விளம்பரம்

பல விளம்பரங்கள் மொக்கையாக இருக்கின்றன.
சில கொடுமையாக இருக்கின்றன.
ஒரு சோப்பு விளம்பரத்தில் சில சிறுமிகள் ஒரு பெண் முகத்தில் அதிர்ஷ்டம் இருக்கிறது எனவும் அந்த முகத்தை பார்த்து விட்டு சென்றால் வெற்றிதான் எனவும் சொல்கிறது.
எப்படிப்பட்ட  மூட நம்பிக்கையை சிறுமிகளின் மனதில் விதைக்கின்றன .விதவைகள் எதிரில் வர கூடாது.
அவர்கள் முகத்தில் விழித்து சென்றால் போகும் காரியம் தோல்வி என்று ஏற்கனவே இருக்கும் மூட நம்பிக்கையை இது இன்னும் அதிகரிக்கிறது.சம்பந்தப் பட்ட சோப்பு கம்பெனி இந்த விளம்பரத்தை மாற்றுமா ?
ஹார்லிக்ஸ் :
இந்த விளம்பரத்தை நிச்சயம் பாராட்ட வேண்டும்.
ஒரு சிறுமி டாக்டராக வேண்டும் என்ற லட்சியத்துடனும் ,உறுதியுடனும் படிக்கும் போது அம்மா ஊட்ட உணவாக ஹார்லிக்ஸ் தருவதாக உள்ளது.
அதிலும் ஒரு பெண் பிள்ளையை ஒரு லட்சிய பெண்ணாக காட்டுவது எவ்வளவு நல்ல விஷயம்.
பாராட்டுக்கள்.

சில விளம்பரங்கள் புரியவில்லை.
பீட்ஸாவிற்கு வருகிறதே.இரண்டு பெண்கள் .''I DOUBT HIM '' என்ன அர்த்தம்?
அதே போல்
அண்ணன்   தம்பி சாக்லெட் கேட்டு கடவுளிடம் வேண்டுதல் விளம்பரமும் புரியவில்லை.
என் அறிவு சொல்ல முடியாத அளவு..
யாராவது விளக்கம் சொல்லுங்களேன்.
கார்த்திக் அம்மா

பாவி

பாவியின் வயிற்றில் பிறந்ததால்
பாதியில் போனாயோ?
உத்தமியின் வயிற்றில் உதித்திருந்தால்
உண்டென்று வாழ்ந்திருப்பாயோ?
பாவியெனக்கு உன்னை சுமக்கும்
பாக்கியம் கிடைத்ததால்
என் பாவமெல்லாம் நீங்கியதோ?
என் பாவத்தை நீ சுமந்ததால்
பரிதவித்து பரமனடி சேர்ந்தாயோ?
karthik amma 

பெங்களூரில் நடைபெற்ற விசித்திர சாலை விபத்தில் அதிர்ஷ்டவசமாக எந்த அடியும் படாமல் குழந்தை ஒன்று உயிர் தப்பிய சம்பவம் நிகழ்ந்துள்ளது.

பெங்களூரு நெடுஞ்சாலையில் நேற்று ஒரு பயங்கர விபத்து நடந்துள்ளது. பதைபதைக்கவைக்கும் இந்த வீடியோ தொடங்கும்போது இரு சக்கரவாகனத்தில் இருவர் மட்டும் பயணிப்பது தெரிகிறது. அவர்கள் சாலையின் இடது புறமாக வேகமாகச் செல்ல முயலும்போது எதிர்பாராதவிதமாக முன்னால் நின்றிருந்த மற்றொரு இருசக்கர வாகனத்தின் மீது மோதுகின்றனர். இந்த விபத்தில் இருசக்கர வாகனத்தில்  வந்த தம்பதி தூக்கிவீசப்பட்டு சாலையில் உருண்டபடி செல்கின்றனர்.
kaarththikkirkum ippadiththaan nadanthathu.
கார்த்திக்கிற்கு இப்படித்தான் நடந்தது.
யாரோ செய்த தவறு.
ஆனால் இந்த விபத்தில் தூக்கி வீசப்பட்டும் இவர்கள் தப்பிக்கின்றனர்.
என் கண்ணின் மணியோ ,என் தெய்வ மகன்  என் குழந்தை  தன்  பொன் உயிரை விட்டு விட்டானே.
 விதியே என் மகனுடனும்  என்னுடனும் இவ்வளவு கொடூரமாக விளையாட வேண்டுமா

பௌர்ணமி .என் முழு நிலவு

என் முழு நிலவு
இன்னும் மனம் 2005 லேயே இருக்கிறது.
தேறும் வழி தெரியவில்லை.
மகன் ஏக்கம் உயிரை கொல்கிறது  Still living in 2005.
Today is 21st aug.
I+KARTHIK+SENTHIL WERE IN KARUR.

அன்று  பௌர்ணமி .
2005 Aug  20 ம் தேதி அன்று பௌர்ணமி.அன்று நான், கார்த்தி, செந்தில் மூவரும் Bangalore லிருந்து கரூர் நகருக்கு புறப்பட்டோம். கார்த்தியின்  நண்பருக்கு திருமணம். திங்கள்  அன்று திருமணம்..சனிக்கிழமை கிளம்பினோம்.இரவு 7 மணி.செந்தில் காரை ஓட்டி  வர நான் முன் சீட்டில் ..கார்த்தி பின் சீட்டில் இருந்து சாப்பிட்டுக் கொண்டிருந்தான்.சாப்பிட்டு முடித்து கை கழுவ  கார் கதவை திறக்க நான் ''ஜாக்கிரதை கண்ணம்மா '' என்கிறேன்.'' ''ஆமாமாம்.பார்த்து ,பறந்து விடப் போகிறாய் ''  என்று (கார்த்தி ஒல்லியாய் இருப்பதை கேலி செய்து ) செந்தில் சொல்ல  பேச்சும்  சிரிப்புமாக வந்து கொண்டிருந்தோம்.அப்போது செந்தில் ''அம்மா இங்கு பாருங்கள். '' என்று முழு ,பிரகாசமான நிலவை காட்டினான். நான் ''இது என்ன பெரிய நிலா,  இதை விட அற்புதமான நிலா   பின் சீட்டில் இருக்கிறது.  என் கார்த்தி மகன் முகம்தான் என் பிரிய நிலா. அழகு நிலா '' என்று சொல்ல பின் சீட்டில் இருந்த கார்த்தி இரண்டு சீட்டிற்கு  நடுவில் தன முகத்தை நீட்ட அவனை கொஞ்சி உச்சி முகர்ந்து என் இரு கைகளில் அவன் முகத்தை ஏந்த , செந்தில் '' போதும் ,போதும் அம்மாவும்  மகனும் கொஞ்சியது '' என்று செல்லமாக கோபிக்க ....சேலம்  சென்று என் அம்மா வீட்டில் தங்கி ,எல்லோருடனும்  அவ்வளவு சந்தோஷமாக  இருந்து விட்டு கரூர் சென்றோம்.
அந்த 3 நாட்களும் எவ்வளவு சந்தோஷமான  நாட்கள்.
சினிமாவில் வருமே .ஒரு பெரிய குடும்பம் .சந்தோஷமான,  பாசமான  குடும்பம் பாட்டு  பாடி ஆடி முடிக்கும் போது  வில்லன்கள் வந்து அவர்களை நாசப் படுத்துவார்களே.
அதே போல்தான்  என் வாழ்விலும்  நடந்து விட்டது.
கடைசி, கடைசி என்று கார்த்தி தன் உறவினர்கள்,  நண்பர்கள் என அனைவருடனும் சந்தோஷமாக இருந்தான்.கரூரிலிருந்து  திரும்பும் போதும் சேலம் சென்று தன்  பாட்டி  தாத்தா  மாமன்கள்  என எல்லோரையும் பார்த்து விட்டு சந்தோஷமாக பேசிக் கொண்டிருந்து விட்டு bangalore  சென்றோம்.
என் வாழ்வின் கடைசி சந்தோஷமான நாட்கள்.

இன்றும் முழு நிலவை பார்க்க தைரியம் இல்லாமல் பைத்தியமாக இருக்கிறேன்.
கார்த்திக் +அம்மா
KALAKARTHIK

வருண பகவானே

மனமே யோசிக்க கூட முடியாமல் நின்று விடுகிறது, கேரள மக்கள் படும் துன்பங்கள் சொல்ல முடியாது..உலகம் முழுதும் தண்ணீர்  தண்ணீர்.
இயற்கையே நீதான் தலைவர்.ஒத்துக் கொள்கிறோம்.
போதும் நிறுத்திக் கொள்  உன் லீலைகளை .
ஒரு அளவிற்கு மேல் துன்பம் தரக்  கூடாது.
மீண்டும் மக்கள் தம் சொந்த இடத்திற்கு திரும்பி வீடு கட்டி ,மின் வசதி வாங்கி கேஸ் ,அரிசி ,பருப்பு என எல்லாவற்றையும் பழைய நிலைக்கு வர ....நினைத்தாலே ஆயாசமாக இருக்கிறது.
பலரால் பண உதவி மட்டுமே செய்ய முடியும்.
ஆனால் இன்னும் பல உதவிகள் செய்ய வேண்டும்.
எப்படி?
அங்கே போவது என்பது நினைத்து கூட பார்க்க முடியாத ஒன்று.உதவ முடியாத நிலை நினைத்து என் மேலேயே  எனக்கு கோபம் வருகிறது .
கையறு நிலை.
வேதனையுடன்
 கார்த்திக் அம்மா

