அன்னையர் தினம்: என் அன்னை கார்த்திக்

பூனை குட்டியை துக்கிக் கொண்டு, [வாயில் கவ்விக் கொண்டு ] தன் குட்டியை பாதுகாக்க இங்கும் அங்கும் அலைவது போல்தான் என் மகன் கார்த்திக் இந்த தாயை இழுத்துக் கொண்டு அலைந்தான்.
மெனோபாஸ் எனும் கொடுமையில் தள்ளாடிய இந்த தாயை எத்தனை டாக்டர்களிடம் அழைத்து செல்வான். எனக்கு அறுவை சிகிச்சைக்காக அவன் பட்ட பாடு எத்தனை?
காரில் போய்க் கொண்டிருக்கும் போது திடீரென காரை நிறுத்தி விட்டு ஓடுவான். எதற்கு என பார்த்தால், கையில் ஐஸ்கிரீமுடன் வருவான். "இந்த கடை ஐஸ்க்ரீம் உங்களுக்கு பிடிக்கும் அல்லவா? " "
என்றாவது ஒரு நாள் போகிற போக்கில் சொல்லியிருப்பேன். அதை மறக்காமல், அந்த கடை பக்கமாக போய் வாங்கி தருவான்.
எனக்கு பிடித்த பாடல் சி.டி வாங்கி வருவான்.
தான் பெற்ற குழந்தை மீது ஒரு தாய் பாசம் காட்டுவது இயற்கையானது.
ஆனால், தன்னை பெற்ற தாய்க்கே தாயாக வாழ்ந்து காட்டிய என் கார்த்தியே " தாய்க்கெல்லாம் சிறந்த தாய்." "
அந்த தாயில்லாமல் வாடும் இந்த குழந்தைக்கு என்ன ஆறுதல்?

கார்த்தி என்னும் ஒப்பற்ற தாயின் அருமைப் புதல்வி.