்டுமானாலும் பேசலாம் என்று ஆகி விட்டது.

படித்தவர்கள், படிக்காதவர்கள்,என்று கட்சி பேதமின்றி உளறுகிறார்கள் .

அதுவும் அந்த 4 பேர் பேசுகிறார்களே (கத்துகிறார்கள்) 4dogs குரைத்தால் எப்படியோ , அப்படியே இருக்கிறது.

அபத்தமான பேச்சு .ஆரவாரமான பேச்சு.கர்வமான பேச்சு.

ஒரு அம்மா சொல்கிறார் .''எங்கள் ஆட்சியில் மார்கழி மாதம் கூட மழை பெய்கிறது''

கொடுமையே 

மார்கழியில் மழை பெய்து அத்தனை நெற்பயிர்கள் நீரில் மூழ்கி வீணானது தெரியவில்லை.

இன்று வெங்காயம் இந்த விலைக்கு உயர்ந்து வர காரணம் இந்த மார்கழி மாத மழைதான்.

.....அடுத்த ஒருத்தர் பெங்களூரிலிருந்து சேலம் வழியாகத்தானே சென்னை செல்ல வேண்டும் ..அப்போது பார்த்து கொள்கிறோம் ....என்று சபதம் செய்கிறார்.

சென்னை செல்ல சேலம் எதற்கு?

தெரியவில்லை என்றாலும் இவ்வளவு தைரியமாக இவர்களால் எப்படி பேச முடிகிறது?

முழுவதும் எழுதினால் 100 பக்கம் எழுத வேண்டும்.

தலை விதி.

2021/02/12

காதல்னா இது காதல்

நீலகிரியில் சங்கர் என்ற காட்டு யானை 3 பேரை கொன்று விட்டது.( ஒரு சேனலில் கொலை செய்தது )என்று போட்டார்கள்.

அந்த யானையை வன  துறையினர் விரட்ட போக அது கேரளா எல்லைக்குள் சென்று விட்டான் சங்கர். சேனலின் பில்ட் அப் .

அந்த சங்கர் என்ற கொலைகாரன் மறுபடியும் நீலகிரிக்கு வந்து விட்டான்.

எப்படி தெரியுமா ?

தன காதலிகள் இருவருடன்.

காதலிகள் (சங்கர் என்று பெயர் வைத்தவர்கள் காதலிகளுக்கு  பெயர் வைக்கவில்லை.பெண் என்றால் அவ்வளவு கேவலமா ).

பொறுங்கள் .இனிமேல் வைப்பார்கள்.

சரி .இப்போது என்ன நடக்கிறது?

காதலிகள் சங்கரின் இரு பக்கமும் அரணாக நின்று கொண்டு ஒரு நிமிடம் கூட நகர மாட்டேன் என்கிறார்களாம்.

எப்படி மயக்க ஊசி போடுவது ,எப்படி சங்கரை பிடிப்பது என்று வன  துறை மண் டையை உடைத்து கொள்கிறதாம்.

இதெல்லாம் நான் சொல்லலிங்கோ .சேனல் சொன்னதுங்கோ .

கொடுத்து வைத்த சங்கர்.

ரூம் போட்டு யோசிப்பாங்களோ 

என்று சொல்வது போல் சங்கரும் ரூம் போட்டு யோசித்திருப்பானோ ????????

அல்லது I .T WING ஏதாவது இருக்குமோ ?

புலனாய்வில் இதெல்லாம் தெரிய வரலாம்.

2021/02/08

 இது கார்த்திக் 2005ல் போஸ்ட் செய்தது .

2005/02/14

The Art of Programming

'A computer is like a violin. You can imagine a novice trying first a phonograph and then a violin. The latter, he says, sounds terrible. That is the argument we have heard from our humanists and most of our computer scientists. Computer programs are good, they say, for particular purposes, but they aren't flexible. Neither is a violin, or a typewriter, until you learn how to use it.'