கார்த்திக் RESUME

karthik's resume கார்த்திக் RESUME
As everyone knows, it's customary to wear coat,tie etc for any interview.I had been to his hostel,where I used to see his friends all in a formal attire and full tense over the interview.But,definitely,karthik would sure to follow his own laws and rules.SO, karthik had challenged his friends that he would go in jeans and 'T' shirt and would win the interview.
He had always been successful throughout his life and need it be said that he won the challenge.
Elated he came and told me all about it.
Not only that, he went and asked the Lady who interviewed him, the reason for selecting him, even after violating the so called rules of wearing formal attire. Damn sure, she would have never expected such a different guy.
I wanted to know her answer.But karthik diverted me to another topic, without giving a proper reply.
It's a year later, i myself found the answer, while i was studying his resume.
Will any employer like to lose this student with a full packed resume.
here follows his resume.
[..I (karthik amma ) tried my level best to upload the format submitted by karthik..and as i could not , i type. ]
Name: s. karthikeyan
Mother's name:kalavathy M.A,M.ED,M.Phil,M.B.A
Date.of birth: 14.11.1981
Degree:B.E.Comp.sci and Engineering
Electives:*Neural computing
*Visual Programming
*Advanced Java Programming
*C#and Net programming
*Univ.internals
*Digital speech and Image processing
*Robotics
*Mobile Computing

PROJECT Details and Papers Presented:

*Recognition of Handwritten Tamil Text

****Digital Voting Machine*****

*Library Automation [ oracle ]
*Unicode Keyword [ Assembly ]
*Network Carrom [ java ]
*Map Viewer [ c # ]
*C compiler
*Froctal maitain [am i typing the correct spelling ? ] Generator
SOFTWARE PRESENTATION:
1.Carrom Board game [ VB ]
2.Multilingual Editor [VB ]
3.Travel Planner [ VB ]
4 Kala Game [ C ]
5.Quiz Site [Java ]

SPECIAL INTERESTS/RESPONSIBILITIES UNDERTAKEN

1.Secretary of computer society of Anna UNIVERSITY 2001-2002
2.Vice President of computer society of Anna Univ 2000-2001
3Conducted the following quizzes:
*Techo Fest 2002 Inter College Meet
*Agni 2001 Intra University
*aBacus 2000 National Level Tech Symposium
*undefined 2001 Intra univ
*Karoke
*EUREKA 2000 for First Years
*SPARKS 1998 for Chennai schools
*Dance Contest

ADDITIONAL INFORMATION

*Designed the Website: CS. ANNAUNIV.EDU
*Authored part of C- Course material for Computer Society
*Articles written in CURSOR magazine:
1.HTML Tutorial
2.Weird Wild Web-Website review
3.Quiz Corner
and what follows are the competitions he participated and the prizes:
Tech.Quiz:

College	Level	Year	Prize Won
Madha Eng.col Hindustan.Eng National Institute VRS Coll KSR CIT Stella Maris Annamalai Uni REC Trichy .Sri.Venkateswara .PSG.Tech	National level " National level National level National level National level National level National level National level National level	2002 2002 2002 2002 2000 2001 2001 2001 2001	First Second First Second First First Second ..... Finalist Second second

PROGRAMMING CONTEST:

College	Level	Year	Prize Won
St.Joseph.En --------------- VRS Engg National.Inst " REC Rajalaxmi.Engg REC Nagpur Sri Venkateswara	National Level -------------- National level National level national level National level National level	2000 2001 2002 2002 2001 2001 2000 2000	Finalist Second First Second Second Second Finalist

SOFTWARE PRESENTATION:

College	Level	Year	Prize Won
REC Nagpur Annamalai Uni CIT Coimbatore Hindustan Engg REC Trichy KSR Engg	National Level National level National level National level National level	2000 2000 2001 2001 2001	Finalist Finalist Second Second Finalist

PAPER PRESENTATION:

College	Level	Year	Prize Won
VPS Engg National Ins	National level National level	2001 2002	Second ....

TECH CROSSWORD:

College	Level	Year	Prize Won
Bharath Inst of Tech		2001	First

Dumb Cha.......:[i am unable to read what it is ]

College	Level	Year	Prize Won
KSR.Engg SRM Easwari Eng Agni@Anna uni	National level national level Intra uni	2001 2001 2000	First Second First

தலை சுற்றுகிறதா ? இதெல்லாம் கல்லூரியில் மட்டுமே வாங்கியவை. பள்ளியில் , 'டெல்' கம்பெனியில் வாங்கியதெல்லாம் எழுத ஆரம்பித்தால் ????????????????..இப்போது புரிகிறதா ? நான் எப்படி பட்ட மகனை இழந்திருக்கிறேன் என்று ?
sooooo proud to have had such a son
and sooooooooooosad to lose him too.
karthik amma.. Yes, i feel proud to call myself as Karthik amma and not as kala....or as kalavathy
அன்புடன்
கலாகார்த்திக் 

சமாதியில் பால்

சமாதியில் பால் :
அந்த காலத்தில் அடக்கம் செய்யப் பட்ட முறையே வேறு.அப்போது சந்தன பேழையோ ,கண்ணாடி  பெட்டியோ கிடையாது.
மண்ணில் அடக்கம் செய்தார்கள்.
உடல் பதப்பட உப்பு ,மலர்கள் போன்ற பொருட்கள் பயன் படுத்தப் பட்டன.
பால் ஊற்றுதலுக்கும் ஏதோ ஒரு காரணம் இருக்க வேண்டும். என்ன என்று தெரியவில்லை.
ஆனால் இன்றைய முறைக்கு இது தேவை இல்லாத ஒன்று.
அப்படியே ஆனாலும் குடும்பத்தினர் மட்டுமே செய்ய வேண்டும்.

ஆச்சரியம் ஆச்சரியம்

கலைஞரின் கண் :
...கிட்டத்  தட்ட  60 ஆண்டுகளுக்கு முன் நடந்த விபத்தில் கண் பார்வை பிரச்சினை ஏற்பட்டது அவருக்கு.
...இப்போது அவர் ராஜாஜி அரங்கில் படுக்க வைக்கப் பட்டிருக்கிறார்....ஏதோ ஒரு வெளிச்சம் அவர் கண்ணில் பட்டு அந்த கண் பளீரிடுகிறது....
இந்த பார்வை+கண் பிரச்சினையின் காரணமோ என்னவோ அவர் கண்ணொளி வழங்கும் திட்டம் செயல் படுத்தினார்.
அதனால் இறந்த பிறகும் அவர் கண் ஒளிர்கிறதோ !!!!!!!!!!!!!!!
ஆச்சரியம்.

நம்பிக்கை போய்விட்டது

நம்பிக்கை போய்விட்டது
போயே விட்டது.
கோவில்???????????????
அண்ணா பல்கலை ???????????
எந்த கோவிலுக்கு போனாலும் அங்கு உண்மையான சிலை இல்லை என்ற வேதனை .கோவில் மேல் நம்பிக்கை போயே  போய் விட்டது.
ஒரு கோவிலில் மரகத சிலை இருந்தது.
அடுத்த முறை போகும்போது இல்லை.
வெறுத்து விட்டது.
அதுதான் அப்படி என்றால்....
அண்ணா பல்கலை....எத்தனையோ காலமாக நடக்கிறது .நன்கு படித்த மாணவன் குறைவான மதிப்பெண் வாங்குவதும் ,சுமாரான மாணவன் மிக சிறந்த மதிப்பெண் வாங்குவதும் நடப்பது (ஆதாரம் தர முடியாது என்பதால் )உண்மை இல்லை என்றாகி விடாது.
நேரடியாக பாதிக்கப் பட்டவர்களை நான் அறிவேன்.
ஆனால் அவர்களும் சாட்சி சொல்ல மாட்டார்கள்.
.....
அடுத்த இரு முக்கிய .....மேல் நம்பிக்கை போய் விட்டது.ஆனால் அவர்கள் யார் என்று சொல்ல முடியாது.பயம்.பயம்.
ஏதோ ..இப்படியும் வாழ வேண்டும் என்ற விதி இருக்கும் போது என்ன செய்ய முடியும்.
கார்த்திக் அம்மா

அம்மா மகன்

01 August 2005
நாட்கள் ஓடுகின்றன. ஆனால் மனம் கார்த்தியுடனேயே வாழ்ந்து கொண்டிருக்கிறது.
 01 August 2005  அன்று பள்ளியில் பணியில் சேர வேண்டிய நாள் என்பதால் நானும் கார்த்தியும் பெங்களூரிலிருந்து புறப்பட்டு சென்னை வந்திறங்கினோம்.அவன் நண்பர் வீட்டிற்கு சென்று பைக் எடுத்துக் கொண்டு என்னை பள்ளியில் விட்டு விட்டு மகாலிபுரம் சென்றான்.

இது போல் சரித்திர ,வரலாறு சம்பந்தப்பட்ட இடங்கள் என்றால் கார்த்திக்கிற்கு மிகவும் மிகவும் ஆசை. வெறி என்று கூட சொல்லலாம்.

இரவு ரயிலில் புறப்பட்டு மீண்டும் பெங்களூர் சென்றோம்.
இன்னும் 25 நாட்கள்தான் அவனுடன் இருப்பேன் என்று தெரியாமல் சந்தோஷமாக ....போனேன்.
26ம் தேதி எல்லாம் முடிந்து போனது.

எவ்வளவோ ஆசைகளும் திட்டங்களும் மனதில் வைத்திருந்த அந்த மகன் இல்லாமல் நான் தவிக்கும் தவிப்பு..... கொடுமை. கொடுமை.
இன்று 01.08.2018.
எத்தனை வருடங்கள் ஓடினாலும் மனம் இன்னும் 2005 லியே இருக்கிறது .
மனம் ஓ என கத்திக் கொண்டே இருக்கிறது.
கதறிக் கொண்டே இருக்கிறது.
மகன் மீண்டும் வந்து விட மாட்டானா ?ஒவ்வொரு முறை காலிங் பெல் அடிக்கும் போதும் அது கார்த்தியாக இருக்கும் என்று மனம் பரிதவிக்கிறது.
என்ன சொல்ல?
தாள முடியா வேதனையுடன்,
கார்த்திக் அம்மா

மேட்டூர் அணை 16 கண் மதகு

மேட்டூர்  அணை  16 கண் மதகு

பொங்கி வரும் காவேரி .16 கண் மதகு திறக்கப் பட்டால் இப்படித்தான்  சீறி வரும் தண்ணீர் .

