அரசு அவசர அறிவிப்பு

:அரசு அவசர அறிவிப்பு :
வள்ளி படத்தில் ரஜினி இலவசம் வாங்க வந்த கூட்டத்தில் அதை எதிர்த்து வசனம் பேசி இருந்த காட்சி ஒரு வலைதளத்தில் பார்த்தேன்.அப்போதே செய்திருக்க வேண்டிய அரசு இப்போது உடனடியாக செய்து  விட்டது.அதுதான் இன்றைய தலைப்பு செய்தி.
அரசு அறிவிப்பு.
இன்று முதல் அனைத்து இலவசங்களும் நிறுத்தப் படும்.
ஒன்றாம் வகுப்பு முதல் மாணவர்கள் கல்வி கட்டணம் கட்ட வேண்டும் .
மதிய சத்துணவு திட்டம் இல்லை.மாணவர்கள் வீட்டிலிருந்தே மதிய உணவு கொண்டு வர வேண்டும் .
புத்தகங்களுக்கு பணம் கட்ட வேண்டும்.
இலவச சீருடை கிடையாது.
இலவச சைக்கிள் கிடையாது.மாணவிகள் பெற்றோரிடம் கேட்டு சைக்கிள் வாங்கிக் கொள்ளலாம் .அல்லது நடந்து வரலாம்.ஏன்  நடக்க வேண்டும்? ஏனென்றால் இலவச பஸ் பாஸ் கிடையாது.
கர்ப்பிணி பெண்களுக்கு வைட்டமின் மாத்திரை போன்ற இலவசங்கள் கிடையாது.
அரசு மருத்துவ மனைகளில் கட்டணம் அமல்படுத்தப் படுகிறது.
முதியோர் ஓய்வூதியம் ரத்து செய்யப் படுகிறது.
ரேஷன் கடைகளில் இலவச அரிசி கிடையாது,நாளை முதல் ரேஷன் கடைகள் மூடப்படும் .
........அரசு அறிவிப்பின் படி இந்த லிஸ்ட் இன்னும் சொல்லிக் கொண்டே போகிறது.
இந்த படத்தை பார்த்த வர்கள் வீட்டிலிருந்த கேஸ் அடுப்புகளை எல்லாம் தூக்கி தெருவில் வீசி விட்டார்கள்.
அதனால் புது அடுப்பு வாங்க கடைகளில் கூட்டம் அலை மோதுகிறது.
மாணவர்கள் இந்த வருடம் அரசு கொடுத்த அனைத்து லேப்டாப் ,புத்தகங்கள் etc எல்லாவற்றிற்கும் பணம் கொண்டு வந்து பள்ளிகளில் கட்டிக் கொண்டிருக்கிறார்கள்.
சமுதாய புரட்சி ஏற்பட்டு விட்டது.
தமிழகம் தலை நிமிர்ந்து நிற்கிறது.
பி .கு :
நானும் ஒரு சட்டை வாங்கி போட்டுக் கொண்டு காலரை தூக்கி வீட்டுக் கொள்ள போகிறேன்..
disclaimer
சும்மா ஒரு பிதற்றல்.அரசு சொல்லவில்லை.
சொன்னால் எப்படி இருக்கும் என்று தோன்றியது.
விளையாட்டாக படித்து மறந்து விடுங்கள்.
another disclaimer :
இது நான் போட்ட பதிவல்ல .என் அட்மின் போட்டது.