நான் கார்த்திக்

நான் கார்த்திக் பேசுகிறேன் .
இல்லை இல்லை  .
எழுதுகிறேன்.
2005 ல் 23 வயதில் இந்த உலகிற்கு டா டா ,பை பை சொல்லி விட்டு கிளம்பி  விட்டேன்.
13 வருடங்கள் ஆகி விட்டது.
ஆனால்
ஒரு 5 அடி உயர ஜீவன் இன்றும் அந்த உண்மையை ஒத்துக் கொள்ள மறுக்கிறது .
நான் ஆரம்பித்த பிளாக்கை நானே எழுதுவது போல் எழுதி இந்த உலகை நம்ப வைக்க முயற்சி செய்து தோற்று போகிறது.சா ....இற ....என்ற வார்த்தைகளை சொல்ல முடியவில்லை அம்மாவால் .
என் நினைவில் ஒவ்வொரு நிமிடமும் துடிக்கும் அம்மாவிற்கு என்ன ஆறுதல் சொல்வது ?????
யார் ஆறுதல் சொல்வது ???????????
எது ஆறுதல் தரும் ???
யாராலும் முடியாது.
அம்மா
என் மீது ஏன் இவ்வளவு அன்பு வைத்தீர்கள் ?????????ஏனம்மா என்னையே உங்கள் உயிர் என்று நினைத்தீர்கள் ????
நானும் அப்படித்தான் நினைத்து வாழ்ந்தேன் .அதனால்தான் நீங்களும் அப்படியே நினைத்தீர்கள் ...
ஆனால் விதியை வெல்ல முடியாமல் உங்களை இந்த உலகில் விட்டு விட்டு நான் மட்டும் பறந்து விட்டேனே .....
இன்று உயிரில்லா உடம்புடன் ஒரு கொடுமையான வாழ்க்கை வாழ்ந்து கொண்டு இருக்கிறீர்களே ...
உங்களின் பரிதாப நிலை ....
கண்ணீருடன்
உங்கள் அன்பு மகன்
கார்த்திக்

தீபாவளி படங்கள்

இன்று டி வி யில் தீபாவளி படங்கள் :
ஒரே  நடிகரின் படங்கள் 3 சேனல்களில்.
ஏன் ?
ஒருவரை  தூக்க ஆரம்பித்தால் இந்த அளவிற்கா?
இதன் பின்னணி என்ன?
ஏன் நடிகர்களை இவ்வளவு மிகைப் படுத்துகிறார்கள்?
ஊடகங்கள் இளைஞர்கள் வேறு எதை பற்றியும் நினைக்க கூடாது.என்று நினைக்கிறதா ?
வேறு எந்த சாதனையையும் செய்ய ஊக்கப் படுத்தலாமே .
ஒரு படம் ரிலீஸ் ஆவது அவ்வளவு பெரிய விஷயமா ?
நன்றாக இல்லை.

ஆம்புலன்ஸ் நண்பர்கள்

ஆம்புலன்ஸ் நண்பர்கள் :
TRULY GREAT :
திருச்சியில் இருந்து சென்னை கொண்டு  வரப்பட்ட குழந்தை .
பிறந்த சிசு உயிருக்கு போராட
திருச்சி மருத்துவ மனையில் சென்னைக்கு கொண்டு சென்றால்தான்  காப்பாற்ற முடியும் என்று டாக்டர்கள் சொல்லிவிட தவித்து விட்டனர் பெற்றோர் .
இந்த தருணத்தில்தான் ஆம்புலன்ஸ் மிக அரிதான செயலை செய்தது.3.1/2 மணி நேரத்தில் குழந்தை திருச்சியில் இருந்து சென்னைக்கு கொண்டு வர பட்ட செய்தி  பரபரப்பு ஆனது.
ஆனால் இந்த feat ,இந்த சாதனைக்கு பின் நடந்த விஷயங்கள்தான் மிகவும்  கவனிக்க  வேண்டியது.
ஆம்புலன்ஸ் whats app குழு மிக மிக துரிதமாக வேலை   செய்தன,
voice call தொடர்பை முழுமையாக பயன்படுத்தி குழந்தை வரும் ஆம்புலன்ஸ் தடை இன்றி வர அனைத்து ஏற்பாடுகளும் துரிதமாக நடந்தன,
டோல் கேட்டில் வண்டி நிற்காமல் செல்ல 5 நிமிடங்களுக்கு முன்பே தடம் சரி செய்யப் பட்டது.
வண்டி எங்கு வந்து கொண்டிருக்கிறது என்பது  ட்ராக் செய்யப் பட்டுக்  கொண்டே இருந்தது.உதவிக்கு,அவசரத்திற்கு  முன்னும் பின்னும் ஆம்புலன்ஸ்கள் வந்து கொண்டிருந்தன.
இப்படி ஒரு ராணுவ தோரணையில் நடந்தது இந்த சாதனை.
இதில் மிக மிக கவனிக்க வேண்டியது .
இந்த குழந்தை ஒரு மகா பணக்காரரின் குழந்தை அல்ல .
ஒரு பெரிய செல்வாக்கோ,அதிகார பலம் மிக்கவரின் குழந்தையோ அல்ல.
நம்மை  போன்ற ஒரு சாதாரண குடிமகனின் குழந்தை.
air ஆம்புலன்ஸ் , விமான நிலையத்தில் இருந்து 10 நிமிடத்தில் பறக்க கூடிய நபர்களுக்கு மட்டும்தான் எங்கள் சேவை என்ற கொடுமையை தகர்த்து எல்லோருக்கும் உதவி செய்வோம் .மதம் ,ஜாதி ,பணம் என்று எதுவும் பார்க்க மாட்டோம் .உயிர் காப்பது மட்டுமே எங்கள் குறிக்கோள் என செயல்பட்ட அத்தனை நல்லவர்களுக்கும் என் பாதம் பணிந்த வணக்கங்கள் .
ஏன் இந்த நல்ல விஷயத்தை எல்லா ஊடகங்களும் பெரிதாக செய்தியாக்கவில்லை.???????
அவர்களுக்கு பாராட்டுக்கள் தெரிவிக்கவில்லை????????????
 .ஹும் .
இதுதான் உலகம்.
கார்த்திக் அம்மா

வட சென்னை

வட  சென்னை :
2004 ல் தேர்தல் பணிக்கு வட சென்னைக்குதான் சென்றேன். ஐயோ
அங்கேயா  என்கிறார்கள்.
சவால் என்பது எனக்கு வாடிக்கையான ஒன்று.
எப்படியாவது என்ன எதிலாவது மாட்டி வைக்க வேண்டும் என்பது பலரது வெறியாக இருந்தது.
போனேன்.தேர்தல் அதிகாரி..
ஓட்டுகள்  பதிவாகிக் கொண்டிருந்தன.
கள்ள வோட்டுக்கு அனுமதி இல்லை என்று கடசியினரிடம் உறுதியாக சொல்லி விட்டேன்.
நடபாக நல்ல விதமாக கேட்டார்கள்.
மீண்டும் மறுத்து விட்டேன்.
தேர்தல் பணி  செய்பவர்களுக்கு காபி ,பிரியாணி கொடுப்பார்கள்.எங்களுக்கு வரவில்லை.என்னுடன்  பணி  செய்தவர்களுக்கு நானே வாங்கிக் கொடுத்தேன்.
2 மணி அளவில் ஒரு 20 பேர் வந்தார்கள்.
யார் தொகுதி தெரியுமா என்றார்கள் ????
எல்லோரையும் தெரியும் என்றேன்.
சென்று விட்டார்கள்.
DSP  வந்தார்.sir பணி  முடிந்து செல்லும் போ து எனக்கு பாதுகாப்பு வேண்டும் என்றேன்.மிகவும் மகிழ்ந்தார் அவர். கள்ள வோட்டு விழாத ஒரே பூத் என பாராட்டி சென்றார்.
...
எதற்கு பழைய கதை என்கிறீர்களா ???????
2 நாட்கள் அந்த ஏரியாவில்தான் இருந்தேன்.
சாம்பிளுக்கு கூட எந்த கெட்ட வார்த்தையும் காதில் விழவில்லை.
கட்சியினரும் என்னிடம் நல்ல விதமாகவே பேசினர்.
சிறிய மிரட்டல். மற்ற படி எந்த தவறோ ,அத்து மீறலோ இல்லை.என்னை வட சென்னை ,ரௌடி ஏரியா என்று ஏன் பயமுறுத்தினார்கள் என்றே தோன்றியது.
அப்படி நான் பார்த்த வட சென்னையை மிகவும் கெட்ட வார்த்தைகளே பேசிக் கொண்டு கத்தி அரிவாளுடன் அலையும் கூட்டமாக ஏன்  திரைப் படம் எடுத்தார்கள்.
ஒரு வட சென்னை வாலிபன் பெங்களூரில் MNC  யில் வேலை செய்கிறான் என்று வைத்துக் கொள்வோம்.
அவனுக்கு இனிமேல் கம்பெனியில் என்ன மதிப்பு இருக்கும்?
அங்கே படித்தவர்களே இல்லையா?
அதே வட சென்னையில்தான் ஆசிரியர் கருத்தரங்கம் நடந்தது.அப்போதும் எந்த தவறான வார்த்தைகளையோ நிகழ்வுகளையோ நான் பார்க்கவில்லை.
என் நண்பிகள் இருவர் அங்குதான் வேலை செய்தனர்.
கஷ்டம் என்று ஒரு நாளும் சொன்னதில்லை.சந்தோஷமாகத்தான் வேலை செய்தனர்.
ஒரு பேச்சுக்கு அங்கு அப்படியான வார்த்தைகள்தான் பயன் படுத்துகிறார்கள் என்றே வைத்துக் கொள்வோம்.
அதை இப்போது வெளிச்சம் போட்டு எல்லோருக்கும் தெரிய வைக்க வேண்டிய அவசியம் என்ன?
பீப் பாடல் வந்த போது அந்த வார்த்தை எனக்கு பதிந்து போனது.மிக மிக பயமாக இருந்தது.என்றாவது என்னை அறியாமல் இந்த வார்த்தையை சொல்லி  விடுவேனோ என்று திகில்  அடித்தது.
இப்போது அது போல் 100 வார்த்தைகள் என்கிறார் திரு.ராஜன்.
சமுதாயத்தை நல்வழிப் படுத்த வில்லை என்றாலும் கெடுக்காதீர்கள்.
இன்று குங்கும பூவும்  கொஞ்சு புறாவும் என்ற படம் பார்த்தேன்.எதற்கு?
இப்படிப் பட்ட படங்களை எடுத்து இளைஞர்களை கெடுக்காதீர்கள்.
கார்த்திக் அம்மா