அது ஒரு இனிய காலம்.
கார்த்திக் அம்மா

மேட்டூர் அணை

மேட்டூர் அணை +
தேங்காய் பால் :
பழசை மறந்து விடுங்கள் என்று எனக்கு அறிவுரை சொல்கிறார்கள்..
நானும் முயற்சி செய்கிறேன்.
ஆனால்
எல்லா சேனல்களிலும் மேட்டூர் அணைதான் .
என் கணவர் மேட்டூர் அணையின் AEE யாக இருந்தார்.
நேற்று கோலாகலமாக நடந்த விழாவை பார்த்த பொழுது மனம் மிகவும் சோகப்பட்டது.
அவர் இருந்திருந்தால் துள்ளிக் குதித்துக் கொண்டு இருந்திருப்பார்.நேற்று பார்த்த அணையின் மேல் சாலையில் சில அதிகாரிகளின் கார்கள் மட்டுமே செல்லும்.அதில் இவருடையதும் ஒன்று.கவர்னர் வண்டி வந்தால் கூட பரிசோதனைக்கு பின்னரே அனுமதிக்கப் படும். ஆனால் இந்த காரின் ஹாரன் சத்தம் கேட்கும் முன்னே கேட் திறக்கப் படும்.
என் கணவர் சிவில் பொறியாளர் என்பதால் அணையின் பராமரிப்பு இவருக்கு.
85 கிலோ எடை அவருடையது.6 அடி உயரம்.
ஒரு முறை அணையில் விரிசல் வர ஆரம்பித்தது.
" " நீங்கள் அணையின் மேல் தொம் தொம்  என்று நடக்காதீர்கள் .அதனால்தான் அணை விரிசல் விடுகிறது "  "
என்று அவரை கலாய்த்த இன்பமான காலங்கள் அவை.
.......   .......
தேங்காய் பால் :
ஆடி மாதம் சேலம் மாவட்டம் களை கட்டி விடும்.எங்கு பார்த்தாலும் மாரியம்மன் பண்டிகைதான்.
தேங்காய் சுடும் நோம்பி ( நோன்பு என்பதுதான் நோம்பி என்றாகி விட்டது.)
என் இனிய சேலத்து மக்களே.!!!!!!!!!!!!!!!!
அந்த slang ...சொல்ல முடியாது.ச் ச் சும்மா கலக்கியடிக்கும்
என்னுடையது சுத்த தமிழ். அந்த கிராமத்து மக்களுக்கு என் தமிழ் புரியாது.
எனக்கு அவர்கள் பேசுவது புரியாது.(நானும் கிராமம்தான் .ஆனால் சுத்த தமிழ் பேசுவேன் )
ஒரு நாள் 8 வழி சாலை குறித்து தந்தி டி .வி யில் ஒரு சேலத்துக்காரர் பேசினார்.
பாவம் அசோகா .
தன் அழகிய கண்களை விரித்து விரித்து அவர் என்ன சொல்ல வருகிறார் என்பதை புரிந்து கொள்ள படாத பாடு பட்டார் .
என் இனிய சேலத்து மக்களே.!!!!!!!!!!!!!!!!
தேங்காய் பால் விஷயத்திற்கு வருவோம்.ஹரிகேச நல்லூர் சொல்லிக் கொண்டிருந்தார்.இந்த ஆடி மாதம் புது புனல் நோய்களையும் கொண்டு வரும் அதற்கு நோய் எதிர்ப்பு கொடுக்க வல்லது தேங்காய் பால் என்று.
தேங்காயை உரசி மொழு மொழு என்று செய்து ஒரு கண்ணை துளையிட்டு பாதி தண்ணீரை எடுத்து விட்டு எள் +வெல்லம்+அரிசி+ ஏலக்காய் எல்லாம் அந்த கண் வழியாக தேங்காய்க்குள் போட்டு புரசை குச்சியால் கண்ணை மூடி நெருப்பில் சுட்டு ,பின் அதை உடைத்து சாப்பிட்டால் ...பெரிய இனிப்பு பலகாரம் அது.
ஆனால் பெரிய அறிவியல் சார்ந்த விஷயம்.உடலுக்கு வலிமையையும்,நோய் எதிர்ப்பு சக்தியும் தரும்.அதே போல் அம்மனுக்கு மஞ்சள் +வேப்பிலை கொணட தண்ணீர் ஊற்றுகிறோம் என்று சொல்லி ஊர் முழுக்க அந்த தண்ணீரை எல்லோர் மேலும் ஊற்றுவாரக்ள்.ஒரு ஹோலி பண்டிகைதான்.ஆனால் அவ்வளவும்  நோயிலிருந்து காக்க.
அந்த பழைய நினைவுகள்தான் என் ஊட்ட சத்து உணவு
கார்த்திக் அம்மா

ராகு +கேது

ராகு +கேது +ஜாதகம்.
ஜாதகத்தில் எனக்கு நம்பிக்கையே இல்லை என்பவர் சிலர்.
ஆனால் ஜாதக பைத்தியமாக இருப்பவர் பலர்.
ஜோதிடம் மிகப் பெரிய அறிவியல்.
மிக மிக பெரிய அறிவியல்.
ITS A WONDERFUL SCIENCE .
கோள்களின் சதிராட்டம்.
சிறிது பொறுமை வேண்டும்.இதை படிக்கவும்..புரிந்து கொள்ளவும்.
360 degree என்பது எல்லோருக்கும் தெரியும்.
அந்த 360 degree யைத்தான் 30 முப்பது டிகிரியாக பிரித்து 12 மாதங்கள் என்கிறார்கள்.
அந்த 12 தான் ஜாதக கட்டங்கள்.
முதல் கட்டம் மேஷம் .அங்குதான் சூரியன் உச்சம் பெறுகிறார்.
அதுதான் சித்திரை .ஆக வருட பிறப்பு சித்திரை ஒன்றுதான்.
உச்சம் என்றால் முழு பலத்துடன் இருப்பது.
வெய்யில் காலம்.summer .
சூரியன் 7 குதிரை பூட்டிய தேரில் வருகிறார் என்பார்கள்.
அந்த 7 தான் 7 வர்ணங்கள்.
7 colours .
vibgyor
அத்துடன்
அல்ட்ரா வயலட் (ultra violet )புற  ஊதா 
infra red அக சிவப்பு
so nine planets = nine colours .
ஒவ்வொரு கோளுக்கும் ஒரு வண்ணம் .ஒரு தானியம்.ஒரு ரத்தினம்.
நவ தானியம்.
நவ ரத்தினம்.
இந்த 9 வண்ணங்களை தாண்டி NASA வும் எதையும் கண்டு பிடிக்கவில்லை.
நம் சித்தர்கள் எந்த டெலஸ்கோப் வைத்து பார்த்தார்கள்?
எப்படி ஆராய்ச்சி செய்தார்கள் ?
பெரிய மலைப்பான விஷயம்.ஆனால் ஏதோ செய்திருக்கிறார்கள்.
அப்போது கணிக்கிறார்கள் .இன்று சூரிய கிரகணம்.
இன்று பிறை வட கோடு உயர சுபிட்ச மழை வருஷிக்கும் என்று நாட்காட்டியில் போட்டிருக்கும்.
கவனித்து பார்த்தால் ஒரு இரு துளி மழையாவது அன்று பெய்யும்.
ஆனால் அன்று சந்திர பிறையின் வடக்கு நீண்டு வர வேண்டும்.
அப்போது கணித்தது இப்போதும் நடக்கிறது.
நம்பாதவர்களுக்கு ஒரு உதாரணம்.
இப்போது ஜாதக கட்டத்தில் கோள் சார படி (கோச்சார ம்  என்று சொல்கிறோமே ) அந்த கோள் எந்த கட்டத்தை சார்ந்து இருக்கிறதோ அதுவே கோள் சாரம் .
இப்போது செவ்வாய் எனும் கோள் சனி (சனிஸ்வரர் அல்ல சனாச்சாரியார் )கிரகத்தின் வீடான மகரத்தில் உச்சம் (மிக அதிக வலிமையுடன் )உள்ளது.நீங்களே பாருங்கள். உலகம் முழுவதும் மழை கொட்டோ கொட்டென்று கொட்டி எங்கு பார்த்தாலும் தண்ணீர் .இதுதான் கோள்களின் சதிராட்டம்.
இது போல் வக்கிரம் எனும் சொல்.
ஒரு 3 பஸ்கள் ஒரு சாலையில் போய் கொண்டிருக்கின்றன.ஒரு பஸ் அடுத்த பஸ்ஸை ஓவர்டேக் செய்யும் போது இந்த பஸ் பின்னால் செல்கிறது.அதுவே வக்கிரம் .அதே பஸ் வேகம் எடுத்து ஒரு பஸ்ஸை முந்தி சென்றால் அதிசாரம்.
இதை எல்லாம் எப்படி கண்டு பிடித்தார்கள் நம் சித்தர்கள்?
ஆனால் அவர்கள் நமக்கு காட்டிய வழியை சரியாக பயன்படுத்தாமல் வீணடிக்கிறோம்.
அது போல்தான் செவ்வாய் தோஷம்.
பதிவு நீள்வதால் அது பற்றி இன்னொரு பதிவில் பார்க்கலாம்.
அன்புடன்
கார்த்திக் அம்மா