- Marvin Minsky, 'Why Programming Is a Good Medium for Expressing Poorly-Understood and Sloppily-Formulated Ideas'

2021/02/07

நீயா நானா

இந்த வாரம் நீயா நானா நன்றாக சென்றது.

தலை மகன்,இரண்டாவது மகன் .

தாய்க்கு தலை மகன் மேல்தான் பாசம் என்று தம்பிகள் பொங்கி விட்டனர்.

சொல்லாமல் விட பட்ட சில கருத்துகள் :

விருந்தினர் துரை  சொன்னது உண்மை :முதல் பைக் ,முதல் கார் என்று அந்த முதல் என்பது ஒரு special .

அதுதான்.

அதுதான்.

முதன் முதலில் அம்மா என்ற சொல் .அதற்கான மகன்.

இரண்டாவது பெரிய காரணம்.இரண்டாவது குழந்தை பிறக்கும் போது முதல் மகன் L .K .G படிப்பான்.அவன் வீட்டு பாடம் ,தேர்வு என்று அவன் மேல் அதிக கவனமும் ,அதிக நேரமும் செலவு செய்ய வேண்டிய தேவை ஏற்பட்டு விடுகிறது.அப்போது இவன் சின்னவன்தானே ,இன்னும் பள்ளியில் சேரவில்லை ,விளையாடட்டும் என்று விடுவது இயல்பு .

அடுத்து,

முதல் குழந்தை பிறப்பின் போது தாய்க்கு பல விஷயங்கள் தெரியாது.

புரியாது .

குழந்தை பசிக்கு அழுகிறானா ,வலிக்கு அழுகிறானா என்ற புரிதல் இருக்காது.

அதுவே இரண்டாவது குழந்தையின் போது தாய்க்கு அனுபவம், அது தந்த தைரியம் அதிகம்,

அதனால் இரண்டாவது குழந்தை மேல் அல்டசியமாக இருப்பது போல் தோன்றலாம்.

அம்மா அண்ணனுக்கு பாடம் சொல்லிக் கொடுத்து கொண்டிருக்கும் அந்த ஒரு மணி நேரம் சின்னவன் தனியே விளையாடிக் கொண்டிருப்பான்.அதனால் அவனுக்கு ஒரு சுய தைரியம் வருகிறது.

பாடம் சொல்லிக் கொடுத்து கொண்டிருந்தாலும் இந்தமகன் மீதும் ஒரு கண் இருந்து கொண்டேதான் இருக்கும்.

ஆனால் சில அம்மாக்கள் சொன்னது போல் பெரிய மகனுக்கு அதிக மட்டன் சின்னவனுக்கு கொஞ்சம்தான் என்பதெல்லாம் மிக மிக தவறு.

என் வீட்டில் பிள்ளையார்(கார்த்தி) பாவம்.

முருகன்தான்(வேறு யார்? செந்தில்தான் . "முடிந்தால் எல்லோரும் என்னை வந்து பாருங்கள் ரகம்.)

ஒரு மூத்த மகன் அம்மாவை நினைத்தால் கல்யாணமே வேண்டாம் என்று தோன்றுகிறது.என்கிறார். அம்மாவையும் மனைவியையும் எப்படி சமாளிப்பேன் என்று குழம்புகிறார்.கார்த்தி கூட அப்படி யோ ...

அடித்து ஆடும் தம்பிகள்.

கிழவி என்ன ரொம்ப நடிக்கிற எனும் தம்பிகள் .அம்மா என்று சத்தமாக சொன்னால் கூட அம்மா வருத்தப் படுவார்களோ என்று நினைக்கும் அண்ணன்கள் .

காந்தாரிக்கு 100 மகன்கள்.99 மகன்கள் இறந்த போதும் அழும் அந்த தாய் துரியோதனன் இறப்பின் போது முற்றிலுமாக உடைந்து போகிறாள்.