ஐயப்பனும் முஸ்லீம் ரெஹானாவும்

மத நல்லிணக்கம் வேண்டும் என்பதில் மிக உறுதியாக உள்ளவள் நான்.
ஆனால் என் தாய்க்கு ஒரு அவமானம் என்றால் நான் பொறுத்துக்க கொள்ள மாட்டேன்.
ஏனப்பா .நீதிமன்றம் என்ன சொல்லியது ????
பெண் பக்தர்களை அனுமதிக்கலாம் என்றுதான் சொல்லியது.எதற்கு பத்திரிக்கையாளர்கள்????
அதிலும் பெண் பத்திரிக்கையாளர்கள்???????????
அதிலும் ...அதிலும்  ஒரு முஸ்லீம் ???????????????
அதிலும் ..அதிலும் ஒரு முஸ்லீம் பெண்???????????
அதிலும் இளம் பெண்கள்???????????
சரி...
உடையாவது  கோவிலுக்கு வரும் உடையா????????
ஐயப்ப பக்தர்கள் 48 நாட்கள் விரதம் இருந்து கருப்பு அல்லது நீல நிற உடை அணிகிறார்கள்.
அன்று ஒரு பெண் செல்கிறார்.அவர் சாதாரண உடையில் செல்கிறார்.அதிலும் ஒரு டிசைன் பிளவுஸ் .தேவையா ???
இந்த முஸ்லீம் பெண் அவர் மதத்தின் மசூதி உள்ளே செல்வாரா ?
அவர் மதத்திற்கு ஒரு நியாயம்.
இந்து மதத்திற்கு ஒரு நியாயம்.
இதன் பின்னணியில் யார் இருந்தாலும் செய்வது தவறு.
தவறு செய்யாதீர்கள்.
பெண்களே
பெண்ணுரிமை என்பது இதுதானா ?????????
சாதிக்க எத்தனையோ துறைகள் உள்ளன.
அங்கெல்லாம் சாதியுங்கள். நாட்டில் எத்தனையோ பிரச்சினைகள் உள்ளன.இப்போது எதற்கு இந்த புது பிரச்சினை?
இதை யார் கிளப்பியிருந்தாலும் எந்த நோக்கத்திற்காக ஆரம்பித்து இருந்தாலும்
வேண்டாம்.தவறு செய்யாதீர்கள்.
கார்த்திக் அம்மா

மி டூ ME TOO .

https://youtu.be/LaEvLQMFz88 போடு அடி .கர்நாடக பெண் ஒரு வங்கி மேலதிகாரியை போட்டு தாக்கும் காட்சி இது ..இது ..இதுதாங்க உண்மையான ME TOO .தைரியம் இருந்தா இப்படி போட்டு தாக்க வேண்டும்..இல்லை என்றால்  பேசவே கூடாது..18ம் நூற்றாண்டில் நடந்தது.அப்ப சோத்துக்கே வழி இல்லை.இப்ப பணக்காரி ஆயிட்டேன்.பிரபலம் ஆகிவிட்டேன்.இப்ப சொல்கிறேன்...??????????

..இது ..இதுதாங்க உண்மையான ME TOO .தைரியம் இருந்தா இப்படி போட்டு தாக்க வேண்டும்..இல்லை என்றால்  பேசவே கூடாது..18ம் நூற்றாண்டில் நடந்தது.அப்ப சோத்துக்கே வழி இல்லை.இப்ப பணக்காரி ஆயிட்டேன்.பிரபலம் ஆகிவிட்டேன்.இப்ப சொல்கிறேன்.

நானும் பல ஆண்களுடன் வேலை செய்தவள்தான்.பல பிரயாணங்களில் ஆண்கள் உரசிய அனுபவம் உண்டு.எல்லோரும் நல்லவர்களாக இருக்க வேண்டும் என்று நினைத்தால் அபத்தம்.முடிந்தால் திருப்பி தாக்கு.அப்போதே.உடனே .அந்த இடத்திலேயே ...நான் கர்ஜிக்க ஆரம்பித்தால் துண்டைக் காணோம் துணியை காணோம் என்று ஓடி விடுவார்கள்.எல்லா நேரங்களிலும், எல்லா இடங்களிலும் சண்டை போட முடியாது.அது போன்ற இடங்களில் அவனை சட்டை செய்ய கூடாது.WHO CARES ....போடா வெண்ணை.உன்னால் நான் ஒரு துளியும் பாதிக்கப் படவில்லை என்ற தொனியில் திரும்பி பார்க்காமல் போய் கொண்டிருந்தால்  அதுவே அவனுக்கு பெரிய தண்டனை.....அத விட்டு இதனால் என் carrier என் முன்னேற்றம் போய் விடும் என்று நினைத்தால் அது பற்றி எப்போதும் பேசக் கூடாது.பாராட்டுக்கள் கர்நாடக பெண்ணே.

https://youtu.be/LaEvLQMFz88

சங்கர் அகாடமி

சங்கர் அகாடமி யின்  சங்கர்.:
கோபம்.
கோபம்.
சங்கர் மீது எனக்கு அளவற்ற  கோபம்தான் வருகிறது.
இவ்வளவு பேரை உருவாக்கிய  ஒரு மாபெரும் மனிதர் அற்பமாக  குடும்ப பிரச்சினைக்காக  தற்கொலை செய்யலாமா?
என்னதான் பிரச்சினை இருக்கட்டுமே?
கணவனை  இழந்து இந்த மகனை உருவாக்க  அந்த தாய் எவ்வளவு கஷ்டப் பட்டிருக்க வேண்டும்.
இவரது பாட்டிதான் இவரை வளர்த்ததாக தெரிகிறது.
அந்த மூதாட்டியை பார்க்கும்போது வேதனையாக இருக்கிறது.
இந்த இரு பெண்டிரும்  இவரை நம்பியே இருந்திருப்பர்.
இரு மகள்கள்.
அவர்களை நினைத்து பார்க்கவில்லையா இவர்?
இத்தனை மாணவர்களை ஊக்கப் படுத்தி சாதிக்க வைத்தவர் தன்  பிரச்சினைக்கு ஒரு தீர்வு காண முடியவில்லையா?
இந்த குடும்ப பிரச்சினையை ஓரம் கட்டி விட்டு இன்னும் எத்தனையோ I .A .S மாணவர்களை  உருவாக்குவதில்  கவனம் செலுத்தியிருக்கலாம்.
என் கார்த்தி விபத்தில் மறைந்ததையே தாங்க முடியவில்லை.
இவர் தன தாய்க்கும் பாட்டிக்கும் மிக பெரிய துரோகம் செய்து விட்டார்.
தன் மாணவர்களுக்கும் துரோகம் செய்து விட்டார்.
சங்கர்,
கோபமான வருத்தத்துடன்
கார்த்திக் அம்மா

கள்ள உறவு

கள்ள உறவு ...தகாத உறவு
நீதி மன்றம் கொடுத்த தீர்ப்பை நான் விமர்சிக்கவில்லை.
நீதி மன்றமே கள்ள உறவு என்று சொல்லியிருக்கிறது.ஆண்  பெண் உறவு என்று சொல்லலாம்.
கலாச்சாரம்  என்று ஒன்றுமில்லை.
ஒரு வாழ்க்கை நெறி முறை.
ஒரு ஆணும் பெண்ணும் எப்போது தாய் தந்தை ஆகின்றனரோ அப்போது அனைத்து முறைகளும் மாறுபடுகிறது.
தாய் வேறு வழிகளில் ஈடுபாடு கொள்ளும்போது  அந்த குழந்தைகளை நினைத்து பாருங்கள்.
பசி என்று ஒரு குழந்தை அழும்போது ஓடி வருபவள் தாய்.
அதற்கான பணம் தர வேண்டியது தந்தை.
குழந்தைகள் பாதுகாப்பு கேள்விக்குரியதாக  மாறும்போது  தீவிரவாதிகளும் குற்றவாளிகளும்  உருவாகிறார்கள்.
இத தடுத்து நல்ல குடிமகன்கள்  வேண்டும் என்றுதான் நம் பெரியவர்கள் ஒருவனுக்கு ஒருத்தி என்று சொன்னார்கள்.
அதிலும் குழந்தைகளை பொறுத்தவரை  தாயின் பங்களிப்பு மிக மிக அதிகம்.
பெண்ணுக்கு உணர்ச்சிகள் இருக்கக் கூடாதா என்றால்
.....
ஆணுக்கும் சரி...
பெண்ணுக்கும் சரி ....சமூக நலன் கருதி ..கட்டுப் பாடுகள் தேவை.
நம் ஊரில் கணவன் மனைவிக்கு என தனி அறை  இல்லாத காரணமே பல குற்றங்களுக்கு காரணமாகிறது.
பல கற்பழிப்புகள் .....
தனி மனித சுதந்திரம்தான் எங்களுக்கு வேண்டும் என்று சொல்வீர்கள் என்றால் ...
தனி மனிதர்களாக மட்டும் இருங்கள்.
தாய் தந்தை ஆகாதீர்கள் .
நாய்கள் போல்,
விலங்குகள் போல்
எங்கு வேண்டு மென்றாலும்,
எப்போது வேண்டுமென்றாலும்
உறவு கொள்ளுங்கள்.