120 கோடி பணம்+100 கிலோ தங்கம்

அம்மாடியோவ்
போதுமா
என்னதான் செய்வார்கள்?
இவ்வளவு பணத்தை கண்ணால் பார்த்தால் மயக்கம் வந்து விடும்.
இவர்கள் ஒரு நிமிடம் யோசித்து பார்க்க வேண்டும்.
எம் .ஜி ஆர்
ஜெ அம்மையாருக்கு இல்லாத பணமா ????
எவ்வளவு பணம் இருந்து என்ன காப்பாற்றியது?
இன்னும் எத்தனை பேரை சொல்லலாம்.
ஆனாலும் ஏன் இந்த பேராசை?
ஒரு கிலோ தங்கம் என்றால் 124 பவுன் (சவரன் )
அப்படி என்றால்
100*124 =12400 பவுன் நகை.
ஒரு நாள் போட்ட நகையை  அடுத்த நாள் போட மாட்டார்களோ?
நியாயமாக சம்பாதித்தாலே கூட இவ்வளவு நகை தேவையில்லை.
அப்படியிருக்க இப்படி அநியாய வழியில் சம்பாதித்து  இப்படி அனுபவிக்க வேண்டுமா?
இதற்கு என்ன நடவடிக்கை எடுக்கப் போகிறது அரசு.?
எனக்கு தினமும் ஒரு எஸ் .எம்.எஸ் + ஒரு மெய்ல் வருகிறது.
நான் கட்டிய துக்கிளியூண்டு வரிக்கு இவ்வளவு மிரட்டல்.
ஜூலை 31க்குள் படிவம் தாக்கல் செய்யவில்லை என்றால் என்ன செய்கிறோம் பார் என்ற தொனியில் இருக்கிறது
இவர்களை என்ன செய்வார்கள்?
இது வரை ரெய்டு போனார்கள்.
அவர்களை என்ன செய்து விட்டார்கள்?
ஊருக்கு இளைத்தவன் பிள்ளையார் கோவில் ஆண்டி.
நானும்தான்.
கார்த்திக் அம்மா

என் தந்தை .கடைக்குட்டி சிங்கம்

என் தாத்தா 1880 ல் பிறந்திருக்க வேண்டும்.
ஒரு யூகம்தான்
அவரின் முதல் மனைவிக்கு இரு மகன்கள் பிறந்து இறந்து விடுகின்றனர்.என்ன காரணம் என்று தெரியவில்லை.தன்  கணவருக்கு இரண்டாம் திருமணம் செய்து வைத்தார்.
அவருக்கும் இரு பெண்பிள்ளைகள்.
அடுத்து தன் கணவருக்கு 3ம் திருமணம் !!!!!!!!!!!!!!செய்து வைத்தார் .
பாவம் ..
அந்த பாட்டிக்கும் இரு பெண் பிள்ளைகள்.
விட்டாரா என் பெரிய பாட்டி ? { பெரிய பிராட்டி என்பது  பெரிய பாட்டி என திரிந்து விட்டது என்பது என் யூகம் }
4ம் ...நான்காம் ...திருமணம் செய்து வைத்தார்.
அந்த பாட்டிக்கும் முதல் பிள்ளை பெண் பிள்ளை.
அடுத்து பிறந்த சிங்கம்தான் என் அப்பா .
கடைக்குட்டி சிங்கம் படம் பற்றி படித்தவுடன் [ படிப்பதுதான் .பார்ப்பது இல்லை] இந்த பழைய நினைவு வந்தது.என் அப்பாவிற்கும் 5 சகோதரிகள்.
5 அத்தைகளும் வாரிசுகளும் சம்பந்திகளும் என வீடு நிறைந்து இருக்கும்.அதை நினைத்தால் ...அந்த இனிமையான காலங்களை நினைத்தால் ஒரு ஏக்க பெருமூச்சுதான் வருகிறது.
கார்த்திக் அம்மா

எமன் துரத்தினால்

எமன் துரத்தினால் தப்புவர் யாரோ ?????????
அது விதியோ
அல்லது யமனோ
காலமும் நேரமும் கெட்டால்
யமன் துரத்தினால் 
நாம் எவ்வளவு தூரம் ஓடினாலும்
மரணத்திலிருந்து தப்ப முடியாது.
கோவை மாணவி  லோகேஸ்வரி மாலையில் வீடு திரும்பி விடுவோம் என்று நினைத்துதானே காலையில் கல்லூரிக்கு புறப்பட்டிருப்பாள் .
விதி இரண்டாம் மாடிக்கு அழைத்து செல்கிறது.
எந்த பணம்
ஈடு செய்யும் இந்த இழப்பை.
நான் கதறிக் கொண்டிருக்கிறேனே  13 வருடங்களாய் .
நிற்காத கண்ணீருடன்.
இன்று போல் ஒரு வெள்ளி கிழமைதான் கார்த்தி காலை 8.50க்கு வீட்டை விட்டு கிளம்பினான்.
மதியம் என்ன சாப்பாடு செய்கிறீர்கள் என்று கேட்டு சென்றான்.
அவனுக்கு பிடித்த உணவு என்ன
எதை சமைக்கலாம் என்ற யோசனை முடிவாகும் முன்னே அவன் முடிந்து விட்டான்.
இழந்தவருக்கு மட்டுமே இழப்பின் வலி புரியும்.
உலகமே கூடி நின்று ஆறுதல் சொன்னாலும் தாயின் அழுகை அவள் கடைசி மூச்சு வரை.
கார்த்திக் அம்மா

என் அன்பு மகன் கார்த்திக் .

காவிரி பெருக்கு

காவிரி பெருக்கு :
ஒருவருக்கு நல்லது என்றால்    அது யாரோ ஒருவருக்காவது  கெட்டதாகத்தான் இருக்கும்.
மழையால் கர்நாடகா மக்கள் துன்பம் அடைந்தால் (பாவம்தான்)
காவிரி நீரையே நம்பியிருக்கும் எங்களுக்கு மகிழ்ச்சியே .
ஒரு நெல் அறுவடை செய்து விடலாம்.
பாவமே பாவம் யார் என்றால்
5000 வோட்டு கூட வாங்காமலேயே
டெபாசிட் கூட வாங்காமலேயே
காவிரியை வைத்தே அரசியல் செய்த வட்ட ஆள் நாகுதான் .
ஆந்திராகாரர் என்றாலும் கர்நாடகாவை தத்து எடுத்து கொண்டு அதிரடி செய்து கொண்டிருந்தார் பாவம்.
இப்போதும் காவிரி தண்ணீரை தமிழகத்துக்கு தர மாட்டோம் என்று போராட்டம் செய்யுங்கண்ணா
அவர் மட்டும்தானா
தமிழ் நாட்டிலும் காவிரியை வைத்து அரசியல் செய்தவர்களும் இப்போது என்ன செய்வது என்று யோசித்துக் கொண்டிருக்கிறார்கள்.
தமிழக அரசு இந்த தண்ணீரை (நண்ணீரை  )சிறந்த முறையில் சேமிக்க போர்க்கால (!!!!!!!!!!!!!!!????????????)நடவடிக்கை எடுத்தால் நன்று. .
இப்போது ஒகேனக்கல் சென்று பார்க்க வேண்டும்.
நயாகரா மாதிரியே இருக்கும்.
ஒரு 7 கிலோ மீட்டருக்கு முன்னாலேயே அருவி ஆர்ப்பரிக்கும் சத்தம் மெய் சிலிர்க்க வைக்கும்.
கார்த்திக் அம்மா

பழனி முருகன்

பழனி முருகனுக்கும் 7.5 ஏழரை சனி போல் இருக்கிறது.
இன்றைக்கு நீதி மன்றம் போகிறார்.
பாவம்.
புழல் சிறையா
அல்லது
வேலூர் சிறையா   என்று தெரியவில்லை.
தன்னையே காப்பாற்றிக் கொள்ள முடியாத இவரா என்னை காப்பாற்ற போகிறார்?
முருகா முருகா .
..............
சிறு நீர் :
என்னடா நாட்டுக்கு வந்த கொடுமை...
ஒரு மொழி பெயர்ப்பாளர்தான் மைக்ரோ என்பதற்கு சிறுநீர் பாசனம் என்று சொல்கிறார்  
(ஒரு வகையில் உண்மைதான்.காவிரியில் தண்ணீர் வராது...அதனால் விவசாயிகளே இப்படி செய்யுங்கள் என்று மறைமுகமாக சொல்கிறார் போலும்.)
அவர்தான் அப்படி என்றால்
ஒரு செய்தி வாசிப்பாளர்
சிறிய ரக நீர்மூழ்கி கப்பல் என்று சொல்வதற்கு பதிலாக
சிறுநீர் மூழ்கி கப்பல் 
என்று செய்தி வாசிக்கிறார்.
ஏற்கனவே ஒருவர் தமிழ்நாடு மாவட்டம் என்கிறார்
இவர்களை பார்த்து நானும் உளறப் போகிறேன்
MIND VOICE :
இப்போது என்ன செய்து கொண்டிருப்பதாக நினைப்பு????????????
அம்மணி உங்க உளறல் பற்றி சொல்லோணுமா !!!!!!!!!!!!!!!
இப்படிக்கு தங்கள் உண்மையுள்ள
உளறல் மன்னி (அரசி)
கலாகார்த்திக்

