ஷஷ்டியும் சர்ச்சையும்

நானும் இந்துதான்.
RELIGIOUS TOLERANCE அதிகம் உண்டு.எல்லா மதத்தையும் மதித்தாலும் என் மதம் மேல் பற்று அதிகம்.பக்கத்து  வீட்டுக்காரரை அம்மா  என்று கூப்பிட்டாலும் என் அம்மா என்பது கொஞ்சம் ஸ்பெஷல் போல...
நானும் தினமும் ஷஷ்டி பாடல் சொல்வேன். (36  உருக் கொண்டு)  என்று ஒரு விஷயம் நடக்க வேண்டும் என்று  எத்தனையோ நாட்கள் 36 முறை சொல்லி இருக்கிறேன்.
ஆனால் இது வரை ஒரு விஷயம் கூட நடக்கவில்லை.
32 பல்  காக்க என்று பாடினேன்.
6 பல்  பிடுங்கியதுதான்   பலன் .
............... கட்டுடன் அங்கம் கதறிட கட்டு
கட்டி  உருட்டு கைகால் முறிய...........
என்பதிலும் எனக்கு உடன்பாடில்லை .
ஆனாலும் பிறர்  நம்பிக்கையில் கை  வைக்கவில்லை.
இப்போது நடக்கும் சர்சசையில் என்ன நடந்தது என்றே தெரியவில்லை.
கறுப்பர் கூட்டம் முருகனை பழித்ததா 
அல்லது 
அந்த பாடலை கேலி செய்ததா?
எதுவாக இருந்தாலும்
அவர்கள் சொல்லிய கருத்துக்களுக்கு பதில் சொல்லுங்கள் .
அதை விட்டு ஆஹா எப்படி சொல்லலாம் என்று குய்யோ முறையோ என்ற கூப்பாடு எதற்கு?
டி .வியில் 7 மணிக்கு ஆரம்பித்து ------4 பேர் உட்கார்ந்து -----அது போல்தான் இதுவும்..
பொறுமையாக பதில் சொல்லுங்கள்.அந்த பதிவை டெலிட் செய்யாமல் மீண்டும் பதிவேற்றுங்கள்.
எங்களுக்கும் அவர்கள் என்ன சொன்னார்கள் என்று தெரிய வேண்டும்.
ஆனாலும் மதங்களில் நடுவில் வந்த இடை செருகல்களும் ,நேரிலேயே கூட இருந்து பார்த்த மாதிரி (எல்லா மதங்களிலும் ) சொல்லும் நிகழ்வுகளும் ....
அப்பப்பா ..பொறுமையை சோதிக்கின்றன.