கலைஞர் +கார்த்தி சிலை

செய்தி
 // //  கருணாநிதிக்கு.  சிலை அண்ணா அறிவாலயத்தில் நிறுவப்பட உள்ளது. இந்த சிலை இறுதிக்கட்ட பணிகளை எட்டியுள்ளது. அறிவாலயத்தில் ஏற்பாடு அறிவாலயத்தில் ஏற்பாடு இந்த சிலை அறிவாலயத்தில் வைக்கப்பட உள்ளது. அறிவாலயம் உள்ளே நுழைந்ததும் நடுவில் தற்போது அண்ணா சிலை இருக்கிறது. அண்ணாவின் சிலைக்கு அருகிலேயே கருணாநிதியின் சிலை வைக்கப்பட இருக்கிறது. இதற்காக அங்கு ஏற்பாடுகள் செய்யப்பட்டு வருகிறது. முழுக்க முழுக்க வெண்கல சிலை முழுக்க முழுக்க வெண்கல சிலை இந்த சிலை முழுக்க முழுக்க வெண்கலத்தால் செய்யப்பட்டது. இதை மிகவும் தத்ரூபமாக வடிவமைத்து இருக்கிறார்கள். இந்த சிலையை வடிவமைக்க இரண்டு வாரம் ஆனதாக கூறப்படுகிறது. இன்னும் இதில் சில கடைசி கட்ட பணிகள் மட்டும் செய்யப்பட்டு வருகிறது. யார் செய்கிறார் யார் செய்கிறார் இந்த சிலையை திருவள்ளூர் மாவட்டம், மீஞ்சூரைச் சேர்ந்த சிற்பி தீனதயாளன் வடிமைக்கிறார். இவர் இதற்கு முன்பே தலைவர்களுக்கு சிலை வடிவமைத்துக் கொடுத்தவர். சில கோவில் சிலைகளையும் வடிவமைத்துள்ளார். இவரின் கைவண்ணத்தில்தான் இந்த சிலை உருவாக்கப்பட்டுள்ளது.// //

இது கார்த்தியின் சிலை.இதை செய்து தந்தவர் இந்த தீனதயாளன் அவர்தான்.fiber ல் செய்தது . வீட்டிற்கு வருபவர்கள் கார்த்திதான் நிற்கிறான் என்றே நினைத்து கொள்வர்.
சொலவதில் பெருமை இல்லை .
வேதனைதான்.
கார்த்திக் அம்மா

8,12,20 சாலை

8 வழி சாலை
12 வழி சாலை
20 அடி  ரோடு
எவ்வளவ் வேண்டுமானாலும் போட்டு தூள் அடிங்க .நல்ல விஷயம்.ஏன் என்றால் பெட்ரோல் போட முடியாமல் மக்கள் நடந்துதான் போக வேணடும் .அதற்கு  இப்படியான பிரமாண்டமான சாலைகள் நிச்சயம் தேவை.
அரசை குறை சொன்னவர்களே ,இப்போது புரிகிறதா அரசு மக்களுக்காக நிறைய சிந்த்தித்து ,யோசனை செய்து  கருணை எண்ணத்துடன் செயல் படுகிறது என்பது .
sorry .Govt .

அபிராமி+கண்ணடி

ஒரு பாட்டில் ஒரு பெண் கண்ணடிப்பது போன்ற காட்சி  இஸ்ரோ சாதனை போல் பேசப்பட்டது .
இப்போது பார் .
அபிராமி கண்ணடிக்கிறாள்.
சினிமாவில் இது போன்ற காட்சிகள் மக்களை எந்த எல்லை வரை கொண்டு விடுகிறது பாருங்கள்.
அந்த பாடலில் வகுப்பறையில்  கண்ணடிப்பது ,flying kiss கொடுப்பது பார்த்து எத்தனை வகுப்பறைகளில்  இந்த கொடுமை நடக்கிறதோ.
மாணவர்கள் படிப்பதை விட்டு இந்த சாதனைகளைத்தான் செய்வர்.
மீடியா வே  மக்களை கெடுக்காதே.

கண்ணடி

அந்த காலத்தில் கண்ணடிப்பது என்பது ஓர் இழிவான கேவலமான செயலாக பார்க்கப்பட்டது .
இப்போது ஏதோ ஒரு பாடலில் ஒரு பெண் கண்ணடிப்பது  இமாலய சாதனையாக பேசப்படுகிறது .
நீதி மன்றத்தில் இதற்கு விளக்கம் சொல்லப் படுகிறது .
எல்லாம் சரிதான்.
ஆனால் ...
 வகுப்பறையில் கண்ணடிப்பது ,flying kiss கொடுப்பது எல்லாம் மிகப் பெரிய தவறான விஷயம் ...
அப்படின்ன  ஏன் யாரும் சொல்லவில்லை ????????
யாரும் கண்டிக்கவில்லை ???????????????
கார்த்திக் அம்மா

ஆகஸ்ட் 26

August  26 ...2005
என் வாழ்வில் வந்திருக்கவே  கூடாத நாள்.
என் அருமை கண்மணி கார்த்திக்கிற்கு விபத்து ஏற்பட்டு  என்னை விட்டு பிரிந்த நாள்....
என் வாழ்வில் வந்திருக்கவே கூடாத நாள்.
.....
தன் அம்மாவை தவிர இந்த உலகில் எதுவுமே தேவை இல்லை என்று வாழ்ந்த மகன்.
2002ல்
ஒரு பெரிய U .S கம்பெனியில் வேலை வந்தும் அம்மாவை விட்டு போக மாட்டேன் என்ற மகன்.
(அவன் நண்பர்கள் என்னைத்தான் திட்டினர்.நீங்கள்தான் கார்த்தியின் எதிர் காலத்தை கெடுக்கிறீர்கள். எங்களுக்கு எல்லாம் மைக்ரோ சாஃப்ட்டில் வேலை கிடைக்காதா என்று ஏங்குகிறோம்.)
நான் கார்த்தியிடம் ''போய் வா கார்த்தி.'' என்றுதான் சொன்னேன்.உறுதியாக மறுத்து விட்டான்.அம்மாவை விட்டு போக மாட்டேன் என்ற வைராக்கியம்.அது எவ்வளவு பெரிய வேலை ,எவ்வளவு பெரிய சம்பளம் என்றாலும் சரி அம்மாவை விட்டு போக மாட்டேன் என்ற மகன்.
ஒரே அடியாக விட்டு விட்டு போய் விட்டான்.
எப்போதும் புலம்பல்.
அழுகைதானா
என்று குற்றம் சொல்பவர்களுக்கு ..
கார்த்தி போல் ஒரு மகன் கிடைக்க 100 கோடி ஜென்மம் புண்ணியம் செய்திருக்க வேண்டும்.
அவன் அன்பு, அறிவு, அடக்கம் ...சொல்லிக் கொண்டே போகலாம்.
அந்த அன்பு மகனை இழந்த நாள்.
ஒவ்வொரு நிமிடமும் அவன் நினைவால் தவிக்கும்
கார்த்திக் அம்மா

விளம்பரம்

பல விளம்பரங்கள் மொக்கையாக இருக்கின்றன.
சில கொடுமையாக இருக்கின்றன.
ஒரு சோப்பு விளம்பரத்தில் சில சிறுமிகள் ஒரு பெண் முகத்தில் அதிர்ஷ்டம் இருக்கிறது எனவும் அந்த முகத்தை பார்த்து விட்டு சென்றால் வெற்றிதான் எனவும் சொல்கிறது.
எப்படிப்பட்ட  மூட நம்பிக்கையை சிறுமிகளின் மனதில் விதைக்கின்றன .விதவைகள் எதிரில் வர கூடாது.
அவர்கள் முகத்தில் விழித்து சென்றால் போகும் காரியம் தோல்வி என்று ஏற்கனவே இருக்கும் மூட நம்பிக்கையை இது இன்னும் அதிகரிக்கிறது.சம்பந்தப் பட்ட சோப்பு கம்பெனி இந்த விளம்பரத்தை மாற்றுமா ?
ஹார்லிக்ஸ் :
இந்த விளம்பரத்தை நிச்சயம் பாராட்ட வேண்டும்.
ஒரு சிறுமி டாக்டராக வேண்டும் என்ற லட்சியத்துடனும் ,உறுதியுடனும் படிக்கும் போது அம்மா ஊட்ட உணவாக ஹார்லிக்ஸ் தருவதாக உள்ளது.
அதிலும் ஒரு பெண் பிள்ளையை ஒரு லட்சிய பெண்ணாக காட்டுவது எவ்வளவு நல்ல விஷயம்.
பாராட்டுக்கள்.

சில விளம்பரங்கள் புரியவில்லை.
பீட்ஸாவிற்கு வருகிறதே.இரண்டு பெண்கள் .''I DOUBT HIM '' என்ன அர்த்தம்?
அதே போல்
அண்ணன்   தம்பி சாக்லெட் கேட்டு கடவுளிடம் வேண்டுதல் விளம்பரமும் புரியவில்லை.
என் அறிவு சொல்ல முடியாத அளவு..
யாராவது விளக்கம் சொல்லுங்களேன்.
கார்த்திக் அம்மா

பாவி

பாவியின் வயிற்றில் பிறந்ததால்
பாதியில் போனாயோ?
உத்தமியின் வயிற்றில் உதித்திருந்தால்
உண்டென்று வாழ்ந்திருப்பாயோ?
பாவியெனக்கு உன்னை சுமக்கும்
பாக்கியம் கிடைத்ததால்
என் பாவமெல்லாம் நீங்கியதோ?
என் பாவத்தை நீ சுமந்ததால்
பரிதவித்து பரமனடி சேர்ந்தாயோ?
karthik amma 

பெங்களூரில் நடைபெற்ற விசித்திர சாலை விபத்தில் அதிர்ஷ்டவசமாக எந்த அடியும் படாமல் குழந்தை ஒன்று உயிர் தப்பிய சம்பவம் நிகழ்ந்துள்ளது.

பெங்களூரு நெடுஞ்சாலையில் நேற்று ஒரு பயங்கர விபத்து நடந்துள்ளது. பதைபதைக்கவைக்கும் இந்த வீடியோ தொடங்கும்போது இரு சக்கரவாகனத்தில் இருவர் மட்டும் பயணிப்பது தெரிகிறது. அவர்கள் சாலையின் இடது புறமாக வேகமாகச் செல்ல முயலும்போது எதிர்பாராதவிதமாக முன்னால் நின்றிருந்த மற்றொரு இருசக்கர வாகனத்தின் மீது மோதுகின்றனர். இந்த விபத்தில் இருசக்கர வாகனத்தில்  வந்த தம்பதி தூக்கிவீசப்பட்டு சாலையில் உருண்டபடி செல்கின்றனர்.
kaarththikkirkum ippadiththaan nadanthathu.
கார்த்திக்கிற்கு இப்படித்தான் நடந்தது.
யாரோ செய்த தவறு.
ஆனால் இந்த விபத்தில் தூக்கி வீசப்பட்டும் இவர்கள் தப்பிக்கின்றனர்.
என் கண்ணின் மணியோ ,என் தெய்வ மகன்  என் குழந்தை  தன்  பொன் உயிரை விட்டு விட்டானே.
 விதியே என் மகனுடனும்  என்னுடனும் இவ்வளவு கொடூரமாக விளையாட வேண்டுமா

பௌர்ணமி .என் முழு நிலவு

என் முழு நிலவு
இன்னும் மனம் 2005 லேயே இருக்கிறது.
தேறும் வழி தெரியவில்லை.
மகன் ஏக்கம் உயிரை கொல்கிறது  Still living in 2005.
Today is 21st aug.
I+KARTHIK+SENTHIL WERE IN KARUR.