குகைக்குள் சிறுவர்கள்

தேவையா
இது தேவையா
தான் அடங்க   தன குலம் அடங்க
என்று சொல்வார்கள்.
அட்வெஞ்சர் என்று சொல்லிக் கொண்டு முட்டாள் தனமான காரியம் செய்யக் கூடாது.
...
என்னதான் கோபம் வந்தாலும் சிறுவர்கள் பத்திரமாக வெளியேற வேண்டுமே என்ற ஆதங்கம் மிக மிக அதிகமாக இருக்கிறது.
இத்தனை நாட்கள் பசி,இயற்கை உபாதைகள் என்ற பிறவும் கவலை அளிக்கிறது.
ஆக்சிஜன் அளவும் குறைவதை கண்டால் பயமாக இருக்கிறது.
பெற்றோர்கள்,கவலை ஒரு புறம்.
இவர்களை மீட்க போராடுவோர் படும் பாடு ஒரு புறம்,
யாருக்கும் இது ஒரு எச்சரிக்கை.
அளவோடு விளையாடுங்கள்.
சிறுவர்கள் பத்திரமாக வர வேண்டுமே என்ற கவலையுடன்
கார்த்திக் அம்மா

ஆசிரியர்

ஒரு ஆசிரியரை பனணி  மாற்றம் செய்ததும் அந்த மாணவர்கள் அழுத செய்தி படித்தவுடன்
மலரும் நினைவுகள் :
நான் பணி  புரிந்த பள்ளியில் +2 மாணவர்கள் மொத்தம் 400 பேர்.+1 ல் 400 பேர்
மொத்த ஆங்கில ஆசிரியர்கள் 4 பேர்.
ஒரு நாள் +2 மாணவர்கள் 400 பேரும் வகுப்பை விட்டு வெளியில் நின்று
''எங்களுக்கு இந்த ஆசிரியை தான் பாடம் நடத்த வேண்டும் '' என்ற கோரிக்கை.
எனக்கோ பெரிய தர்ம சங்கடம்.
மீதி 3 ஆங்கில ஆசிரியர்களும் என்னை விட சீனியர்கள் .
அவர்களுக்கு கோபம்.
ஆத்திரம்.
நேற்று வந்த இந்த ஜுனியருக்கு இவ்வளவு வரவேற்பா என்ற கொதிப்பு.
நானே மாணவர்களிடம் பேசி நிலைமையை சீராக்கினேன்.
இன்று அந்த நினைவு வந்து விட்டது....
*****

என் நிலம்

என்னவோ ட்ரிபியூனல் னு சொன்னாங்க.
மேலாண்மை வாரியம்னு சொன்னாங்க.
ஒன்னும் புரியலையா.
சரி.
கிடக்குது  வுடு
தண்ணி இல்ல
விவசாயம் இல்ல.
அப்படின்னு நெனச்சுக்கிட்டு இருந்தா
திடீருனு கர்நாடகாவுல மழ கொட்டுகொட்டுனு  கொட்டிடுச்சா
இப்ப
35000 கன அடி தண்ணி வருது.
அணை நெறம்பிடும்.
மீதி தண்ணி கடலுக்கு போவும் .இந்த தண்ணிய சேமிக்க யாரும் எந்த திட்டமும் கொண்டு வர மாட்டாஹ .
எனக்கு காவிரி தண்ணிய நம்பி மேட்டூர்ல கொஞ்சமே கொஞ்சூண்டு நிலம்  இருக்குது.
(  சொல்லக் கூடாது.
எப்ப வேணுன்னாலும் பட்டா சிட்டா எல்லாம் காத்தில பறக்க 2 மணி நேரத்துல டெல்லிக்கு போக பறக்கும் ரோடு போட நெலத்த புடுங்காம இருந்தா )//
அடுத்த வெள்ளாமைக்கு (அதென்ன வோய் வெள்ளாமை ?? ஹி ஹீ ..அது வேளாண்மை ங்கிற வார்த்தைங்க .நாங்க சுத்த பச்சை ,,, வெள்ளை,,,தமிழனுங்கோ .அதனால தமில இப்படித்தானுங்க கொல பண்ணுவமுங்க )
அட விஷயத்துக்கு வாருமையா கார்த்திகேயா
அதானுங்க ( கார்த்திக் அம்மா வாகிய நான் )ரொம்ப யோசிச்சி தண்ணிய சேமிக்காலம்னு வீட்ல தேடுனா அண்டா இல்லிங்க.
குண்டாதான் இருக்குது.
சரி
குண்டான் ,டம்ளர் ,ஸ்பூன் எல்லாத்துலயும் தண்ணி புடிச்சு சேமிச்சு வச்சு அடுத்த வெள்ளாமை பண்ணப் போறனுங்க .
உங்க ஆசிர்வாதம் அவசியமுங்க.
அன்புடன்
கலா கார்த்திக் (எனும் )
கார்த்திக் அம்மா

எழுத்து பிழை

நிதி 
ஐயய்யோ
அநீதி 
அட மறுபடியும்
ஐயோ
ஐயையோ
நீதி
இந்த வார்த்தைக்கு தட்டச்சு செய்தால்
நிதி ....அநீதி .....இப்படி எல்லாம் என் கணினி அடங்கா பிடாரி தனம் செஞ்சா நான் என்னங்க பண்றது
குழப்பத்துடன்
கார்த்திக் அம்மா

பள்ளிகள் மூடல்

தமிழ் நாட்டில் பல பள்ளிகள் மூடப் பட போவதாக சொல்கிறார்கள்.
மிக நல்ல விஷயம்.
ஒரு கணக்கு போட்டு பாருங்கள்.
10 மாணவர்கள் படிக்கும் பள்ளியில்
ஒரு தலைமை ஆசிரியர்
குறைந்தது 2 ஆசிரியர்கள்
ஒரு அலுவலக உதவியாளர்
ஒரு கிளார்க்
ஒரு இரவு காவலர்.
இவர்களுக்கான சம்பளம்.
+
மின் கட்டணம் +குடி நீர் +கழிப்பறைக்கான நீர்.
இதையெல்லாம் கணக்கிட்டால் ஒரு மாணவனுக்கான செலவு எவ்வளவு?
ஆ
பின்தங்கிய மாணவர்கள்
ஏழை மாணவர்கள்
என்ற கூக்குரல் எழும்.
ஒரு குக்கிராமத்தில் கூட மெட்ரிகுலேசன் பள்ளி உள்ளது.
80 %  மாணவர்கள் அங்குதான் படிக்கிறார்கள்.
மீதி 20 % என்று கேட்க வேண்டாம்.
பக்கத்து பள்ளிகளுடன் இணைத்து விடலாம்.
ஆ
மாணவன் அவ்வளவு தூரம் பிரயாணம் செய்ய வேண்டுமா?????
ஒரு தனியார் பள்ளிக்கு சராசரி
குறைந்த பட்சம் 20 பேருந்துகள் உள்ளன.
மாணவர்கள் தினசரி 20 கி.மீ வரை பயணம் செய்கின்றனர்.
அப்படியிருக்க அரசு பள்ளி மாணவர்களுக்கும் தனி பேருந்து இயக்கி ஒரே பள்ளியில் படிக்க வைக்கலாம்.
ஆசிரியர்களும் திறம் பட பாடம் நடத்துவார்கள்.
எப்போது பார்த்தாலும்
ஏழை மாணவன்
கிராமத்து மாணவன்
என்று சொல்லி சொல்லியே அவர்களை கேவலப் படுத்துவதோடு அவர்களுடைய திறமைகளையும் வளர விடாமல் செய்கிறார்கள்.
கார்த்திக் அம்மா

2005 JUNE 3 Bangalore

JUNE 3 2005
இது ஒரு மீள்பதிவு .காலம் ஓடுகிறது. மனம் மட்டும் 2005 லியே இருக்கிறது.அப்போது எழுதியது..
// //1st June 2005
I had sent all my household articles to my dearest dearest Karthik's house in Bangalore and was waiting to leave on THIRD , JUNE .How restless did i feel. Excited.Happy at the thoughts that I was going to my son's house.I did not get a transfer. BUT the LEAST WORRIED about my job.The only thought that was haunting me was that, I am going to be with my dearest dearest son.
June third I left Chennai to Bangalore very very happily without knowing the fact that a GREAT GREAT Tsunami was waiting to blow me up to 100 lac pieces.
all my dreams and happiness shattered to 1000 lac pieces.
Now I am leading a lifeless life.
When will my Karthik take me ?
amma (kalakarthik)// //

இது இன்று 03/06/2018
தம்பி செந்திலின் படிப்பு முடியும் வரைதான் நீங்கள் சென்னையில் இருக்க வேண்டும்.
அப்புறம் என்னுடன் இருக்க பெங்களூரு வந்து விட வேண்டும் என்று கார்த்தி அன்பு கட்டளை இட்டதால் பணி  மாறுதலுக்கு விண்ணப்பித்து விட்டு (கொடுத்தால் கொடுங்கள் இல்லையேல் long leave ) என்று சொல்லி விட்டு வேளச்சேரியில்  இருந்து வீட்டு சாமான்களை எடுத்துக் கொண்டு பெங்களூரு கிளம்பி விட்டேன்.
இனி வாழ்நாள் முழுக்க பெங்களூருதான் என்பது திட்டம்.
எனக்கு பெங்களூரு பிடித்த நகரம் அல்ல 
சென்னை பிடிக்காத ஊரும் அல்ல .
மகன் இருக்கும் இடம் என் சொர்க்கபுரி. 
அவனுடன் சேர்ந்து வாழ்வது தலையாய இன்பம்.
அவ்வளவுதான்.
நான்+கார்த்தி+செந்தில் ...போதும்.
வேறு என்ன வேண்டும் ஒரு தாய்க்கு .
விதி இவ்வளவு கோரமாக விளையாடும் என்று தெரியவில்லை.
 போன வேகத்தில் திரும்ப வந்து விட்டேன்.ஆசையுடன் அழைத்துச் சென்ற மகனை விபத்து என்ற ஒற்றை வார்த்தையில் பறி  கொடுத்து விட்டு மீண்டும் சென்னைக்கே வந்து நடைப் பிணமாக இருந்து கொண்டிருக்கிறேன்.
இப்படி ஒரு வேதனை தேவையா? மனம் கதறிக் கொண்டே இருக்கிறது.
அம்மா

