http://vijayanagar.blogspot.com/2008_05_01_archive.html
வி .ஆர் .எஸ் வாங்கி கொண்டு வீட்டில் உட்கார்ந்தது தப்பாகி விட்டது. டி.வி. பார்ப்பது அதிகமாகி விட்டது. அதனால் மனதுக்கு தோன்றிய சில கருத்துகள்:
*இறந்தவர்களுக்கு கருணைத் தொகை அறிவிப்பதும், அதை அந்த உடல் மேலேயே அந்த பணத்தை கொடுப்பதும், போட்டோவுக்கு போஸ் கொடுப்பதும், ....தேவையா இந்த பப்ளிசிட்டி ? உண்மையிலேயே அந்த பாதிக்கப் பட்டவருக்கு உதவி செய்வதானால் அந்த குழந்தைகளை தங்கள் பொறுப்பில் எடுத்து படிக்க வைத்து என்று என்ன என்னவோ செய்யலாம்.
* அனு ஹாசன் நடத்தும் 'கண்ணாடி' நிகழ்ச்சியில், மலம் அல்லும் கொடுமை பற்றி விவாதம் நடந்தது. உண்மையிலேயே மனம் கனத்து போயிற்று.இதற்கு ஒரு மாற்று இயந்திரம் கண்டு பிடிக்கவில்லையா அல்லது கண்டு பிடிக்க யாருக்கும் விருப்பமில்லையா ?....அதில் ஒரு பெண் தன கணவர் அந்த செப்டிக் டேங்கில் இறங்கி வேலை செய்யும் போது விஷ வாயு தாக்கி இறந்து விட்டார், ஆனால், இது வரை எந்த விதமான உதவியும் கிடைக்கவில்லை என்று அழுதார். இவர்களுகேல்லாம், முதல்வர், அரசு என்று யாருமே ஒரு லட்சம் என்றெல்லாம் தந்து போட்டோ எடுத்தக் கொள்ள மாட்டார்களா?
*''பஸ் டே ''
எங்கிருந்து கண்டு பிடித்தார்கள் இந்த கொண்டாட்டங்களை? என்ன அக்கிரமமான ஆட்டம் ?.....அதில் மாணவர்கள் கேட்கும் கேள்விகள்தான் இன்னும் வேதனை. 'எங்கள் கல்லூரியில் எந்த விழாவுமே நடப்பதில்லை'' ...ஏன் ?இலக்கிய மன்றங்கள், கல்லூரி ஆண்டு விழா இதெல்லாம் என்ன ஆயிற்று?
இன்னொரு மாணவன் கேட்கிறான்: நாங்கள் ''ஏழைக் கல்லூரி'' அதனால்தான் எங்கள் மீது நடவடிக்கை எடுக்கிறார்கள் ''.....நிங்களே ஏழைகள் ஆயிற்றே ? அப்படியானால் , இன்னும் அதிக பொறுப்புடன் அல்லவா படிக்க வேண்டும்?அப்படியே கொண்டாடினாலும் உயிருக்கு ஆபத்தில்ல்லாத வகையில், மற்றவர்களுக்கு துன்பம் தராத வகையில் கொண்டாடுங்களேன். பெரியவர்களை கிண்டல் செய்வது, மாணவிகளிடம் வம்பு செய்வது ,போக்குவரத்திற்கு இடையூறு செய்வது, அலுவலகம் செல்பவர்களை செல்லவிடாமல் ரோட்டின் குறுக்கே ஆடுவது இதெல்லாம் சரியா ? இதற்கெல்லாம் உங்கள் ஏழ்மைதான் காரணமா? கிண்டி அண்ணா பல்கலை கூட சராசரி வருமானமுள்ளவர்கள் கல்லூரிதான். அங்கெல்லாம் இப்படித்தான் நடக்கிறதா?...படிக்க வேண்டும், வாழ்வில் முன்னேற வேண்டும் என்ற எண்ணம் இருந்தால் கொண்டாட்டங்கள் இரண்டாம் பட்சம்தான்.
ஊதும் சங்கை ஊதி விட்டேன். காதில் விழுமா?
கார்த்திக்+அம்மா