அன்று  பௌர்ணமி .
2005 Aug  20 ம் தேதி அன்று பௌர்ணமி.அன்று நான், கார்த்தி, செந்தில் மூவரும் Bangalore லிருந்து கரூர் நகருக்கு புறப்பட்டோம். கார்த்தியின்  நண்பருக்கு திருமணம். திங்கள்  அன்று திருமணம்..சனிக்கிழமை கிளம்பினோம்.இரவு 7 மணி.செந்தில் காரை ஓட்டி  வர நான் முன் சீட்டில் ..கார்த்தி பின் சீட்டில் இருந்து சாப்பிட்டுக் கொண்டிருந்தான்.சாப்பிட்டு முடித்து கை கழுவ  கார் கதவை திறக்க நான் ''ஜாக்கிரதை கண்ணம்மா '' என்கிறேன்.'' ''ஆமாமாம்.பார்த்து ,பறந்து விடப் போகிறாய் ''  என்று (கார்த்தி ஒல்லியாய் இருப்பதை கேலி செய்து ) செந்தில் சொல்ல  பேச்சும்  சிரிப்புமாக வந்து கொண்டிருந்தோம்.அப்போது செந்தில் ''அம்மா இங்கு பாருங்கள். '' என்று முழு ,பிரகாசமான நிலவை காட்டினான். நான் ''இது என்ன பெரிய நிலா,  இதை விட அற்புதமான நிலா   பின் சீட்டில் இருக்கிறது.  என் கார்த்தி மகன் முகம்தான் என் பிரிய நிலா. அழகு நிலா '' என்று சொல்ல பின் சீட்டில் இருந்த கார்த்தி இரண்டு சீட்டிற்கு  நடுவில் தன முகத்தை நீட்ட அவனை கொஞ்சி உச்சி முகர்ந்து என் இரு கைகளில் அவன் முகத்தை ஏந்த , செந்தில் '' போதும் ,போதும் அம்மாவும்  மகனும் கொஞ்சியது '' என்று செல்லமாக கோபிக்க ....சேலம்  சென்று என் அம்மா வீட்டில் தங்கி ,எல்லோருடனும்  அவ்வளவு சந்தோஷமாக  இருந்து விட்டு கரூர் சென்றோம்.
அந்த 3 நாட்களும் எவ்வளவு சந்தோஷமான  நாட்கள்.
சினிமாவில் வருமே .ஒரு பெரிய குடும்பம் .சந்தோஷமான,  பாசமான  குடும்பம் பாட்டு  பாடி ஆடி முடிக்கும் போது  வில்லன்கள் வந்து அவர்களை நாசப் படுத்துவார்களே.
அதே போல்தான்  என் வாழ்விலும்  நடந்து விட்டது.
கடைசி, கடைசி என்று கார்த்தி தன் உறவினர்கள்,  நண்பர்கள் என அனைவருடனும் சந்தோஷமாக இருந்தான்.கரூரிலிருந்து  திரும்பும் போதும் சேலம் சென்று தன்  பாட்டி  தாத்தா  மாமன்கள்  என எல்லோரையும் பார்த்து விட்டு சந்தோஷமாக பேசிக் கொண்டிருந்து விட்டு bangalore  சென்றோம்.
என் வாழ்வின் கடைசி சந்தோஷமான நாட்கள்.

இன்றும் முழு நிலவை பார்க்க தைரியம் இல்லாமல் பைத்தியமாக இருக்கிறேன்.
கார்த்திக் +அம்மா
KALAKARTHIK

வருண பகவானே

மனமே யோசிக்க கூட முடியாமல் நின்று விடுகிறது, கேரள மக்கள் படும் துன்பங்கள் சொல்ல முடியாது..உலகம் முழுதும் தண்ணீர்  தண்ணீர்.
இயற்கையே நீதான் தலைவர்.ஒத்துக் கொள்கிறோம்.
போதும் நிறுத்திக் கொள்  உன் லீலைகளை .
ஒரு அளவிற்கு மேல் துன்பம் தரக்  கூடாது.
மீண்டும் மக்கள் தம் சொந்த இடத்திற்கு திரும்பி வீடு கட்டி ,மின் வசதி வாங்கி கேஸ் ,அரிசி ,பருப்பு என எல்லாவற்றையும் பழைய நிலைக்கு வர ....நினைத்தாலே ஆயாசமாக இருக்கிறது.
பலரால் பண உதவி மட்டுமே செய்ய முடியும்.
ஆனால் இன்னும் பல உதவிகள் செய்ய வேண்டும்.
எப்படி?
அங்கே போவது என்பது நினைத்து கூட பார்க்க முடியாத ஒன்று.உதவ முடியாத நிலை நினைத்து என் மேலேயே  எனக்கு கோபம் வருகிறது .
கையறு நிலை.
வேதனையுடன்
 கார்த்திக் அம்மா

கார்த்திக் RESUME

karthik's resume கார்த்திக் RESUME
As everyone knows, it's customary to wear coat,tie etc for any interview.I had been to his hostel,where I used to see his friends all in a formal attire and full tense over the interview.But,definitely,karthik would sure to follow his own laws and rules.SO, karthik had challenged his friends that he would go in jeans and 'T' shirt and would win the interview.
He had always been successful throughout his life and need it be said that he won the challenge.
Elated he came and told me all about it.
Not only that, he went and asked the Lady who interviewed him, the reason for selecting him, even after violating the so called rules of wearing formal attire. Damn sure, she would have never expected such a different guy.
I wanted to know her answer.But karthik diverted me to another topic, without giving a proper reply.
It's a year later, i myself found the answer, while i was studying his resume.
Will any employer like to lose this student with a full packed resume.
here follows his resume.
[..I (karthik amma ) tried my level best to upload the format submitted by karthik..and as i could not , i type. ]
Name: s. karthikeyan
Mother's name:kalavathy M.A,M.ED,M.Phil,M.B.A
Date.of birth: 14.11.1981
Degree:B.E.Comp.sci and Engineering
Electives:*Neural computing
*Visual Programming
*Advanced Java Programming
*C#and Net programming
*Univ.internals
*Digital speech and Image processing
*Robotics
*Mobile Computing

PROJECT Details and Papers Presented:

*Recognition of Handwritten Tamil Text

****Digital Voting Machine*****

*Library Automation [ oracle ]
*Unicode Keyword [ Assembly ]
*Network Carrom [ java ]
*Map Viewer [ c # ]
*C compiler
*Froctal maitain [am i typing the correct spelling ? ] Generator
SOFTWARE PRESENTATION:
1.Carrom Board game [ VB ]
2.Multilingual Editor [VB ]
3.Travel Planner [ VB ]
4 Kala Game [ C ]
5.Quiz Site [Java ]

SPECIAL INTERESTS/RESPONSIBILITIES UNDERTAKEN

1.Secretary of computer society of Anna UNIVERSITY 2001-2002
2.Vice President of computer society of Anna Univ 2000-2001
3Conducted the following quizzes:
*Techo Fest 2002 Inter College Meet
*Agni 2001 Intra University
*aBacus 2000 National Level Tech Symposium
*undefined 2001 Intra univ
*Karoke
*EUREKA 2000 for First Years
*SPARKS 1998 for Chennai schools
*Dance Contest

ADDITIONAL INFORMATION

*Designed the Website: CS. ANNAUNIV.EDU
*Authored part of C- Course material for Computer Society
*Articles written in CURSOR magazine:
1.HTML Tutorial
2.Weird Wild Web-Website review
3.Quiz Corner
and what follows are the competitions he participated and the prizes:
Tech.Quiz:

College	Level	Year	Prize Won
Madha Eng.col Hindustan.Eng National Institute VRS Coll KSR CIT Stella Maris Annamalai Uni REC Trichy .Sri.Venkateswara .PSG.Tech	National level " National level National level National level National level National level National level National level National level	2002 2002 2002 2002 2000 2001 2001 2001 2001	First Second First Second First First Second ..... Finalist Second second

PROGRAMMING CONTEST:

College	Level	Year	Prize Won
St.Joseph.En --------------- VRS Engg National.Inst " REC Rajalaxmi.Engg REC Nagpur Sri Venkateswara	National Level -------------- National level National level national level National level National level	2000 2001 2002 2002 2001 2001 2000 2000	Finalist Second First Second Second Second Finalist

SOFTWARE PRESENTATION:

College	Level	Year	Prize Won
REC Nagpur Annamalai Uni CIT Coimbatore Hindustan Engg REC Trichy KSR Engg	National Level National level National level National level National level	2000 2000 2001 2001 2001	Finalist Finalist Second Second Finalist

PAPER PRESENTATION:

College	Level	Year	Prize Won
VPS Engg National Ins	National level National level	2001 2002	Second ....

TECH CROSSWORD:

College	Level	Year	Prize Won
Bharath Inst of Tech		2001	First

Dumb Cha.......:[i am unable to read what it is ]

College	Level	Year	Prize Won
KSR.Engg SRM Easwari Eng Agni@Anna uni	National level national level Intra uni	2001 2001 2000	First Second First

தலை சுற்றுகிறதா ? இதெல்லாம் கல்லூரியில் மட்டுமே வாங்கியவை. பள்ளியில் , 'டெல்' கம்பெனியில் வாங்கியதெல்லாம் எழுத ஆரம்பித்தால் ????????????????..இப்போது புரிகிறதா ? நான் எப்படி பட்ட மகனை இழந்திருக்கிறேன் என்று ?
sooooo proud to have had such a son
and sooooooooooosad to lose him too.
karthik amma.. Yes, i feel proud to call myself as Karthik amma and not as kala....or as kalavathy
அன்புடன்
கலாகார்த்திக் 

சமாதியில் பால்

சமாதியில் பால் :
அந்த காலத்தில் அடக்கம் செய்யப் பட்ட முறையே வேறு.அப்போது சந்தன பேழையோ ,கண்ணாடி  பெட்டியோ கிடையாது.
மண்ணில் அடக்கம் செய்தார்கள்.
உடல் பதப்பட உப்பு ,மலர்கள் போன்ற பொருட்கள் பயன் படுத்தப் பட்டன.
பால் ஊற்றுதலுக்கும் ஏதோ ஒரு காரணம் இருக்க வேண்டும். என்ன என்று தெரியவில்லை.
ஆனால் இன்றைய முறைக்கு இது தேவை இல்லாத ஒன்று.
அப்படியே ஆனாலும் குடும்பத்தினர் மட்டுமே செய்ய வேண்டும்.