வருணுக்கு பதில்

அன்பு வருண்
first let me make it clear that i do not belong to any party.
i am not a die hard fan of anybody   nor do i hate anybody.
and I AM AM NOT AN UPPER CLASS ******
வருண் உங்கள் பதிவுகளை தொடர்ந்து படித்து வருகிறேன்.என்னுடைய முந்தைய பதிவிற்கு நீங்கள் கொடுத்த பின்னூட்டத்திற்கு 3 வார்த்தைகளில் ஒரு பின்னூட்டமாக முடித்து விடலாம் என்றுதான் நினைத்தேன்.
ஆனால் யோசனை நீண்டு செல்ல
இது ஒரு தனி பதிவாக ஆகி விட்டது. யாரையும் புண்படுத்துவது என் நோக்கம் அல்ல
அல்லவே அல்ல.
வருண்
நீங்கள் குறிப்பிட்ட அந்த வீடியோவை முன்னாலேயே பார்த்து விட்டேன்.
எனக்கு ஆச்சரியமாக இருக்கிறது.
கலெக்டர் அலுவலகத்தில் cctv வேலை செய்யவில்லை என்கிறார்கள்.
நானே டி வியில் தெளிவாக பார்த்தேன்.cctv வியின் wire அந்த கம்பத்தில் சுற்ற பட்டு நம் வீட்டில் இருக்கும் அலங்கார விளக்குகள் தொங்குமே அப்படி தொங்கிக் கொண்டிருந்தன.
அப்படி செய்ய ஒரு ஏணி அல்லது ஒரு ஸ்டூல் தேவைப் படும்.
ஒரு 20 நிமிடமாவது வேண்டும்.
அப்படி செய்யும் வரை போலீசோ அல்லது கலெக்டர் ஆபிஸ் ஊழியர்களோ கவனிக்கவே இல்லையா?
சரி.
இந்த வீடியோ எடுக்க முடியும் போது ஏன் மீதி காட்சிகள் படமாக்க படவில்லை?
சரி.
இந்த காட்சிகளில் கல்லெறியும் அந்த தீவிரவாதிகள் ( ?? ) முகம் தெளிவாக தெரிகின்றது.
அவர்களில் ஒருவர் கூட ஏன் இது வரை கைது செய்யப் படவில்லை.
அவர்கள் கல்லெரியும் விதமே சொல்லவில்லையா அவர்கள் கூலி படை என்று.
அவர்களை யார் அனுப்பியிருந்தாலும் போலீஸ் அவர்களை துரத்தினார்களே
ஒருவரை  கூட பிடிக்க முடியவில்லையா?
my doubt is that the entire video is doctored
வருண்
என் முந்தைய பதிப்பான ''பஸ் எரிப்பு '' படியுங்கள்.
அந்த 4 இளைஞர்களையும் தண்டிக்க வேண்டும் என்றுதான் சொல்கிறேன்.அது போல் குற்றம் செய்தவர்கள் யாராக இருந்தாலும் தண்டிக்க பட வேண்டும்.
ஆனால் சுட கூடாது.
தூக்கு தண்டனையே வேண்டாம் என்று போராடும் இந்த காலத்தில் இப்படி அப்பாவி மக்களை சுட வேண்டுமா?
அப்பாவி மக்களும்தான் பலியாவார்கள் என்ற உங்கள் வாதம் சரியென்றாலும்,
பலியானவர்கள் அனைவரும் அப்பாவிகள் மட்டும்தான்.
17 வயது பெண் அதிகமாக கத்தினாள் என்ற ஒரே தவற்றுக்காக வாயில் சுடுவது எந்த தர்மம்.
யார் யார் எல்லாம் முன்னாள் நின்று குரல் எழுப்பினார்களோ அவர்கள் எல்லாம் சுடப் பட்டனர்.
மகள் கேட்டாள் என்று மீன் வாங்கிக் கொண்டு வந்த அம்மா வீட்டு வாசலில் சுடப் படுவது எதனால்?
ஒரு ஆன்மிகப் பெரியவர் என்ற அளவில் பார்க்கப் படும் ஒருவர் சுடுகாடாகி விடும் என்று சாபமிட்டதுதான் எனக்கு அதிர்ச்சியை தந்தது.
என் கணவர் சொல்வார் "உன் வாயால் யாரையும் திட்டாதே , சாபமிடாதே ''
என் பதிவை தொடர்ந்து படித்தால் தெரியும்.
அதில் கோபமான ,கடுமையான ,தவறான வார்த்தைகள் வரவே வராது.
2005 ஆகஸ்ட் 23ம் தேதி கார்த்தி செந்திலுடன் பெங்களூரில் கார்த்தி வீட்டில் இருக்கிறோம்.என்னவோ மன உளைச்சலில் " " எழவெடுக்க " " என்று கத்தினேன்.எனக்கு இந்த வார்த்தையெல்லாம் வரவே வராது.
3 நாட்கள்தான்.
மூன்றே நாட்கள்தான்.
கார்த்திக்கிற்கு விபத்து.அவன் உலகை விட்டு போய் விட்டான்.
சாதாரணத்திலும் சாதாரணமான என் வார்த்தைகளே பலிக்கும் என்றால் ஒரு ஆன்மிக பெரியவர் வார்த்தை ????

ஒரு உயிரை இழப்பது எத்தனை வலி தெரியுமா வருண்???
கார்த்திக் அம்மா என்ற வார்த்தைக்கு பின் எத்தனை வலி மறைந்திருக்கிறது.?
கார்த்தி இருந்திருந்தால் நான் கலாவதியாக மட்டுமே இருந்திருப்பேன்.
கார்த்திக் அம்மாவாக உங்கள் எல்லோருக்கும் அறிமுகம் ஆகி இருக்க மாட்டேன்.கார்த்தியின் வலை தளத்தை நான் தொடர்ந்ததால் (தொடர நேரிட்டதால் ) கார்த்தி இருந்திருந்தால் நான் ஏன் வலை பக்கம் வருகிறேன்?
பேரன் பேத்தி என்று வேறு ஒரு உலகில் சந்தோஷமாக இருந்திருப்பேன்.
எத்தனை சந்தோஷங்களை இழந்துள்ளேன்.அந்த ஆன்மிக பெரியவரின் கோபமான வார்த்தைகளால் ஏதாவது அசம்பாவிதம் நடந்து உயிர் பலிகள் ஏற்பட்டு விடுமோ என்ற திகில்தான் எனக்கு.
யாரும் தன உயிராக நினைப்பவர்களை இழக்கக் கூடாது வருண்.
அது மட்டுமே என் பதிவின் நோக்கம்.யாரையும் குறை சொல்லவில்லை.யாரையும் நியாய படுத்தவும் இல்லை.
அன்புடன்
தாங்க முடியா மன வலியுடன்
கார்த்திக் அம்மா

பள்ளி திறப்பு

திரு செங்கோட்டையன் பல நல்ல மாற்றங்களை கொண்டு வருகிறார்.
பாராட்டுக்கள்.
உறுதியாக பள்ளி நாளை முதல் செயல்பட துவங்கும் என்று சொல்லி விட்டார்.
ஆ 
இந்த வெய்யிலில் பள்ளியா என்ற கூக்குரல் 
ஆங்கிலேயர்கள் நம் நாட்டை ஆண்டபோது இந்த கோடை வெய்யிலை தாங்க முடியாத காரணத்தால் 2 மாதம் விடுமுறை விட்டு அவர்கள் நாட்டிற்கு சென்று கோடை முடிந்ததும் திரும்பி வந்தனர்.
அவர்கள் செய்த பல விஷயங்களை அப்படியே காப்பி அடிப்பதில் வல்லவர்களான  நாம் இதையும் இன்னும் காப்பி அடித்துக் கொண்டே இருக்கிறோம்.
கோடை விடுமுறையில் மாணவர்கள் என்ன செய்கின்றனர்?
கிரிக்கெட் விளையாட போகிறேன் என்று அந்த கொளுத்தும் வெய்யிலில் அலைகின்றனர்.
கொஞ்ச நேரம் விளையாடி முடித்ததும் குழுவாக உட்கார்ந்து கதை பேசுகின்றனர்.
இங்குதான் விபரீதமே .
யாராவது ஒருவனிடம் இருக்கும் செல் போனில் இருக்கும் தவறான காட்சிகள் பல வேண்டாத விளைவுகளுக்கு வழி வகுக்கின்றன.
பெற்றோர்தான் எவ்வளவு நேரம் கண்காணிக்க முடியும்?
என்ன செய்யலாம்?
கோடை விடுமுறை இல்லாமல் அந்த நாட்களில் மாணவர்களுக்கு பல கைத்  தொழில் ஓவியம்,நடனம் போன்ற எத்தனையோ சொல்லிக் கொடுக்கலாம்.
அடுத்து வர போகும் மழையின் போது பள்ளி விடுமுறை விடலாம்.
கார்த்திக் அம்மா

