ஆனந்த்  பனியன் விளம்பரம்
ஆனந்த் பனியன் விளம்பரத்தில்
''ஏய் ,இது அப்பா  பனியன் ''என்பதற்கு அந்த சிறுவன்'' இது ஆனந்த பனியன்''
என்று சொல்லும் பதிலை கேட்கும் போதெல்லாம் எனக்கு கார்த்திதான் கண்ணில் நிற்பான்.
இதே போல் சிறுவனாக இருந்த போது கார்த்தி நான்  .வேலை செய்யும் பள்ளிக்கு வந்திருந்தான்.
ஆசிரியைகளில் ஒருவர் அவனிடம் வாய் கொடுக்க ஆரம்பித்தார். அவருக்கு எப்போதுமே மற்றவர்களை மடக்குவதும் , மட்டம் தட்டுவதுமே வேலை.
அவர் கார்த்தியிடம் கேட்டார்
''எங்கள் பள்ளிக்கு ஏன் வந்தாய் ?''
அவர் எதிர் பார்த்த பதில் ''நான் எங்க அம்மா பள்ளிக்கு வந்தேன்.'' என்பது.
அப்படி ஒரு பதில் கிடைத்தவுடன் இது உங்க அம்மாவிற்கு சொந்தமா?உங்க அம்மாதான் கட்டினார்களா? என்றெல்லாம் கேட்கலாம் என்ற திட்டத்துடன்தான் கேட்டார்.
ஆனால் கார்த்தியோ
''இது அரசுப் பள்ளி.எல்லோருக்கும் வர உரிமை உண்டு ''
என்ற பதிலைத் தந்தவுடன் அந்த ஆசிரியை முகம் போன போக்கை பார்க்க வேண்டுமே.
பின்னாளில் இது பற்றி அவர் அடிக்கடி சொல்லியிருக்கிறார்.
அப்படி ஒரு பல்பு வாங்குவோம் என்று எதிர்பார்க்கவேயில்லை அவர்.
கார்த்தி   கார்த்திதான்.