ஆச்சரியம் ஆச்சரியம்

கலைஞரின் கண் :
...கிட்டத்  தட்ட  60 ஆண்டுகளுக்கு முன் நடந்த விபத்தில் கண் பார்வை பிரச்சினை ஏற்பட்டது அவருக்கு.
...இப்போது அவர் ராஜாஜி அரங்கில் படுக்க வைக்கப் பட்டிருக்கிறார்....ஏதோ ஒரு வெளிச்சம் அவர் கண்ணில் பட்டு அந்த கண் பளீரிடுகிறது....
இந்த பார்வை+கண் பிரச்சினையின் காரணமோ என்னவோ அவர் கண்ணொளி வழங்கும் திட்டம் செயல் படுத்தினார்.
அதனால் இறந்த பிறகும் அவர் கண் ஒளிர்கிறதோ !!!!!!!!!!!!!!!
ஆச்சரியம்.

நம்பிக்கை போய்விட்டது

நம்பிக்கை போய்விட்டது
போயே விட்டது.
கோவில்???????????????
அண்ணா பல்கலை ???????????
எந்த கோவிலுக்கு போனாலும் அங்கு உண்மையான சிலை இல்லை என்ற வேதனை .கோவில் மேல் நம்பிக்கை போயே  போய் விட்டது.
ஒரு கோவிலில் மரகத சிலை இருந்தது.
அடுத்த முறை போகும்போது இல்லை.
வெறுத்து விட்டது.
அதுதான் அப்படி என்றால்....
அண்ணா பல்கலை....எத்தனையோ காலமாக நடக்கிறது .நன்கு படித்த மாணவன் குறைவான மதிப்பெண் வாங்குவதும் ,சுமாரான மாணவன் மிக சிறந்த மதிப்பெண் வாங்குவதும் நடப்பது (ஆதாரம் தர முடியாது என்பதால் )உண்மை இல்லை என்றாகி விடாது.
நேரடியாக பாதிக்கப் பட்டவர்களை நான் அறிவேன்.
ஆனால் அவர்களும் சாட்சி சொல்ல மாட்டார்கள்.
.....
அடுத்த இரு முக்கிய .....மேல் நம்பிக்கை போய் விட்டது.ஆனால் அவர்கள் யார் என்று சொல்ல முடியாது.பயம்.பயம்.
ஏதோ ..இப்படியும் வாழ வேண்டும் என்ற விதி இருக்கும் போது என்ன செய்ய முடியும்.
கார்த்திக் அம்மா

அம்மா மகன்

01 August 2005
நாட்கள் ஓடுகின்றன. ஆனால் மனம் கார்த்தியுடனேயே வாழ்ந்து கொண்டிருக்கிறது.
 01 August 2005  அன்று பள்ளியில் பணியில் சேர வேண்டிய நாள் என்பதால் நானும் கார்த்தியும் பெங்களூரிலிருந்து புறப்பட்டு சென்னை வந்திறங்கினோம்.அவன் நண்பர் வீட்டிற்கு சென்று பைக் எடுத்துக் கொண்டு என்னை பள்ளியில் விட்டு விட்டு மகாலிபுரம் சென்றான்.

இது போல் சரித்திர ,வரலாறு சம்பந்தப்பட்ட இடங்கள் என்றால் கார்த்திக்கிற்கு மிகவும் மிகவும் ஆசை. வெறி என்று கூட சொல்லலாம்.

இரவு ரயிலில் புறப்பட்டு மீண்டும் பெங்களூர் சென்றோம்.
இன்னும் 25 நாட்கள்தான் அவனுடன் இருப்பேன் என்று தெரியாமல் சந்தோஷமாக ....போனேன்.
26ம் தேதி எல்லாம் முடிந்து போனது.

எவ்வளவோ ஆசைகளும் திட்டங்களும் மனதில் வைத்திருந்த அந்த மகன் இல்லாமல் நான் தவிக்கும் தவிப்பு..... கொடுமை. கொடுமை.
இன்று 01.08.2018.
எத்தனை வருடங்கள் ஓடினாலும் மனம் இன்னும் 2005 லியே இருக்கிறது .
மனம் ஓ என கத்திக் கொண்டே இருக்கிறது.
கதறிக் கொண்டே இருக்கிறது.
மகன் மீண்டும் வந்து விட மாட்டானா ?ஒவ்வொரு முறை காலிங் பெல் அடிக்கும் போதும் அது கார்த்தியாக இருக்கும் என்று மனம் பரிதவிக்கிறது.
என்ன சொல்ல?
தாள முடியா வேதனையுடன்,
கார்த்திக் அம்மா

மேட்டூர் அணை 16 கண் மதகு

மேட்டூர்  அணை  16 கண் மதகு

பொங்கி வரும் காவேரி .16 கண் மதகு திறக்கப் பட்டால் இப்படித்தான்  சீறி வரும் தண்ணீர் .

அது ஒரு இனிய காலம்.
கார்த்திக் அம்மா

மேட்டூர் அணை

மேட்டூர் அணை +
தேங்காய் பால் :
பழசை மறந்து விடுங்கள் என்று எனக்கு அறிவுரை சொல்கிறார்கள்..
நானும் முயற்சி செய்கிறேன்.
ஆனால்
எல்லா சேனல்களிலும் மேட்டூர் அணைதான் .
என் கணவர் மேட்டூர் அணையின் AEE யாக இருந்தார்.
நேற்று கோலாகலமாக நடந்த விழாவை பார்த்த பொழுது மனம் மிகவும் சோகப்பட்டது.
அவர் இருந்திருந்தால் துள்ளிக் குதித்துக் கொண்டு இருந்திருப்பார்.நேற்று பார்த்த அணையின் மேல் சாலையில் சில அதிகாரிகளின் கார்கள் மட்டுமே செல்லும்.அதில் இவருடையதும் ஒன்று.கவர்னர் வண்டி வந்தால் கூட பரிசோதனைக்கு பின்னரே அனுமதிக்கப் படும். ஆனால் இந்த காரின் ஹாரன் சத்தம் கேட்கும் முன்னே கேட் திறக்கப் படும்.
என் கணவர் சிவில் பொறியாளர் என்பதால் அணையின் பராமரிப்பு இவருக்கு.
85 கிலோ எடை அவருடையது.6 அடி உயரம்.
ஒரு முறை அணையில் விரிசல் வர ஆரம்பித்தது.
" " நீங்கள் அணையின் மேல் தொம் தொம்  என்று நடக்காதீர்கள் .அதனால்தான் அணை விரிசல் விடுகிறது "  "
என்று அவரை கலாய்த்த இன்பமான காலங்கள் அவை.
.......   .......
தேங்காய் பால் :
ஆடி மாதம் சேலம் மாவட்டம் களை கட்டி விடும்.எங்கு பார்த்தாலும் மாரியம்மன் பண்டிகைதான்.
தேங்காய் சுடும் நோம்பி ( நோன்பு என்பதுதான் நோம்பி என்றாகி விட்டது.)
என் இனிய சேலத்து மக்களே.!!!!!!!!!!!!!!!!
அந்த slang ...சொல்ல முடியாது.ச் ச் சும்மா கலக்கியடிக்கும்
என்னுடையது சுத்த தமிழ். அந்த கிராமத்து மக்களுக்கு என் தமிழ் புரியாது.
எனக்கு அவர்கள் பேசுவது புரியாது.(நானும் கிராமம்தான் .ஆனால் சுத்த தமிழ் பேசுவேன் )
ஒரு நாள் 8 வழி சாலை குறித்து தந்தி டி .வி யில் ஒரு சேலத்துக்காரர் பேசினார்.
பாவம் அசோகா .
தன் அழகிய கண்களை விரித்து விரித்து அவர் என்ன சொல்ல வருகிறார் என்பதை புரிந்து கொள்ள படாத பாடு பட்டார் .
என் இனிய சேலத்து மக்களே.!!!!!!!!!!!!!!!!
தேங்காய் பால் விஷயத்திற்கு வருவோம்.ஹரிகேச நல்லூர் சொல்லிக் கொண்டிருந்தார்.இந்த ஆடி மாதம் புது புனல் நோய்களையும் கொண்டு வரும் அதற்கு நோய் எதிர்ப்பு கொடுக்க வல்லது தேங்காய் பால் என்று.
தேங்காயை உரசி மொழு மொழு என்று செய்து ஒரு கண்ணை துளையிட்டு பாதி தண்ணீரை எடுத்து விட்டு எள் +வெல்லம்+அரிசி+ ஏலக்காய் எல்லாம் அந்த கண் வழியாக தேங்காய்க்குள் போட்டு புரசை குச்சியால் கண்ணை மூடி நெருப்பில் சுட்டு ,பின் அதை உடைத்து சாப்பிட்டால் ...பெரிய இனிப்பு பலகாரம் அது.
ஆனால் பெரிய அறிவியல் சார்ந்த விஷயம்.உடலுக்கு வலிமையையும்,நோய் எதிர்ப்பு சக்தியும் தரும்.அதே போல் அம்மனுக்கு மஞ்சள் +வேப்பிலை கொணட தண்ணீர் ஊற்றுகிறோம் என்று சொல்லி ஊர் முழுக்க அந்த தண்ணீரை எல்லோர் மேலும் ஊற்றுவாரக்ள்.ஒரு ஹோலி பண்டிகைதான்.ஆனால் அவ்வளவும்  நோயிலிருந்து காக்க.
அந்த பழைய நினைவுகள்தான் என் ஊட்ட சத்து உணவு
கார்த்திக் அம்மா