தமிழ்நாடு ..சுடுகாடு

அட அவர் பேசிய மீதி எல்லாவற்றையும் விட்டு விடலாம்.
என்ன ஆக்ரோஷம்
என்ன ஒரு முக சுழிப்பு.
பெரிய ஆன்மிகவாதி.
மிக மிக நல்லவர்.????????????
அப்படிப் பட்டவர் வாயிலிருந்து இப்படி சாபம் வரலாமா ?????????
தண்ணீர் வரவில்லை.
குடிக்க தண்ணீர் இல்லை.
குழந்தை தாகத்தில் தவிக்கிறது.
உரியவர்களிடம் மனு கொடுக்கிறார்கள்.
அதிகாரிகள் உடனே வந்து பிரச்சினையை தீர்த்து விட்டால் மக்கள் ஏன் காலி குடங்களுடன் போராட போகிறார்கள்.
இதையெல்லாம் எந்த தீய சக்திகள் தூண்டி விடுகின்றன?
அப்படியே அவர்கள் தூண்டி விட்டுத்தான் போராடுகிறார்கள் என்றே  வைத்துக் கொள்வோம்.
அரசு பிரச்சினையை தீர்க்கட்டுமே.
மக்களுக்கு நல்லது செய்யட்டுமே.
இவருக்கு எல்லாம் நல்லதே நடக்கும்
மற்றவர்கள் உயிரை பறி கொடுக்க வேண்டும்.
அப்படி தமிழ்நாடு சுடு காடானால் இவருக்கு சந்தோஷமா ???????????
என்ன சொல்லியிருக்கலாம்.
ஏதாவது பிரச்சினை என்றால் என்னிடம் வாருங்கள்.
உரியவர்களிடம் பேசி உங்கள் பிரச்சினைகளை நான் தீர்த்து வைக்கிறேன்
என்று சொல்லி பிரச்சினைகளை தீர்த்து விட்டால் மக்கள் ஏன் போராடப் போகிறார்கள்.
சரி.
மக்கள்தான் முதலில் போலீசை அடித்தார்கள்.
சரி
அதற்காக மக்களை  சுட வேண்டுமா
அவருக்குத்தான் யார் தீவிரவாதிகள் யார் என்று தெரியுமே.போலீசிடம் அந்த லிஸ்ட் கொடுத்து அவர்களை கைது செய்து தண்டனை கொடுக்கட்டும்.
அதை விட்டு
சுடுகாடு ஆகி விடும் என்றால் எங்கள் உயிரையம் பறிக்க விடும் மிரட்டலா
கார்த்திக் அம்மா

பஸ் எரிப்பு

பஸ் எரிப்பு

புதுச்சேரி புதிய பஸ்நிலையத்தில் இருந்து சென்னைக்கு நேற்று முன்தினம் மாலை 6 மணிக்கு தமிழக அரசு பஸ் ஒன்று புறப்பட்டு சென்றது. பஸ்சில் 43 பயணிகள் பயணம் செய்தனர்.

புதுச்சேரி - சென்னை கிழக்கு கடற்கரை சாலை வழியாக புதுவை மாநில எல்லை அருகே காலாப்பட்டில் முகத்தை மறைத்து துணியை கட்டிக்கொண்டு காரில் வந்த ஒரு கும்பல் அந்த பஸ்சை வழிமறித்து கற்கள், தடிகளை வீசி தாக்கினார்கள். இதில் பஸ்சின் முன்பக்க கண்ணாடி உடைந்து நொறுங்கியது. பின்னர் அந்த கும்பல் பஸ்சின் முன்பக்க கதவை அடைத்து படிக்கட்டில் பெட்ரோலை ஊற்றி, தீ வைத்துவிட்டு அங்கிருந்து தப்பிச்சென்றனர்.

பஸ்சில் பிடித்த தீ மளமளவென பஸ் முழுவதும் பரவத்தொடங்கியது. பஸ்சுக்குள் சிக்கிய பயணிகள், முன்பக்கம் உடைந்திருந்த கண்ணாடியின் இடைவெளி வழியாகவும், டிரைவர் இருக்கை அருகே உள்ள வழியாகவும் அவசர அவசரமாக இறங்கினார்கள். சிலர் பஸ்சின் பின்பக்க கண்ணாடியை உடைத்து வெளியே குதித்து தப்பினார்கள். சிறிது நேரத்தில் பஸ் முழுவதுமாக எரிந்து நாசமானது.

இந்த சம்பவம் குறித்து காலாப்பட்டு போலீஸ் சப்-இன்ஸ்பெக்டர் சிவப்பிரகாசம் 11 பிரிவுகளின் கீழ் வழக்குப்பதிவு செய்து பஸ்சுக்கு தீவைத்தவர்கள் குறித்து விசாரணை நடத்தினார்.

இதற்கிடையே தமிழக அரசு பஸ்சுக்கு தீவைக்கப்பட்டதை பொதுமக்கள் சிலர் தங்களின் செல்போன் மூலமாக படம் பிடித்தனர். அந்த வீடியோ சமூக வலைதலங்களில் வைரலாக பரவியது. அந்த வீடியோவில் பஸ்சுக்கு தீவைத்தவர்களின் உருவம் பதிவாகி இருந்தது. இந்த காட்சிகளை வைத்து பஸ்சுக்கு தீவைத்தவர்கள் யார்? என்பது குறித்து போலீசார் விசாரணை மேற்கொண்டனர்.

இந்தநிலையில் தமிழக அரசு பஸ்சுக்கு தீவைத்த சம்பவம் தொடர்பாக புதுவை 2-வது குற்றவியல் நீதிமன்ற நீதிபதி தயாளன் முன்னிலையில் குயிலாப்பாளையம் லட்சுமிபுரம் அர்ஜூன் மகன் அருண், பெரிய காலாப்பட்டு சாமிநாதன் மகன் அகஸ்டின்ராஜ் (வயது 20), பொம்மையார்பாளையம் வேணு மகன் தருனேஷ், தந்திராயன்குப்பம் சந்திரசேகரன் மகன் சந்திரபோஸ் (19), புதுவை வெள்ளாளர் வீதி தாமோதரன் மகன் முத்துக்குமரன் (21) ஆகிய 5 பேர் நேற்று மாலை சரணடைந்தனர். அவர்களை போலீசார் காலாப்பட்டு மத்திய சிறையில் அடைத்தனர்.

இவர்கள் இளைஞர்கள் .
பஸ் எரித்தவர்கள் .
உண்மையில் இவர்கள் யார்? 
எந்த கட்சியை சேர்ந்தவர்கள்?
அது பா.ம.க 
அல்லது 
தி.மு.க 
அல்லது தூத்துக்குடி போராட்டக் களத்தினரா 
அல்லது வேறு யாராவது வேண்டுமென்றே இவர்களை கூலிக்கு அமர்த்தி நாடகத்தை அரங்கேற்றினார்களா ??????????
உண்மை வேண்டும் 

எதுவானாலும் போலீஸ் உண்மையை கண்டு பிடித்து மக்களுக்கு சொல்ல வேண்டும்.
இவர்களுக்கு தரப்படும் தண்டனை மற்ற வெறியர்களுக்கு பாடமாக இருக்க வேண்டும்.
கார்த்திக் அம்மா

சர்க்கரை வியாதி

ஒரு சர்க்கரை வியாதி என்றால் டயட் சொல்லும்போது இவ்வளவு காய் ,கீரை ,எடுக்கக் கூடாத காய்கள் என்றெல்லாம் லிஸ்ட் தருவார்கள்.
நேற்றிலிருந்து
மறைந்த முதல்வரின் டயட் லிஸ்ட் ஒளிபரப்பு ஆகிக் கொண்டிருக்கிறது.
ஒரு 100 ஆயிரம் முறை காது குத்துகிறார்கள்.
காலை 5 மணிக்கே சாப்பிட வேண்டுமாம்.!!!!!!!!!!!!!!!
!!!!!!!!!!!!!!!!!!
ஒன்னரை இட்லி
அதற்கு சாம்பாரா  சட்னியா
என்ன காய் பொரியல் இருக்க வேண்டும்
ஒரு கீரையாவது சேர்த்துக் கொள்ள வேண்டும்.
அது பற்றி எதுவும் இல்லை.
கதை விடுவதற்கும் ஒரு அளவு வேண்டும்.
கொடுமை.
கலா கார்த்திக்

என் அன்னை

என் தந்தையானவன்.
என் மகனானவன்
என் உயிரானவன்.
இந்த தாய்க்கு தாயானவன்.
என் அன்னையும் இவனே.
என் அம்மாவும் இவனே.
என்ன செய்து என் உயிர் மகன் கார்த்திக்கிற்கு நான் பட்ட அன்பு கடனை தீர்ப்பேன்?
என் உயிரை உருக்கி நெய்யாக்கி விளக்கேற்றி
என்னையே தீபமாக்குகிறேன்
இந்த தெய்வத் தாய்க்கு
என் அன்னையான கார்த்தி தெய்வமே உன்னை வணங்குகிறேன்
*****

இவர் என்னை பெற்ற அன்னை .இவரும் ஒரு சாதனையாளர்
பன்முக திறமை கொண்டவர் .ஒரு சிறந்த தலைமை ஆசிரியர்.
கார்த்திக் அம்மா
கலாகார்த்திக்

