புத்தாண்டு திரைப்படங்கள்:
தியேட்டருக்கு போய் படம் பார்க்கும் வழக்கம் இல்லை.திருட்டு vcd யும் பார்ப்பதில்லை.
சினிமா பார்ப்பதே குறைவு.
சரி.தொலைக்காட்சியில் போடும் படம் பார்க்கலாம் என்று சேனல் திருப்பினால் கமல்ஹாசன் படம்.
பல்லைக் கடித்துக் கொண்டே பேசினார்.எவ்வளவு கேட்டாலும் ஒன்றும் புரியவில்லை.
சரி என்று அடுத்த சேனலுக்கு போனால் tiger ம் பல்லைக் கடித்துக் கொண்டே பேசிக் கொண்டிருந்தது.
போடாப்பா .
எனக்குதான் (எனக்கு மட்டும்தான் )புரியவில்லையா?கிராமத்து மக்கள்,அதிலும் கிராமத்து பெண்களுக்கு புரியுமா?million dollar question .
அடுத்த சேனலில் தமிழ் பாட்டு ஓடிக் கொண்டிருந்தது.
கீழே தமிழாக்கம் ஓடிக் கொண்டிருந்தது.அப்போதுதான் பாட்டின் வார்த்தைகளே எனக்கு புரிந்தது .
அதே போல் இந்த ஹீரோக்களின் வசனங்களுக்கும் தமிழாக்கம் போட்டால் என்னைப் போன்ற ஞான சூன்யங்களுக்கும் புரியுமல்லவா.
ஒரு 15 நிமிடங்கள் கூட பார்க்க முடியவில்லை.
புரியவில்லை.
வழக்கம் போல் செய்தி சேனலுக்கு தாவி விட்டேன்.அங்குதான் அரசியல்வாதிகள் என்ற பெயரில் மக்கள் பணத்தில் ஒரு பெரிய கும்பல் கூத்தடித்துக் கொண்டிருக்கிறதே.
சீரியல்கள் தோற்று விடும்.
அதையே பார்த்து தொலைப்போம்.
கலாகார்த்திக்
கார்த்திக் அம்மா
பி.கு.
சிவாஜி,சூர்யா மாதிரி லோ லோ என்று கத்தி கத்தி பேச  வேண்டுமா என்று ஒரு பெண் என்னைக் கேட்டது.