ராகு +கேது

ராகு +கேது +ஜாதகம்.
ஜாதகத்தில் எனக்கு நம்பிக்கையே இல்லை என்பவர் சிலர்.
ஆனால் ஜாதக பைத்தியமாக இருப்பவர் பலர்.
ஜோதிடம் மிகப் பெரிய அறிவியல்.
மிக மிக பெரிய அறிவியல்.
ITS A WONDERFUL SCIENCE .
கோள்களின் சதிராட்டம்.
சிறிது பொறுமை வேண்டும்.இதை படிக்கவும்..புரிந்து கொள்ளவும்.
360 degree என்பது எல்லோருக்கும் தெரியும்.
அந்த 360 degree யைத்தான் 30 முப்பது டிகிரியாக பிரித்து 12 மாதங்கள் என்கிறார்கள்.
அந்த 12 தான் ஜாதக கட்டங்கள்.
முதல் கட்டம் மேஷம் .அங்குதான் சூரியன் உச்சம் பெறுகிறார்.
அதுதான் சித்திரை .ஆக வருட பிறப்பு சித்திரை ஒன்றுதான்.
உச்சம் என்றால் முழு பலத்துடன் இருப்பது.
வெய்யில் காலம்.summer .
சூரியன் 7 குதிரை பூட்டிய தேரில் வருகிறார் என்பார்கள்.
அந்த 7 தான் 7 வர்ணங்கள்.
7 colours .
vibgyor
அத்துடன்
அல்ட்ரா வயலட் (ultra violet )புற  ஊதா 
infra red அக சிவப்பு
so nine planets = nine colours .
ஒவ்வொரு கோளுக்கும் ஒரு வண்ணம் .ஒரு தானியம்.ஒரு ரத்தினம்.
நவ தானியம்.
நவ ரத்தினம்.
இந்த 9 வண்ணங்களை தாண்டி NASA வும் எதையும் கண்டு பிடிக்கவில்லை.
நம் சித்தர்கள் எந்த டெலஸ்கோப் வைத்து பார்த்தார்கள்?
எப்படி ஆராய்ச்சி செய்தார்கள் ?
பெரிய மலைப்பான விஷயம்.ஆனால் ஏதோ செய்திருக்கிறார்கள்.
அப்போது கணிக்கிறார்கள் .இன்று சூரிய கிரகணம்.
இன்று பிறை வட கோடு உயர சுபிட்ச மழை வருஷிக்கும் என்று நாட்காட்டியில் போட்டிருக்கும்.
கவனித்து பார்த்தால் ஒரு இரு துளி மழையாவது அன்று பெய்யும்.
ஆனால் அன்று சந்திர பிறையின் வடக்கு நீண்டு வர வேண்டும்.
அப்போது கணித்தது இப்போதும் நடக்கிறது.
நம்பாதவர்களுக்கு ஒரு உதாரணம்.
இப்போது ஜாதக கட்டத்தில் கோள் சார படி (கோச்சார ம்  என்று சொல்கிறோமே ) அந்த கோள் எந்த கட்டத்தை சார்ந்து இருக்கிறதோ அதுவே கோள் சாரம் .
இப்போது செவ்வாய் எனும் கோள் சனி (சனிஸ்வரர் அல்ல சனாச்சாரியார் )கிரகத்தின் வீடான மகரத்தில் உச்சம் (மிக அதிக வலிமையுடன் )உள்ளது.நீங்களே பாருங்கள். உலகம் முழுவதும் மழை கொட்டோ கொட்டென்று கொட்டி எங்கு பார்த்தாலும் தண்ணீர் .இதுதான் கோள்களின் சதிராட்டம்.
இது போல் வக்கிரம் எனும் சொல்.
ஒரு 3 பஸ்கள் ஒரு சாலையில் போய் கொண்டிருக்கின்றன.ஒரு பஸ் அடுத்த பஸ்ஸை ஓவர்டேக் செய்யும் போது இந்த பஸ் பின்னால் செல்கிறது.அதுவே வக்கிரம் .அதே பஸ் வேகம் எடுத்து ஒரு பஸ்ஸை முந்தி சென்றால் அதிசாரம்.
இதை எல்லாம் எப்படி கண்டு பிடித்தார்கள் நம் சித்தர்கள்?
ஆனால் அவர்கள் நமக்கு காட்டிய வழியை சரியாக பயன்படுத்தாமல் வீணடிக்கிறோம்.
அது போல்தான் செவ்வாய் தோஷம்.
பதிவு நீள்வதால் அது பற்றி இன்னொரு பதிவில் பார்க்கலாம்.
அன்புடன்
கார்த்திக் அம்மா

120 கோடி பணம்+100 கிலோ தங்கம்

அம்மாடியோவ்
போதுமா
என்னதான் செய்வார்கள்?
இவ்வளவு பணத்தை கண்ணால் பார்த்தால் மயக்கம் வந்து விடும்.
இவர்கள் ஒரு நிமிடம் யோசித்து பார்க்க வேண்டும்.
எம் .ஜி ஆர்
ஜெ அம்மையாருக்கு இல்லாத பணமா ????
எவ்வளவு பணம் இருந்து என்ன காப்பாற்றியது?
இன்னும் எத்தனை பேரை சொல்லலாம்.
ஆனாலும் ஏன் இந்த பேராசை?
ஒரு கிலோ தங்கம் என்றால் 124 பவுன் (சவரன் )
அப்படி என்றால்
100*124 =12400 பவுன் நகை.
ஒரு நாள் போட்ட நகையை  அடுத்த நாள் போட மாட்டார்களோ?
நியாயமாக சம்பாதித்தாலே கூட இவ்வளவு நகை தேவையில்லை.
அப்படியிருக்க இப்படி அநியாய வழியில் சம்பாதித்து  இப்படி அனுபவிக்க வேண்டுமா?
இதற்கு என்ன நடவடிக்கை எடுக்கப் போகிறது அரசு.?
எனக்கு தினமும் ஒரு எஸ் .எம்.எஸ் + ஒரு மெய்ல் வருகிறது.
நான் கட்டிய துக்கிளியூண்டு வரிக்கு இவ்வளவு மிரட்டல்.
ஜூலை 31க்குள் படிவம் தாக்கல் செய்யவில்லை என்றால் என்ன செய்கிறோம் பார் என்ற தொனியில் இருக்கிறது
இவர்களை என்ன செய்வார்கள்?
இது வரை ரெய்டு போனார்கள்.
அவர்களை என்ன செய்து விட்டார்கள்?
ஊருக்கு இளைத்தவன் பிள்ளையார் கோவில் ஆண்டி.
நானும்தான்.
கார்த்திக் அம்மா

என் தந்தை .கடைக்குட்டி சிங்கம்

என் தாத்தா 1880 ல் பிறந்திருக்க வேண்டும்.
ஒரு யூகம்தான்
அவரின் முதல் மனைவிக்கு இரு மகன்கள் பிறந்து இறந்து விடுகின்றனர்.என்ன காரணம் என்று தெரியவில்லை.தன்  கணவருக்கு இரண்டாம் திருமணம் செய்து வைத்தார்.
அவருக்கும் இரு பெண்பிள்ளைகள்.
அடுத்து தன் கணவருக்கு 3ம் திருமணம் !!!!!!!!!!!!!!செய்து வைத்தார் .
பாவம் ..
அந்த பாட்டிக்கும் இரு பெண் பிள்ளைகள்.
விட்டாரா என் பெரிய பாட்டி ? { பெரிய பிராட்டி என்பது  பெரிய பாட்டி என திரிந்து விட்டது என்பது என் யூகம் }
4ம் ...நான்காம் ...திருமணம் செய்து வைத்தார்.
அந்த பாட்டிக்கும் முதல் பிள்ளை பெண் பிள்ளை.
அடுத்து பிறந்த சிங்கம்தான் என் அப்பா .
கடைக்குட்டி சிங்கம் படம் பற்றி படித்தவுடன் [ படிப்பதுதான் .பார்ப்பது இல்லை] இந்த பழைய நினைவு வந்தது.என் அப்பாவிற்கும் 5 சகோதரிகள்.
5 அத்தைகளும் வாரிசுகளும் சம்பந்திகளும் என வீடு நிறைந்து இருக்கும்.அதை நினைத்தால் ...அந்த இனிமையான காலங்களை நினைத்தால் ஒரு ஏக்க பெருமூச்சுதான் வருகிறது.
கார்த்திக் அம்மா

எமன் துரத்தினால்

எமன் துரத்தினால் தப்புவர் யாரோ ?????????
அது விதியோ
அல்லது யமனோ
காலமும் நேரமும் கெட்டால்
யமன் துரத்தினால் 
நாம் எவ்வளவு தூரம் ஓடினாலும்
மரணத்திலிருந்து தப்ப முடியாது.
கோவை மாணவி  லோகேஸ்வரி மாலையில் வீடு திரும்பி விடுவோம் என்று நினைத்துதானே காலையில் கல்லூரிக்கு புறப்பட்டிருப்பாள் .
விதி இரண்டாம் மாடிக்கு அழைத்து செல்கிறது.
எந்த பணம்
ஈடு செய்யும் இந்த இழப்பை.
நான் கதறிக் கொண்டிருக்கிறேனே  13 வருடங்களாய் .
நிற்காத கண்ணீருடன்.
இன்று போல் ஒரு வெள்ளி கிழமைதான் கார்த்தி காலை 8.50க்கு வீட்டை விட்டு கிளம்பினான்.
மதியம் என்ன சாப்பாடு செய்கிறீர்கள் என்று கேட்டு சென்றான்.
அவனுக்கு பிடித்த உணவு என்ன
எதை சமைக்கலாம் என்ற யோசனை முடிவாகும் முன்னே அவன் முடிந்து விட்டான்.
இழந்தவருக்கு மட்டுமே இழப்பின் வலி புரியும்.
உலகமே கூடி நின்று ஆறுதல் சொன்னாலும் தாயின் அழுகை அவள் கடைசி மூச்சு வரை.
கார்த்திக் அம்மா

என் அன்பு மகன் கார்த்திக் .

