அசை போடுகிறேன்

Rain rain go away
Come again another day
This is mummy's washing day

இந்த rhyme எங்களுக்குதான் மிகவும் பொருந்தும். கார்த்தி, செந்தில் சிறுவர்களாக இருந்த போது [90 களில் ] சனிக்கிழமைதான் துணி துவைக்கும் நாள். ஒரு வாரத்து துணிகளையும் washing machine ல் போட்டு துவைத்து ,,
அலசுவதற்கு, மொட்டை மாடிக்கு சென்று விடுவோம். [ அப்போது, மின்வாரிய குடியிருப்பில் இருந்தோம். 3 அடுக்கு அபார்ட்மென்ட். .. மேட்டூர். .] வீடுகளுக்கான தண்ணீர் தொட்டி மொட்டை மாடியில். தண்ணீர் நிரம்பிய பிறகு வெளியேறும் நீரை அன்று மட்டும்
நிறுத்த மாட்டார் அதன் பொறுப்பாளர். அவருக்கு தெரியும், அன்று எங்களுக்கு தண்ணீர் தேவை என்று.]. துணி அலசுகிறோம் என்று ஒரு மணி நேரம் கூத்தடிப்போம். குற்றால அருவியில் குளிப்பது போல்தான். ஒருவர் மேல் ஒருவர் தண்ணீர் அடித்துக் கொண்டு ஆட்டம், பாட்டம்தான். என் கணவர் இதில் எல்லாம் பங்கெடுக்க மாட்டார். அவருண்டு, அவருடைய செய்திதாள் , அல்லது office புத்தகம் என்று எதிலாவது மூழ்கியிருப்பார். நாங்கள் மூவரும் அவிழ்த்து விட்ட கழுதைகள்தான்.
இப்படிப்பட்ட ஒரு நாளிலே , நாங்கள் ஆனந்த தாண்டவம் ஆடிக் கொண்டிருந்த போது, கீழேயிருந்து,, அவருடைய அடிக்குரலில் 'கார்த்தி, கார்த்தி ' என்று கூப்பிட்டார். ஒரு 15 நிமிடம் கத்திய பிறகுதான், எங்களுக்கு கீழே போக வேண்டும் என்றே தோன்றியது.[fully drenched] கிழே இறங்கி வந்தால், வரவேற்பறையில், என்னுடைய பெரிய மைத்துனர்கள் இருவர், இன்னும் 4 பேர் அவருடைய உறவினர்கள் [சுத்தமான கிராமத்து மக்கள்] என்று 6 பேர் வரவேற்பறையை அடைத்து உட்கார்ந்திருந்தனர். எங்கள் கோலத்தை பார்த்து அவர்கள் முழிக்க, அவர்களை பார்த்து நாங்கள் முழிக்க ,,( ஒரு பெண் அதுவும் 2 மகன்களுக்கு தாய் இப்படி விளையாடுவதென்பது அவர்களுக்கு ஜீரணிக்க முடியாத விஷயம்}.
மகானுபாவன், என் கணவர் ஒரு 4 படி மேலே வந்து உறவினர்கள் வந்துள்ளார்கள் என்று சொல்லியிருக்கப் படாதோ ? என்னத்தைச் சொல்ல?