பாசம் அதிகம் ,குறைவு என்ற கேள்வியே தப்பு.

முதல் மகன் மீது ஒரு soft corner .ஒரு 10%.

எப்படி இருந்தாலும் எல்லா குழந்தைகள் மீதும் தாய்க்கு ஒரே அளவு பாசம்தான் இருக்கும்.

இருக்க வேண்டும்.

'

2021/02/05

டெல்லியும் ஆணியும்

its 1988.என்னடா 

டெல்லி 

ஆணி 

ஹா ,ஹா 

நான் விவசாயி போராட்டம் பத்தி ஏதோ சொல்வேன்னு பார்த்திங்களா ....

1998 .கார்த்தியின் கௌன்சலிங் .முடிந்து இரவு மேட்டூருக்கு திரும்பிக் கொண்டிருந்தோம் .சிறிது நேரம் காரை ஓட்டிய என் கணவர் தூக்கம் வர ,கார்த்தியிடம் ஓட்ட கொடுத்து விட்டு கண் அசர ,நல்ல சாலை,டிராஃபிக் இல்லை ,கார் ஓட்டிக் கொண்டிருந்தான் கார்த்தி.

அப்போது எங்களுக்கே இப்படி ஒரு விஷயம் இருப்பது தெரியாது.

அந்த இரவு நேரத்தில் போலீஸ் வண்டி வாகன சோதனை செய்வார்கள் என்று.

நம் வண்டியை போலீஸ் கை காட்டி நிறுத்த சொல்ல ,

இதை எதிர்பார்க்காத கார்த்தி வண்டியை நிறுத்த வேண்டும் என்று தெரியாமல் தொடர்ந்து ஓட்ட ,

போலீஸ் அடுத்த செக்கிங் போலீஸ் க்கு தகவல் சொல்லி இருக்கிறார்கள்.அவர்கள் இந்த முள் கட்டையை சாலையின் குறுக்கே போட்டு விட்டார்கள்.

just one second .கார் முள்ளின் மேல் ஏறி டயர் கிழிந்து என ஏகப் பட்ட விளைவுகள் நடந்திருக்கும்.

கார்த்தி காரை டக்கென நிறுத்தி விட,நானும் என் கணவரும் இறங்கி போலீசிடம் பேச ....HIGHLIGHT ...

கார்த்தி ட்ரைவர் ஸீட்டில்  இருந்து பேசஞ்சர் ஸீட்டிற்கு நகர்ந்து விட,

..போலீஸ் பாவம்... என் கணவர்தான் வண்டி ஓட்டினார் என்று முழுமையாக நம்பி 

''sir ,நீங்க படிச்சவங்க ,பெரிய ஆபிஸர் ,நீங்களே இப்படி ஓட்டலாமா ''என்று கேட்டு முடிப்பதற்குள் ..

நான் காச் மூச் என்று 

''அது எப்படி எங்க வண்டிய நீங்க நிறுத்த போச்சு ''என்று பயங்கர அதிகார தோரணையில் மிரட்ட ,

குழம்பிய போலீஸ் ,

''ஸாரி மேடம் ''என்று 

''எங்கோ எக்கு தப்பான பெரிய இடத்தில் பிரச்சினை செய்து விட்டோமா ''

என்று ஆளை விட்டால் போதும் சாமி ...என்று எங்களை அனுப்பி வைத்தனர்.

என் அறியாத தனம் ,

முட்டாள்தனம் 

இப்படித்தானே எங்களை காப்பாற்றியது.

.....உனக்கு அறிவே இல்லையா ,போலீசிடம் இப்படி கத்துவாயா ....''

என்று என் கணவரிடம் செம டோஸ் வாங்கியது சொல்லக் கூடாத கதை.

//  //

ஆ கத சொன்னாலும் பொருந்த சொல்லணும் .அது எப்படி அவர் பெரிய ஆபிஸர் என்று போலீசுக்கு தெரியும்??????