காவிரி பெருக்கு

காவிரி பெருக்கு :
ஒருவருக்கு நல்லது என்றால்    அது யாரோ ஒருவருக்காவது  கெட்டதாகத்தான் இருக்கும்.
மழையால் கர்நாடகா மக்கள் துன்பம் அடைந்தால் (பாவம்தான்)
காவிரி நீரையே நம்பியிருக்கும் எங்களுக்கு மகிழ்ச்சியே .
ஒரு நெல் அறுவடை செய்து விடலாம்.
பாவமே பாவம் யார் என்றால்
5000 வோட்டு கூட வாங்காமலேயே
டெபாசிட் கூட வாங்காமலேயே
காவிரியை வைத்தே அரசியல் செய்த வட்ட ஆள் நாகுதான் .
ஆந்திராகாரர் என்றாலும் கர்நாடகாவை தத்து எடுத்து கொண்டு அதிரடி செய்து கொண்டிருந்தார் பாவம்.
இப்போதும் காவிரி தண்ணீரை தமிழகத்துக்கு தர மாட்டோம் என்று போராட்டம் செய்யுங்கண்ணா
அவர் மட்டும்தானா
தமிழ் நாட்டிலும் காவிரியை வைத்து அரசியல் செய்தவர்களும் இப்போது என்ன செய்வது என்று யோசித்துக் கொண்டிருக்கிறார்கள்.
தமிழக அரசு இந்த தண்ணீரை (நண்ணீரை  )சிறந்த முறையில் சேமிக்க போர்க்கால (!!!!!!!!!!!!!!!????????????)நடவடிக்கை எடுத்தால் நன்று. .
இப்போது ஒகேனக்கல் சென்று பார்க்க வேண்டும்.
நயாகரா மாதிரியே இருக்கும்.
ஒரு 7 கிலோ மீட்டருக்கு முன்னாலேயே அருவி ஆர்ப்பரிக்கும் சத்தம் மெய் சிலிர்க்க வைக்கும்.
கார்த்திக் அம்மா

பழனி முருகன்

பழனி முருகனுக்கும் 7.5 ஏழரை சனி போல் இருக்கிறது.
இன்றைக்கு நீதி மன்றம் போகிறார்.
பாவம்.
புழல் சிறையா
அல்லது
வேலூர் சிறையா   என்று தெரியவில்லை.
தன்னையே காப்பாற்றிக் கொள்ள முடியாத இவரா என்னை காப்பாற்ற போகிறார்?
முருகா முருகா .
..............
சிறு நீர் :
என்னடா நாட்டுக்கு வந்த கொடுமை...
ஒரு மொழி பெயர்ப்பாளர்தான் மைக்ரோ என்பதற்கு சிறுநீர் பாசனம் என்று சொல்கிறார்  
(ஒரு வகையில் உண்மைதான்.காவிரியில் தண்ணீர் வராது...அதனால் விவசாயிகளே இப்படி செய்யுங்கள் என்று மறைமுகமாக சொல்கிறார் போலும்.)
அவர்தான் அப்படி என்றால்
ஒரு செய்தி வாசிப்பாளர்
சிறிய ரக நீர்மூழ்கி கப்பல் என்று சொல்வதற்கு பதிலாக
சிறுநீர் மூழ்கி கப்பல் 
என்று செய்தி வாசிக்கிறார்.
ஏற்கனவே ஒருவர் தமிழ்நாடு மாவட்டம் என்கிறார்
இவர்களை பார்த்து நானும் உளறப் போகிறேன்
MIND VOICE :
இப்போது என்ன செய்து கொண்டிருப்பதாக நினைப்பு????????????
அம்மணி உங்க உளறல் பற்றி சொல்லோணுமா !!!!!!!!!!!!!!!
இப்படிக்கு தங்கள் உண்மையுள்ள
உளறல் மன்னி (அரசி)
கலாகார்த்திக்

குகைக்குள் சிறுவர்கள்

தேவையா
இது தேவையா
தான் அடங்க   தன குலம் அடங்க
என்று சொல்வார்கள்.
அட்வெஞ்சர் என்று சொல்லிக் கொண்டு முட்டாள் தனமான காரியம் செய்யக் கூடாது.
...
என்னதான் கோபம் வந்தாலும் சிறுவர்கள் பத்திரமாக வெளியேற வேண்டுமே என்ற ஆதங்கம் மிக மிக அதிகமாக இருக்கிறது.
இத்தனை நாட்கள் பசி,இயற்கை உபாதைகள் என்ற பிறவும் கவலை அளிக்கிறது.
ஆக்சிஜன் அளவும் குறைவதை கண்டால் பயமாக இருக்கிறது.
பெற்றோர்கள்,கவலை ஒரு புறம்.
இவர்களை மீட்க போராடுவோர் படும் பாடு ஒரு புறம்,
யாருக்கும் இது ஒரு எச்சரிக்கை.
அளவோடு விளையாடுங்கள்.
சிறுவர்கள் பத்திரமாக வர வேண்டுமே என்ற கவலையுடன்
கார்த்திக் அம்மா

ஆசிரியர்

ஒரு ஆசிரியரை பனணி  மாற்றம் செய்ததும் அந்த மாணவர்கள் அழுத செய்தி படித்தவுடன்
மலரும் நினைவுகள் :
நான் பணி  புரிந்த பள்ளியில் +2 மாணவர்கள் மொத்தம் 400 பேர்.+1 ல் 400 பேர்
மொத்த ஆங்கில ஆசிரியர்கள் 4 பேர்.
ஒரு நாள் +2 மாணவர்கள் 400 பேரும் வகுப்பை விட்டு வெளியில் நின்று
''எங்களுக்கு இந்த ஆசிரியை தான் பாடம் நடத்த வேண்டும் '' என்ற கோரிக்கை.
எனக்கோ பெரிய தர்ம சங்கடம்.
மீதி 3 ஆங்கில ஆசிரியர்களும் என்னை விட சீனியர்கள் .
அவர்களுக்கு கோபம்.
ஆத்திரம்.
நேற்று வந்த இந்த ஜுனியருக்கு இவ்வளவு வரவேற்பா என்ற கொதிப்பு.
நானே மாணவர்களிடம் பேசி நிலைமையை சீராக்கினேன்.
இன்று அந்த நினைவு வந்து விட்டது....
*****

என் நிலம்

என்னவோ ட்ரிபியூனல் னு சொன்னாங்க.
மேலாண்மை வாரியம்னு சொன்னாங்க.
ஒன்னும் புரியலையா.
சரி.
கிடக்குது  வுடு
தண்ணி இல்ல
விவசாயம் இல்ல.
அப்படின்னு நெனச்சுக்கிட்டு இருந்தா
திடீருனு கர்நாடகாவுல மழ கொட்டுகொட்டுனு  கொட்டிடுச்சா
இப்ப
35000 கன அடி தண்ணி வருது.
அணை நெறம்பிடும்.
மீதி தண்ணி கடலுக்கு போவும் .இந்த தண்ணிய சேமிக்க யாரும் எந்த திட்டமும் கொண்டு வர மாட்டாஹ .
எனக்கு காவிரி தண்ணிய நம்பி மேட்டூர்ல கொஞ்சமே கொஞ்சூண்டு நிலம்  இருக்குது.
(  சொல்லக் கூடாது.
எப்ப வேணுன்னாலும் பட்டா சிட்டா எல்லாம் காத்தில பறக்க 2 மணி நேரத்துல டெல்லிக்கு போக பறக்கும் ரோடு போட நெலத்த புடுங்காம இருந்தா )//
அடுத்த வெள்ளாமைக்கு (அதென்ன வோய் வெள்ளாமை ?? ஹி ஹீ ..அது வேளாண்மை ங்கிற வார்த்தைங்க .நாங்க சுத்த பச்சை ,,, வெள்ளை,,,தமிழனுங்கோ .அதனால தமில இப்படித்தானுங்க கொல பண்ணுவமுங்க )
அட விஷயத்துக்கு வாருமையா கார்த்திகேயா
அதானுங்க ( கார்த்திக் அம்மா வாகிய நான் )ரொம்ப யோசிச்சி தண்ணிய சேமிக்காலம்னு வீட்ல தேடுனா அண்டா இல்லிங்க.
குண்டாதான் இருக்குது.
சரி
குண்டான் ,டம்ளர் ,ஸ்பூன் எல்லாத்துலயும் தண்ணி புடிச்சு சேமிச்சு வச்சு அடுத்த வெள்ளாமை பண்ணப் போறனுங்க .
உங்க ஆசிர்வாதம் அவசியமுங்க.
அன்புடன்
கலா கார்த்திக் (எனும் )
கார்த்திக் அம்மா

எழுத்து பிழை

நிதி 
ஐயய்யோ
அநீதி 
அட மறுபடியும்
ஐயோ
ஐயையோ
நீதி
இந்த வார்த்தைக்கு தட்டச்சு செய்தால்
நிதி ....அநீதி .....இப்படி எல்லாம் என் கணினி அடங்கா பிடாரி தனம் செஞ்சா நான் என்னங்க பண்றது
குழப்பத்துடன்
கார்த்திக் அம்மா

பள்ளிகள் மூடல்

தமிழ் நாட்டில் பல பள்ளிகள் மூடப் பட போவதாக சொல்கிறார்கள்.
மிக நல்ல விஷயம்.
ஒரு கணக்கு போட்டு பாருங்கள்.
10 மாணவர்கள் படிக்கும் பள்ளியில்
ஒரு தலைமை ஆசிரியர்
குறைந்தது 2 ஆசிரியர்கள்
ஒரு அலுவலக உதவியாளர்
ஒரு கிளார்க்
ஒரு இரவு காவலர்.
இவர்களுக்கான சம்பளம்.
+
மின் கட்டணம் +குடி நீர் +கழிப்பறைக்கான நீர்.
இதையெல்லாம் கணக்கிட்டால் ஒரு மாணவனுக்கான செலவு எவ்வளவு?
ஆ
பின்தங்கிய மாணவர்கள்
ஏழை மாணவர்கள்
என்ற கூக்குரல் எழும்.
ஒரு குக்கிராமத்தில் கூட மெட்ரிகுலேசன் பள்ளி உள்ளது.
80 %  மாணவர்கள் அங்குதான் படிக்கிறார்கள்.
மீதி 20 % என்று கேட்க வேண்டாம்.
பக்கத்து பள்ளிகளுடன் இணைத்து விடலாம்.
ஆ
மாணவன் அவ்வளவு தூரம் பிரயாணம் செய்ய வேண்டுமா?????
ஒரு தனியார் பள்ளிக்கு சராசரி
குறைந்த பட்சம் 20 பேருந்துகள் உள்ளன.
மாணவர்கள் தினசரி 20 கி.மீ வரை பயணம் செய்கின்றனர்.
அப்படியிருக்க அரசு பள்ளி மாணவர்களுக்கும் தனி பேருந்து இயக்கி ஒரே பள்ளியில் படிக்க வைக்கலாம்.
ஆசிரியர்களும் திறம் பட பாடம் நடத்துவார்கள்.
எப்போது பார்த்தாலும்
ஏழை மாணவன்
கிராமத்து மாணவன்
என்று சொல்லி சொல்லியே அவர்களை கேவலப் படுத்துவதோடு அவர்களுடைய திறமைகளையும் வளர விடாமல் செய்கிறார்கள்.
கார்த்திக் அம்மா