ஆசிரியை

*group discussion 
****ஸில்க் ஸ்மிதா 
&&&    interview 
சென்ற பதிவில் சொன்னேன்.
 செய்முறை வகுப்புகளில் பல கலாட்டாக்கள் நடக்கும் என்று.
படிப்பவர்களுக்கு போரடிக்குமோ என்று தெரியவில்லை.இருந்தாலும் எழுதுகிறேன்.
குரூப் டிஸ்கஷன் :
+2 மாணவர்களுக்கு ஆங்கில செய்முறையில் இதுவும் ஒரு பகுதி.
ஒரு வகுப்பு மாணவர்களுக்கு அடுத்த நாள்
பாகிஸ்தான் vs இந்தியா
என்ற தலைப்பில் விவாதம் என்று சொல்லி மாணவர்கள் தயாராக வர வேண்டும் என்று சொல்லியாயிற்று
வகுப்பை இரு பிரிவாக பிரித்து ஒரு பகுதி இந்தியா இன்னொரு பக்கம் பாகிஸ்தான் .
விவாதம் ஆரம்பித்தது.
முதலில் மாணவர்கள் என்னவோ பொறுமையாகத்தான் ஆரம்பித்தார்கள்.
கஷ்டப் பட்டு ஆங்கிலத்தில் பேசிக் கொண்டிருந்தார்கள் .ஆனால் நானே எதிர்பாராத அளவு பாயிண்ட்ஸ் .சிறிது நேரம் நன்றாகத்தான் போய்க் கொண்டிருந்தது.
நேரம் செல்ல செல்ல விவாதம் உக்கிரமாகி விட்டது.
கோபம்
ரௌத்திரம் .
தமிழுக்கு மாறி விட்டார்கள்.
இந்த பெஞ்சில் இருந்து அடுத்த பெஞ்சுக்கு குதிக்கும் அளவிற்கு கிட்ட தட்ட ஒரு சட்ட சபை ரேஞ்சுக்கு போய்விட்டது.
நான் சந்தோஷமாக ரசித்துக் கொண்டிருந்தேன்.
கூச்சலையும் குழப்பத்தையும் பார்த்த தலைமை ஆசிரியர் ஏதோ விபரீதம் என நினைத்து மூச்சு வாங்க ஓடி வந்தார் .
''என்ன பிரச்சினை ''என்கிறார்.
சார் ''பிராக்டிகல் ''என்றேன்.
''நல்ல பிராக்டிகல்'' என்று பெரு மூச்சு விட்டார்.
.......
ஸில்க் :
எனக்கு சினிமா அறிவு என்பது மிக மிக குறைவு .அதுவும் 1990 களில் சுத்த ஜிரோ .0 மதிப்பெண்.எதேச்சையாக டி .வியில் கிளியோபாட்ரா என்ற வார்த்தை காதில் விழுந்தவுடன் அந்த காட்சியை பார்த்து விட்டு அடுத்த நாள் வகுப்பில் ஏண்டா மகன்களா (மாணவர்களை மகன்களா என்றும் என் மகன்களான கார்த்தி,செந்திலை குட்டிஸ் என்றும்தான் சொல்வேன்)
கிளியோபாட்ராவுக்கு வந்த கொடுமை
 ஸில்க் ஸ்மித்தாவெல்லாம் கிளியோபாட்ராவாக நடிக்க வேண்டுமா என்று கேட்டு விட்டேன்.
ஐயோ என்று சொல்லிக் கொண்டு மாணவர்கள் அனைவரும் டெஸ்க்கில் தலை கவிழ்ந்து கொண்டனர்.
அழுகிறார்களாம் .
ஒரு மாணவன் சொன்னான்
டீச்சர் தயவு செய்து இனிமேல் சினிமா பற்றி பேசாதீர்கள் .எங்கள் ஸில்க் கை  இவ்வளவு கேவல படுத்தி  விட்டீர்கள் .என்று சொல்லி விட்டு மீண்டும் தலை கவிழ்ந்து கொண்டனர்.
அழுகிறார்களாம்.
பதிவு மிக நீள்கிறது .
நாளை சிந்திப்போம்.
கார்த்திக் அம்மா

 

அண்ணா பல்கலை

அண்ணா பல்கலை online application
நீதி மன்றம் கேட்கிறது.
''தமிழ் வழியில் படித்த மாணவர்கள் எப்படி ஆங்கிலத்தில் இருக்கும் படிவத்தை நிரப்புவார்கள் ''
கொடுமை.
+2 வரை மாணவர்களுக்கு ஆங்கில பாடம் இருக்கிறது.
+2 வரை படித்த மாணவனுக்கு ஒரு படிவம் fill up செய்ய தெரியவில்லை என்பது ஒரு பெரிய தவறல்லவா ?
+2 ஆங்கில  பாடத்திற்கு செய்முறை ( practical ) உண்டு.
அதில் (நான் ஆங்கில ஆசிரியை 2006 ல் விருப்ப ஒய்வு பெறும் வரை.அரசு பள்ளி ஆசிரியை )....
அந்த செய்முறையில்
money order form,
railway reservation form
pay in slip
cheque
resume
application form filling
2 minutes speech
dictionary
encyclopaedia
group discussion
interview
என இத்தனை உண்டு.(  (  ஆரம்பித்து விட்டாளா சுய புராணம் என திட்ட வேண்டாம்.) )
உண்மையை சொல்கிறேன்.
என் மாணவர்களுக்கு 3 விதமான application form xerox எடுத்து கொடுத்து அவர்களே படிவத்தை பூர்த்தி செய்ய வேண்டும்.
3  resume (ரெசுமே )அவர்களுடையதே எழுத வேண்டும்.
tape recorder எடுத்து சென்று மாணவர்கள் பேசுவதை பதிவு செய்வேன்
interview  பற்றியும் குரூப் discussion பற்றியும் அதில் வகுப்புகளில் நடந்த ரகலைகளையும் எழுதினால் 20 பக்கம் வேண்டும்.
very lively classes .
useful classes.
என் மாணவர்கள் அவர்களேதான் படிவம் பூர்த்தி செய்தனர்.
இப்போது சிலபஸ் தெரியவில்லை.இப்போது செய்முறை பற்றி தெரியவில்லை.
ஆனாலும்
+2 வரை படித்த மாணவன் ஆங்கிலம் 2 தாள்கள் எழுதும் மாணவன் ஒரு படிவம் பூர்த்தி செய்ய தெரியாமல் இருக்கிறான் என்பது மிகவும் வேதனையான விஷயம்.
kalavathy teacher (English teacher )

நீட்டில் தோல்வியா

இப்போது தேர்வு எழுதிக் கொண்டிருக்கும் அனைத்து மாணவர்களுக்காகவும் என் ஆசிர்வாதம்.
எத்தனையோ இன்னல்களுக்கு நடுவே வேறு மாநிலங்களில் தேர்வு எழுதும் மாணவர்களும்,உள்ளூரிலேயே எழுதுபவர்களும் சரி.
எல்லோருக்கும் இடம் கிடைத்து விடாது.
மருத்துவ கல்லூரியில் இடம் கிடைக்காவிட்டால் சோர்ந்து விடாதீர்கள்.
நானும் ஒரு டாக்டராக வேண்டும் என்ற வெறியில் தான் இருந்தேன்.
அப்போது entrance கிடையாது.
interview என்று ஒரு கண்துடைப்புதான்.
அதற்கு 25 மதிப்பெண்கள் .
நான் மிக நல்ல மதிப்பெண் பெற்றிருந்தேன்.
என்னுடன் படித்த என் தோழி என்னை விட குறைவான மார்க்.
ஆனால் நேர்முகத்தில் அவளுக்கு 24.
எனக்கு 15.
அவளுக்கு ஸீட் கிடைத்தது.
நான் அழுதேன் .அழுதேன்.
தற்கொலை செய்து கொள்ள வேண்டும் என்ற வெறி வந்தது.
ஆனால் தைரியம் வரவில்லை.
என் 50 வது வயதில் கூட மருத்துவ தேர்விற்கு சென்று விடை தெரியாமல் அழுவது போல் கனவு வரும்.
சரி.படித்து ஒரு ஆசிரியையாக வேலை பார்த்து அதில் மிக நல்ல பேர் பெற்றேன் .பல மாணவர்களை வாழ்வில் நல்ல நிலைமைக்கு கொண்டு வந்தேன் .
அதையேதான் இப்போதைய மாணவர்களுக்கு சொல்கிறேன்.
தோற்றால் மனம் தளர வேண்டாம்.
தற்கொலை முயற்சியெல்லாம் வேண்டாம்.
சாதிக்க எத்தனையோ துறைகள் உள்ளன.
சாதிக்கலாம்.
அடுத்த வருடம் கூட எழுதலாம்.
தைரியத்தோடு எதிர்காலத்தை எதிர்கொள்ளுங்கள்.
கார்த்திக் அம்மா

கண்ணே கண்மணியே

கண்ணே கண்மணியே

அம்மா என்று அழைப்பாயோ
அமுத கீதம் கேட்பேனோ ?
தாயாய் எனைத் தாலாட்டிய என் தெய்வமே
தவிக்கவிட்டு போனதெங்கே
இடம் தெரிந்தால் வருவேன் அங்கே
மார்பினில் தலை சாய்த்து, தலைதனை வருடும் மகனே
பாரினில் யாரறிவார் பாங்கதனை ?
.... ....
ஆறடியென அழகாய் வளர்ந்தவனே
அதிரடியால், அழுகையாய் தளர்ந்தேனே
.... ...
ஒரு நாள் உனை எரித்த நெருப்பு
நாளெல்லாம் எனை எரித்தும்
சாம்பலாகாமல், சூம்பிப் போனேனே
கட்டையாகி, கரியாகி, கசியும் புகையாகி
புதைந்து போகின்றேன் என்னுள் நான்

உன்னுள் நான் என ஓடி வரும் நாள் எது ?
கண்ணே கண்மணியே பதில் ஏது?

அம்மா

நீட் தேர்வு

அடடா
ஏனுங்க
எதுக்கு ராஜஸ்தான் மாநிலம்
அது நீட் தேர்வு எழுதும் தமிழக மாணவர்களுக்கு மிகவும் மிகவும் பக்கம் ஆயிற்றே .
மொழி பிரச்சினையும் இல்லை.
போகவும் வரவும் எந்த செலவும் இல்லை.
அங்கு தங்கவும் ஒரு ராஜ மாளிகை இருக்கும்.ஒரு பென்ஸ் காரில் தேர்வு மையத்துக்கு அழைத்து செல்லப் படுவார்கள்.
இவ்வளவு ஈஸியா தமிழக மாணவர்களை விடலாமா???
அடுத்த வருடம்
ஒரு பாகிஸ்தானிலோ
அல்லது
ஆப்கானிஸ்தானிலோ
சென்டர் போட்டால் இன்னும் நன்றாக இருக்குமே .
நீட் தேர்வு நடத்துபவர்கள் என்னுடைய இந்த ஆலோசனையை
சிரமேற்கொண்டு ஆவண செய்வார்கள் என்று உறுதியாக நம்புகிறேன்.
வெறித்தனமான கோபத்துடன்
கார்த்திக் அம்மா