நாம பொய் கதையெல்லாம் சொல்றதில்லிங்கோ ...

வண்டியில MTPS  என்று தெர்மல் அடையாள லோகோ கொடுக்கப் பட்டு அதை வண்டியில் ஒட்டி இருப்போம்.

அதனால் இந்த வண்டி யாரும் நிறுத்த மாட்டார்கள்.

மேட்டூர் அணைக்கு வரும் கவர்னரின் கார் கூட செக் செய்யப் படும்.

அனால் இந்த கார் வருவதற்குள் அனைத்து GATE கதவுகளும் திறக்கும்.

அதுவும் ஒரு காலம்.// //

கார்த்திக்கிற்கு அப்போது என்ன வயது ?லைசென்ஸ் ?

தப்புதான்.கார்த்தி 17 வயது .ஆனால் 10 வயதில் இருந்து கார் பைக் இரண்டும் ஓட்டுவார்கள் அண்ணனும் தம்பியும் (கார்த்தியும்  செந்திலும்.)ஒரே விபத்து கூட இல்லை.முதலும் கடைசியுமாக 2005 .

விபத்து.

என் உயிரை பறித்த விபத்து.

2021/02/01

சின்ன சின்ன

 தின ராசி பலனில் சொன்னார்கள்.

"இன்று வீட்டிற்கு தேவையான விலை உயர்ந்த பொருட்களை வாங்குவீர்கள் " "

.....காய் கடைக்கு போய் காய் வாங்கி பில் பார்த்தப்புறம்தான் புரிந்தது..

..ஆஹா ஜோதிடம் உண்மைதான் என்று.

2021/01/09

என் பெண் friend

 my  pen friend .

it should be 1970 -1973.

உங்களில் பாதி பேருடைய அம்மா கூட பிறந்திருக்க மாட்டார்கள் .

அப்போது நான் 7th அல்லது 8th படித்து கொண்டிருந்தேன்..எப்படி என்று தெரியாது .எனக்கு அமெரிக்காவில் ஒரு pen friend தொடர்பானார் .might be a govt scheme .otherwise how a little girl from a  remote village could get such a connection ?

என் அம்மாதான் என் பள்ளி தலைமை ஆசிரியர் .என் அம்மா பற்றி சொல்லவே வேண்டாம்.பல்கலை வித்தகர்.பாடகி,ஓவியர்,மேடை பேச்சாளர் ,விவசாயி,தையல்,நீச்சல் என எதையும் விட்டு வைக்காத திறமைசாலி .

இப்படி இருக்கும்போது தாய் போல மகள் நானும் அப்படியே.

இருவருக்கும் இந்த சான்ஸ் ஒரு வரம்.

நாங்கள் எங்களுக்கு தெரிந்த ஆங்கிலத்தில் பிச்சு உதற 15 நாட்களுக்கு ஒரு கடிதம் .saana (sona )jacopsan ...சரியான பெயரா?...ஸ்பெல்லிங் நினைவில்லை.அங்கிருந்து எனக்கு பரிசு கிப்ட் வர ...

நானும் அம்மாவும் இருந்த கொஞ்ச நஞ்ச மூளையை குழப்பி பட்டு துணி வாங்கி அனுப்ப ..பாவம் அந்த பெண் ...எங்கள் பரிசு பொருட்களை என்ன செய்வது என்று தெரியாமல் தவித்தாரோ?????????

imagine its 50 years back .

...ஆனால் பாருங்கள் ..காலம் உருண்டோட ..வாழ்க்கை பல விதத்திலும் மாற ...

அந்த நண்பியின் முகம், அந்த பரிசு பொருட்கள் எல்லாம் மறக்கவே இல்லை.

மறுபடியும் அவரை தொடர்பு கொள்ளவோ பேசவோ முடியுமா?