2005 JUNE 3 Bangalore

JUNE 3 2005
இது ஒரு மீள்பதிவு .காலம் ஓடுகிறது. மனம் மட்டும் 2005 லியே இருக்கிறது.அப்போது எழுதியது..
// //1st June 2005
I had sent all my household articles to my dearest dearest Karthik's house in Bangalore and was waiting to leave on THIRD , JUNE .How restless did i feel. Excited.Happy at the thoughts that I was going to my son's house.I did not get a transfer. BUT the LEAST WORRIED about my job.The only thought that was haunting me was that, I am going to be with my dearest dearest son.
June third I left Chennai to Bangalore very very happily without knowing the fact that a GREAT GREAT Tsunami was waiting to blow me up to 100 lac pieces.
all my dreams and happiness shattered to 1000 lac pieces.
Now I am leading a lifeless life.
When will my Karthik take me ?
amma (kalakarthik)// //

இது இன்று 03/06/2018
தம்பி செந்திலின் படிப்பு முடியும் வரைதான் நீங்கள் சென்னையில் இருக்க வேண்டும்.
அப்புறம் என்னுடன் இருக்க பெங்களூரு வந்து விட வேண்டும் என்று கார்த்தி அன்பு கட்டளை இட்டதால் பணி  மாறுதலுக்கு விண்ணப்பித்து விட்டு (கொடுத்தால் கொடுங்கள் இல்லையேல் long leave ) என்று சொல்லி விட்டு வேளச்சேரியில்  இருந்து வீட்டு சாமான்களை எடுத்துக் கொண்டு பெங்களூரு கிளம்பி விட்டேன்.
இனி வாழ்நாள் முழுக்க பெங்களூருதான் என்பது திட்டம்.
எனக்கு பெங்களூரு பிடித்த நகரம் அல்ல 
சென்னை பிடிக்காத ஊரும் அல்ல .
மகன் இருக்கும் இடம் என் சொர்க்கபுரி. 
அவனுடன் சேர்ந்து வாழ்வது தலையாய இன்பம்.
அவ்வளவுதான்.
நான்+கார்த்தி+செந்தில் ...போதும்.
வேறு என்ன வேண்டும் ஒரு தாய்க்கு .
விதி இவ்வளவு கோரமாக விளையாடும் என்று தெரியவில்லை.
 போன வேகத்தில் திரும்ப வந்து விட்டேன்.ஆசையுடன் அழைத்துச் சென்ற மகனை விபத்து என்ற ஒற்றை வார்த்தையில் பறி  கொடுத்து விட்டு மீண்டும் சென்னைக்கே வந்து நடைப் பிணமாக இருந்து கொண்டிருக்கிறேன்.
இப்படி ஒரு வேதனை தேவையா? மனம் கதறிக் கொண்டே இருக்கிறது.
அம்மா

வருணுக்கு பதில்

அன்பு வருண்
first let me make it clear that i do not belong to any party.
i am not a die hard fan of anybody   nor do i hate anybody.
and I AM AM NOT AN UPPER CLASS ******
வருண் உங்கள் பதிவுகளை தொடர்ந்து படித்து வருகிறேன்.என்னுடைய முந்தைய பதிவிற்கு நீங்கள் கொடுத்த பின்னூட்டத்திற்கு 3 வார்த்தைகளில் ஒரு பின்னூட்டமாக முடித்து விடலாம் என்றுதான் நினைத்தேன்.
ஆனால் யோசனை நீண்டு செல்ல
இது ஒரு தனி பதிவாக ஆகி விட்டது. யாரையும் புண்படுத்துவது என் நோக்கம் அல்ல
அல்லவே அல்ல.
வருண்
நீங்கள் குறிப்பிட்ட அந்த வீடியோவை முன்னாலேயே பார்த்து விட்டேன்.
எனக்கு ஆச்சரியமாக இருக்கிறது.
கலெக்டர் அலுவலகத்தில் cctv வேலை செய்யவில்லை என்கிறார்கள்.
நானே டி வியில் தெளிவாக பார்த்தேன்.cctv வியின் wire அந்த கம்பத்தில் சுற்ற பட்டு நம் வீட்டில் இருக்கும் அலங்கார விளக்குகள் தொங்குமே அப்படி தொங்கிக் கொண்டிருந்தன.
அப்படி செய்ய ஒரு ஏணி அல்லது ஒரு ஸ்டூல் தேவைப் படும்.
ஒரு 20 நிமிடமாவது வேண்டும்.
அப்படி செய்யும் வரை போலீசோ அல்லது கலெக்டர் ஆபிஸ் ஊழியர்களோ கவனிக்கவே இல்லையா?
சரி.
இந்த வீடியோ எடுக்க முடியும் போது ஏன் மீதி காட்சிகள் படமாக்க படவில்லை?
சரி.
இந்த காட்சிகளில் கல்லெறியும் அந்த தீவிரவாதிகள் ( ?? ) முகம் தெளிவாக தெரிகின்றது.
அவர்களில் ஒருவர் கூட ஏன் இது வரை கைது செய்யப் படவில்லை.
அவர்கள் கல்லெரியும் விதமே சொல்லவில்லையா அவர்கள் கூலி படை என்று.
அவர்களை யார் அனுப்பியிருந்தாலும் போலீஸ் அவர்களை துரத்தினார்களே
ஒருவரை  கூட பிடிக்க முடியவில்லையா?
my doubt is that the entire video is doctored
வருண்
என் முந்தைய பதிப்பான ''பஸ் எரிப்பு '' படியுங்கள்.
அந்த 4 இளைஞர்களையும் தண்டிக்க வேண்டும் என்றுதான் சொல்கிறேன்.அது போல் குற்றம் செய்தவர்கள் யாராக இருந்தாலும் தண்டிக்க பட வேண்டும்.
ஆனால் சுட கூடாது.
தூக்கு தண்டனையே வேண்டாம் என்று போராடும் இந்த காலத்தில் இப்படி அப்பாவி மக்களை சுட வேண்டுமா?
அப்பாவி மக்களும்தான் பலியாவார்கள் என்ற உங்கள் வாதம் சரியென்றாலும்,
பலியானவர்கள் அனைவரும் அப்பாவிகள் மட்டும்தான்.
17 வயது பெண் அதிகமாக கத்தினாள் என்ற ஒரே தவற்றுக்காக வாயில் சுடுவது எந்த தர்மம்.
யார் யார் எல்லாம் முன்னாள் நின்று குரல் எழுப்பினார்களோ அவர்கள் எல்லாம் சுடப் பட்டனர்.
மகள் கேட்டாள் என்று மீன் வாங்கிக் கொண்டு வந்த அம்மா வீட்டு வாசலில் சுடப் படுவது எதனால்?
ஒரு ஆன்மிகப் பெரியவர் என்ற அளவில் பார்க்கப் படும் ஒருவர் சுடுகாடாகி விடும் என்று சாபமிட்டதுதான் எனக்கு அதிர்ச்சியை தந்தது.
என் கணவர் சொல்வார் "உன் வாயால் யாரையும் திட்டாதே , சாபமிடாதே ''
என் பதிவை தொடர்ந்து படித்தால் தெரியும்.
அதில் கோபமான ,கடுமையான ,தவறான வார்த்தைகள் வரவே வராது.
2005 ஆகஸ்ட் 23ம் தேதி கார்த்தி செந்திலுடன் பெங்களூரில் கார்த்தி வீட்டில் இருக்கிறோம்.என்னவோ மன உளைச்சலில் " " எழவெடுக்க " " என்று கத்தினேன்.எனக்கு இந்த வார்த்தையெல்லாம் வரவே வராது.
3 நாட்கள்தான்.
மூன்றே நாட்கள்தான்.
கார்த்திக்கிற்கு விபத்து.அவன் உலகை விட்டு போய் விட்டான்.
சாதாரணத்திலும் சாதாரணமான என் வார்த்தைகளே பலிக்கும் என்றால் ஒரு ஆன்மிக பெரியவர் வார்த்தை ????

ஒரு உயிரை இழப்பது எத்தனை வலி தெரியுமா வருண்???
கார்த்திக் அம்மா என்ற வார்த்தைக்கு பின் எத்தனை வலி மறைந்திருக்கிறது.?
கார்த்தி இருந்திருந்தால் நான் கலாவதியாக மட்டுமே இருந்திருப்பேன்.
கார்த்திக் அம்மாவாக உங்கள் எல்லோருக்கும் அறிமுகம் ஆகி இருக்க மாட்டேன்.கார்த்தியின் வலை தளத்தை நான் தொடர்ந்ததால் (தொடர நேரிட்டதால் ) கார்த்தி இருந்திருந்தால் நான் ஏன் வலை பக்கம் வருகிறேன்?
பேரன் பேத்தி என்று வேறு ஒரு உலகில் சந்தோஷமாக இருந்திருப்பேன்.
எத்தனை சந்தோஷங்களை இழந்துள்ளேன்.அந்த ஆன்மிக பெரியவரின் கோபமான வார்த்தைகளால் ஏதாவது அசம்பாவிதம் நடந்து உயிர் பலிகள் ஏற்பட்டு விடுமோ என்ற திகில்தான் எனக்கு.
யாரும் தன உயிராக நினைப்பவர்களை இழக்கக் கூடாது வருண்.
அது மட்டுமே என் பதிவின் நோக்கம்.யாரையும் குறை சொல்லவில்லை.யாரையும் நியாய படுத்தவும் இல்லை.
அன்புடன்
தாங்க முடியா மன வலியுடன்
கார்த்திக் அம்மா